Kurdî  ■  كوردی  ■  عربي
SUN, 17 FEB 2019 19:55 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Berpirsekî PDKê: Hêzên Iraqê nikarin Xaniqîn biparêzin..Pêşmerge venegerin dê bajêr bikeve destê DAIŞê
| KDP.info


Xaneqîn-KDP.info- Îro li dijî tevger û çalakiyên DAIŞê li derdora Xanexîn û ji bo vegera Hêzên Pêşmerge bo navçeyê, xwepêşandanek li Xaneqîn birêve çû. Berpirsekî PDKê li wê deverê dibêje hêzên Iraqê nikarin Xaneqîn biparêzin û eger Hêzên Pêşmerge venegerin navçeyê dê bajarê Xaniqîn bi temamî bikeve destê wan terorîstan.

Ev çend roj in ku çekdarên DAIŞê li gundên derdora Xaneqîn çalakiyan dikin, ku li çend navçeyên Diyale û Tikrît hejmareke welatî kuştine û revandine.

Derbarê dûbare serhildana DAIŞê li wê navçeyê, Berpirsê Şaxa PDKê li Xaneqîn Ceifer Şêx Mustefa ji malpera KDP.info re ragihand: “DAIŞ gihîştiye nava bajerokê Xaneqîn û li nava sînorê bajêrvaniya Xaneqîn çalakiyan dikin. Metirsiyeke mezin li ser xelkê Xaneqîn çêbûye, ku nêzîkî 150 gundên Xaneqîn di bin rehm û destê DAIŞê de ne. Berê eger bi şev çalakî dikirin, niha bi şev û roj û bi eşkere çalakiyên xwe berdewam dikin. Rewşa ewlehiyê li Xaneqîn bi temamî têk çûye û ji wir heta bi nêzîkî Kelar û rêya Celewla û heta Ava Sîrwan û navçeya Palan, ewlehî li wir nemaye û ketine bin destê DAIŞê.”

Berê Xaneqîn û navçeyên derdora wê di bin kontrola Hêzên Pêşmegre de bûn û terorîstên DAIŞê nikarîbûn nêzîkî wan navçeyan bibana, lê niha ew navçe ji aliyê hêzên Iraqê û Heşda Şeibî ve hatine dagîrkirin û ew hêz nikarin wan navçeyan biparêzin, lewma jî ew terorîst cardin vegeriyane û metirsiyeke mezin li ser wan navçeyên Kurdistanî heye.

Wî berpirsê PDKê wiha got: “Îro li nava Xaneqîn xwepêşandan hat lidarxistin û xelkê dukanên xwe girtin û ketin giravê de, mebest ji wê yekê jî ew e ku DAIŞ bê rawestandin. Em wek PDKê di wan çalakiyan de beşdar bûn. Me û xelkê daxwaz kir ku Hêzên Pêşmerge cardin vegerin Xaneqîn û derdora wê ji bo ku navçeyên Kurdistanî biparêzin ji ber ku hêzên Iraqê nikarin van navçeyan biparêzin û metirsî heye ku Xaneqîn bi temamî bikeve destê wan terorîstan.”




Nûçeyên din

Kurdistan û Îmarat dixwazin pêwendiyên xwe bihêztir bikin

SUNDAY, 17 FEBRUARY 2019 15:02:00

Almanya-KDP.info- Di duyemîn roja Kongreya Munich a Asayişê de Mesrûr Barzanî û Wezîrê Dewletê yê ji bo Karûbarê Derve yê Îmarat Enwer Qerqaş civiyan û herdû aliyan tekez kir ku ew dixwazin pêwendiyên xwe bihêztir bikin.

 
Wezîra Almanya: Kurdistaneke bihêz girîng e

SUNDAY, 17 FEBRUARY 2019 13:02:03

Almanya-KDP.info- Mesrûr Barzanî û Wezîra Bergîriyê ya Almanya li Munichê civiyan û di wê hevdîtinê de wezîra Almanî got ku welatê wê dê berdewam be li ser alîkarî û piştevaniya Hêzên Pêşmerge.

 
Mesrûr Barzanî: Rewşa Kurdên Rojava yek ji mijarên civînan bû

SUNDAY, 17 FEBRUARY 2019 13:02:36

Munich-KDP.info- Şêwirmendê Encûmena Asayişa Herêma Kurdistanê Mesrûr Barzanî li Munichê ragihand ku, dixwazin hevkarî û piştgîriya navdewletî ya zêdetir ji Herêma Kurdistanê re peyda bikin. Herwiha got jî ku rewşa Kurdên Sûriyê û metirsiyên serhildana DAIŞê mijarên civînên wî bûn ligel berpirsên welatan.

 
Mesrûr Barzanî û Wezîrê Bergîriyê yê Tirkiyê rewşa navçeyê gotûbêj kirin

SATURDAY, 16 FEBRUARY 2019 18:02:50

Munich-KDP.info- Mesrûr Barzanî û Wezîrê Bergîriyê yê Tirkiyê civiyan û di wê civînê de herdû aliyan behsa rewşa navçeyê û pêwendiyên Herêma Kurdistanê û Tirkiyê kirin.

 
Mesrûr Barzanî û Wezîrê Bergîriyê yê Brîtanya: Divê mafê Kurdan li Sûriyê parastî be

SATURDAY, 16 FEBRUARY 2019 17:02:40

Munich-KDP.info- Mesrûr Barzanî û Wezîrê Bergîriyê yê Brîtanya civiyan û di wê civînê de herdû alî hevnêrîn bûn ku pêwîst e mafê pêkhateyan di pêşeroja Sûriyê de parastî be, di nav wan de jî mafê gelê Kurd.

 


 
© 2018 Kurdistan Democratic Party, KDP