Kurdî  ■  كوردی  ■  عربي
TUE, 19 JUN 2018 21:06 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Fazil Mîranî: Yekîtiya Kurdan li Bexdayê pir girîng û pêwîst e
| KDP.info


Hewlêr-KDP.info- Sekreterê Polîtburoya PDKê Fazil Mîranî ragihand yekrêziya Kurdan li Bexdayê pir girîng û pêwîst e, ku pêwîst e hemû aliyên siyasî yên Kurdistanê bighên nêrîneke hevbeş ji bo parastina destkeftên Kurdistanê û bi destxistina hemû mafên gelê Kurdistanê.

Îro Fazil Mîranî pêşwazî li Konsulê Giştî yê Brîtanya li Herêma Kurdistanê Martn War kir û di wê hevdîtinê de Mîranî behsa biryarên neyasayî û nedestûrî yên Parlamentoya Iraqê kir ku dibêje, pêwîst e dengên derveyê Iraqê û dengên Hêzên Pêşmerge bên hilweşandin, û got: “Hilweşandina dengên Pêşmerge û asayişa Kurdistanê û zeftkirina dengên xelkê Mûsilê, tiştek e ku nedadperwerî ye û berûvajî destûr e.”

Mîranî ragihand: “Yekrêziya Kurdan li Bexdayê pir girîng û pêwîst e, ku pêwîst e hemû aliyên siyasî yên Kurdistanê bighên nêrîneke hevbeş ji bo parastina destkeftên Kurdistanê û bi destxistina hemû mafên gelê Kurdistanê. Lewma jî pêwîst e hemû aliyên siyasî bighên xalên hevbeş û pêkve hest bi berpirsyaretiyê bikin û di hikûmeta nû ya Iraqê de beşdar bibin.”

Ji aliyê xwe ve, Martn War spasiya Fazil Mîranî kir li ser vê pêşwaziyê û hêvî xwest ku tevahiya kêşe û giriftan li Iraqê bi lojîk û jihevtêgiheştinê çareser bibin û Kurd jî bi bandor di hikûmeta bê ya Iraqê de beşdar bibin.




Nûçeyên din

Pêşmerge dê li dijî DAIŞê li Mexmûrê operasyonê bike

TUESDAY, 19 JUNE 2018 16:06:52

Mexmûr-KDP.info- Ev çend roj in ku terorîstên DAIŞê li sînorê Mexmûrê tevgera wan zêde bûye û wek berpirsekî jî dibêje, eger nêta DAIŞê hebe dikare pêş bikeve û bajaran jî dagîr bike, lê Pêşmerge amadekariyan dike ji bo jinavbirina wan terorîstan. Fermandarekî Pêşmerge li Mexmûrê jî eşkere dike ku ewê operasyonekê li dijî DAIŞê li derdora Mexmûrê encam bidin.

 
Kurd di nivîsandina destûrê Sûriyê de beşdar bibin

TUESDAY, 19 JUNE 2018 16:06:41

Dihok-KDP.info- Biryar e 8 kesayetiyên Kurd di civînên Cinêfê de beşdar bibin, ku ew civîn taybet dibin bi nivîsandina destûrê Sûriyê.

 
Heşda Şeibî gefê li Kurdên Şebek dike

TUESDAY, 19 JUNE 2018 14:06:20

Deşta Neynewa-KDP.info- Nûnerê Kurdên Şebek di Parlamentoya Iraqê de Salim Şebek dibêje, Heşda Şeibî berdewam e li ser gefên xwe yên li dijî Kurdên Şebek.

 
"Li Efrînê xelk êş û azareke mezin dibînin”

MONDAY, 18 JUNE 2018 16:06:39

Efrîn-KDP.info- Çavdêreke siyasî ji Rojavayê Kurdistanê dibêje, girûpên tundrew ên opozisyona Sûriyê li Efrînê xelkê bi tundtirîn şêwe azar didin. Rêxistina Human Rights Watch jî eşkere dike ku ew çekdar jibilî ku xelkê azar dikin, cih û warên wan jî wêran dikin ji bo ku Kurd venegerin ser mal û halê xwe.

DAIŞ li Xaniqîn serokê eşîreke Kurdî û hevjîna wî teror kirin

MONDAY, 18 JUNE 2018 16:06:00

Xaneqîn-KDP.info- Terorîstên DAIŞê li sînorê Xaneqîn serokê eşîreke Kurdî bi navê Serokê Eşîra Hemend û malbata wî teror kirin.



 
© 2018 Kurdistan Democratic Party, KDP