Kurdî  ■  كوردی  ■  عربي
TUE, 22 JAN 2019 00:10 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî: Hilweşandina dengê Hêzên Pêşmerge qet nayê qebûlkirin û amajeyên metirsîdar in
| KDP.info


Hewlêr-KDP.info- Serok Mesûd Barzanî pêşwaziya Balyozê Amerîka li Iraqê kir û di wê hevdîtinê de Serok Barzanî got, hewldana ji bo yarîkirina bi encamên hilbijartinan û hilweşandina dengên Hêzên Pêşmerge bi tu awayekî nayê qebulkirin.

Roja dûşem 11.06.2018 li Selaheddîn Serok Mesûd Barzanî pêşwaziya Douglas Silliman Balyozê Amerîka li Iraqê û şandekî li gel kir.
Di hevdîtinê de Balyozê Amerîka li Iraqê pîrozbahiya serkeftina lîsta Partiya Demokrata Kurdistanê li Serok Barzanî kir û tekez jî li ser rola Serok Barzanî û Herêma Kurdistanê ya li proseya siyasî û qonaxa piştî hilbijartinê kir û eve jî dûpatkir ku daxwaza welatê wan eweye ku Herêma Kurdistanê bihêz bê û rolekî bi bandor li ser proseya siyasiya Iraqê da hebê.

Her di vê civînê de her dû alî di derbarê pêşhatên siyasiyên dawî û derketina hevkêşeyên nû li Iraqê û qonaxa piştî hilbijartinê û hewlên ji bo pêkanîna hikûmetê de danustandina bîr û ramanan kirin û Serok Barzanî tekez li wê yekê kir ku ewê ji bo Herêma Kurdistanê ewlewiyete û pêwîste hemû alî berbiçav bikin pabendbûna bi sê prensîpên hevbeşî, tevafuq û hevsengiye li warên cûr bi cûrên hukimraniyê û li jêr sayeya wan sê prensîpan de pêwîste gelek bi rûnî rêkkeftin li ser babet û kêşeyan û pêkanîna hikûmeta nû de bê kirin.

Di derbarê proseya hilbijartin û encaman de, Serok Barzanî wê yekê bi şanda mîhvan ragihand ku têbîniyeke zêde li ser edaya komîsyon û birêvebirina proseya hilbijartin û destkariya encaman û saxtekariyê heye. Eve jî xisterû ku partî hîç nûnerekî li komîsyona hilbijartina Iraqê da tûne û bi qesta hejmarekî zêdeyê dengê partî şewitandin bi taybetî dengên wargeh û kempan û dengên xuşk û birayên Êzdiyan û armanca şewitandina wan dengan jî ewe bûye ku rêgirî bê kirin ku Partiya Demokrat a Kurdistanê li parêzgeha Nînowa de dengê yekem bê ku li rastiyê da jî dengê yekeme.

Di dirêjahiya axaftina xwe de Serok Barzanî wê yekê dûpatkir ku ji bo nehiştina gumanan û proseyê bi xwe PDK bi hemû rêkarêk razî bûye êdî çi hejmartina dengan bê yan duvdaçûna ji bo lêpirsinên li her navçeyek û her wiha dûbarekirina hilbijartinan be jî. Lê belê hewldana ji bo yarîkirina encaman û hilweşandina dengên Pêşmerge bi tu awayekî nayê qebulkirin. Eve zulmeke li Pêşmerge tê kirin û Pêşmerge mafê xwe ye û parêzgeriyê li welatê xwe kiriye û heq li ser hemû aliyek heye û ji bo çi divê dengên Pêşmerge bi bê sedem bi navê merama siyasî bê hilweşandin?

Serok Barzanî balkişand li ser wê yekê ku karkirina ji bo hilweşandina dengên Pêşmerge amajeyekî metirsîdare û karkirine ji bo hilweşandina paşaroj û çarenivîsa Kurdistanê ji bo wê yekê bei hemû awayekî bi beranber wê biryara zalimane radiwestîn.

 




Nûçeyên din

Hêzên Hevpeymanan bi çaksazî û hevkariya Pêşmerge berdewam dibin

MONDAY, 21 JANUARY 2019 17:01:08

Hewlêr-KDP.info- Şêwirmendê Encûmena Asayişa Herêma Kurdistanê Mesrûr Barzanî ligel Cîgirê Fermandarê Operasyonên Giştî yên Hevpeymana Navdewletî li Bexda General Austin Renforth û şanda pê re dawî pêşhatên navçê, pêşxistina mîkanîzma hevahengiyê di navbera hêzên pêwendîdar û rûbirûbûna gefên terorizma DAIŞê gotûvêj kirin.

 
Serok Barzanî û Elawî guhertinên navçeyê gotûbêj kirin

MONDAY, 21 JANUARY 2019 17:01:30

Hewlêr-KDP.info- Serok Mesûd Barzanî pêşwaziya siyasetmedarê Iraqê Eyad Elawî kir û di wê hevdîtinê de rewşa siyasî û guhertinên ku navçeyê çêdibin, hatin gotûbêjkirin.

Serok Barzanî û Mihemed Hacî Mehmûd li ser çend mijaran axivîn

MONDAY, 21 JANUARY 2019 17:01:57

Hewlêr-KDP.info- Serok Mesûd Barzanî pêşwaziya Sekreterê Giştiyê Partiya Sosyalîsta Demokrata Kurdistanê kir û di wê hevdîtinê de çaend mijar hatin gotûbêjkirin.

Hêzên Amerîka dê li hemû navçeyên Kurdistanî yên madeya 140 bicîh bibin

SUNDAY, 20 JANUARY 2019 18:01:08

Xaneqîn-KDP.info- Berpirsê Şaxa PDKê li Xaneqîn ragihand ku hêzên Amerîkî çûbûn Xaneqîn û dixwazin li navendên xwe yên li Xaneqîn bicîh bibin. Herwiha hatibû ragihandin ku hêzên Amerîka dê li navçeyên Kurdistanî yên li Mûsil û Kerkûk jî bicîh bibin.

Pisporê Fransî Gerard Chaliand serdana mezarê nemiran kir

SATURDAY, 19 JANUARY 2019 18:01:45

Barzan-KDP.info- Şareza û pisporê Fransî yê navdar Gerard Chaliand li devera Barzan serdana mezarê Barzaniyê Nemir û Îdrîs Barzanî kir û li wir got ku Barzaniyê Nemir 50 salî xebat û têkoşîn kiriye ji bo ku gelê wî bi azadî bijî.

 


 
© 2018 Kurdistan Democratic Party, KDP