Kurdî  ■  كوردی  ■  عربي
FRI, 24 MAY 2019 15:02 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

PDK: Biryarên nedestûrî yên Parlamentoya Iraqê destpêkeke metirsîdar in
| KDP.info


 

Hewlêr-KDP.info- Polîtbûroya Partiya Demokrata Kurdistanê (PDK) ragihand, ku biryar, yasa û pêngavên Parlamentoya Iraqê “nedestûrî û neyasayî” ne. Herwiha destnîşan kir, ku ev yek ji bo olozî û neseqamgîriya Iraqê destpêkeke metirsîdar e.

Polîtbûroya PDKê derbarê biryara Parlamentoya Iraqê ya betalkirina dengên hêzên pêşmerge de daxuyaniyek weşand û ragihand, ku “beşek ji beşdarên pêvajoya siyasî, ku di hilbijartinan de serkeftî nebûne û encam di berjewendiya wan de nebûye” bêyî berçavgirtina destûr û yasayan biryar û helwesteke wiha wergirtine û diyar kir, ku ev yek hemû pêvajoyan ber bi aliyeke xeter ve dibe.

Di daxuyaniya Polîtbûroya PDKê de hate gotin: “Weke PDK, bi tevî ku nûnerê me di Komîsyona Bilind a Hilbijartinan de heye, ji ber hestkirina bi berpirsiyariyê, piştî bidawîbûna pêvajoya hilbijartinan û ragihandina encaman me nîgeraniyên xwe ragihand. Ji bo ji holê rakirina guman û nîgeraniyên hemû aliyan û parastina seqamgîriyê me baş zanî, ku di wan cîh û wêstgehên ku gilî li ser wan heye, li gorî yasayan lêkolîn were kirin. Li gorî pêwîstiyan deng bi dest werin hejmartin û eger pêwîst jî be li seranserê Iraq û Kurdistanê deng bi dest werin hejmartin. Niha jî nêrîna me bi vî awayî ye.”

Polîtbûroya PDKê da xuyakirin, ku Serokatiya Parlamentoya Iraqê bi piştgiriya hindek aliyan hinek biryarên “neyasayî” derxistine, ku ev yek jî pêvajoya siyasî ya Iraqê dixetimîne.

Di daxuyaniyê de hate gotin: “Xelkê Kurdistanê bi hemû pêkhateyên neteweyî û olî ve xwedî mafê destûrî ne ku beşdarî dengdanê bibin û bi awayeke azad nûnerên xwe destnîşan bikin. Lewma nabe ev maf were desteserkirin. Hêzên pêşmerge û hêzên ewlekariyê ew hêzên qehreman in, ku bi lehengiyeke mezin û canfidayî berevnaiya xelkê Kurdistanê, Iraqê û cîhanê jî kirin û di vê oxirê de gelek qurbanî dan. Dewsa ku werin xelatkirin û qedrê wan were girtin, Parlamentoya Iraqê biryara betalkirina dengên wan derxistiye! Ev biryar û yasa pêngaveke nedestûrî û neyasayî ye û nayê qebûlkirin. Em piştrast in, ku gelê Kurdistanê û aliyên dilsoz ên Iraq û Kurdistanê vê biryar û yasayê qebûl nakin.”

Polîtbûroya PDKê amaje bi nehejmartina dendên taybet ên koçberên Kurdên Êzidî û herwiha dengderên bimerc ên derveyî welat jî kir û da xuyakirin, ku divê hejmartina wan li gorî yasayen be ne ku li gorî berjewendiyên hinek kes an jî aliyan.

PDKê ev biryar wek, “li dijî daxwaz û îradeya gelê Iraqê bi giştî û bi taybetî jî ya gelê Kurdistanê” binav kir û ev yek wek, “destpêkeke metirsîdar û zêdeti alozî û neseqamgirî” pênase kir. Herwiha daxwaz kir, ku ev biryar careke din li ber çavan re were derbaskirin, li gorî destûr û berjewendiyên giştî were hilweşandin.

Polîtbûroya PDKê ragihand: “Berovajî eger ebv pêngav serbikeve, em weke PDK û gelek aliyên din, ku di xema seqamgîrî û çareseriya aloziyan de ne, dê helwestê me hebe. Lewma ji vi rem bang li hemû aliyên peywendîdar ên navxwe yên Iraqê û derve dikin, ku demek ji ya din zûtir ji bo çareserî, aramî û seqamgîriyê hewlên xwe bidin.”

 




Nûçeyên din

Serok Barzanî û Eyad Elawî guhertinên navçeyê gotûbêj kirin

THURSDAY, 23 MAY 2019 23:05:25
Hewlêr-KDP.info- Serok Mesûd Barzanî pêşwazî li Siyasetmedarê Iraqê Eyad Elawî kir û di wê hevdîtinê de herdû aliyan rewşa Iraqê û guhertinên navçeyê gotûbêj kirin Îro Pênçşema 23.05.2019 li Selaheddîn Serok Mesûd Barzanî pêşwaziya Eyad Elawî Serokê Hevpeymaniya Niştimaniya Iraqî kir.
 
Li Xaneqîn dest bi şewitandina baxên Kurdan kirine

THURSDAY, 23 MAY 2019 06:05:16
Xaneqîn-KDP.info- Heta niha zêdetirî 700 donim zeviyê çandiniyê yê Kurda hatine şewitandin ku niha jibilî şewitandina genm dest bi şewitandina baxên Kurdan hetiye kirin.
 
“Ji ber nebûna Hêzên Pêşmerge li navçeyên Kurdistanê DAIŞ derketiye”

THURSDAY, 23 MAY 2019 05:05:56
Navçeyên Kurdistanî-KDP.info- Terorîstên DAIŞê li navçeyên Kurdistanî yên madeya 140 dest bi tevgerê û şewitandina genimê cotkaran kirine û bac û serane jî ji welatiyên Kurd distînin. Pisporek di warê girûpên Îsalmî yên tundrew de jî dibêje, îstixbaratên welatan ji bo armancên xwe DAIŞ bikar tînin, herwiha nebûna Hêzên Pêşmerge li wan navçeyên Kurdistanê rê ji DAIŞê re vedike ku serî hilde.
 
Li Xaneqîn jî erd û genmê Kurdan dişewitînin..Destê Heşda Şeibî tê de heye

TUESDAY, 21 MAY 2019 17:05:43

Xaneqîn-KDP.info- Berpirsê Şaxa 15 a PDKê li Xaneqîn Şêx Ceifer Şêx Mistefa dibêje, şewitandina erd û genmê Kurdan li sînorê Xaneqîn berdewam e û heta niha nêzîkî 700 donim hatiye şewitandin. Ew dibêje, destê Heşda Şeibî di wî karî de heye û êdî xelkê navçeyê nema karin tehemûl bikin.

 
Ev 57 sal e ku Serok Barzanî Pêşmerge ye

MONDAY, 20 MAY 2019 20:05:24

Bîstê meha 5an sala 1962 ew roj bû ku Serok Mesûd Barzanî çekê şerefê yê pêşmergayetiyê avêt ser milê xwe.

 


 
© 2018 Kurdistan Democratic Party, KDP