Kurdî  ■  كوردی  ■  عربي
TUE, 16 OCT 2018 22:17 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Rewşa gundên Kurdan li Xaneqîn pir xerab e..DAIŞ êrişî Kurdan dike
| KDP.info


 

Xaneqîn-KDP.info- Berpirsekî PDKê li Xaneqîn dibêje, piştî bûyerên 16ê Cotmeha 2017ê, DAIŞê berdewam êrîş dike ser gundên Kurdan li Xaneqîn û gefan li wan dike, ku gundiyan direvînin û malên wan wêran dikin, lê hêzên Iraqê û Heşda Şeibî li hemberî wan karan bêdeng in, lewma jî xelkê wan gundan ji tirsa DAIŞê ji malê xwe bar dikin û ew guund vala dibin.

Piştî bûyerên 16 Cotmehê û derketina Hêzên Pêşmerge ji sînorên Xaneqîn, êdî li wir valahiyeke emnî çêbûye û DAIŞ li wir dîsa serî hildaye û bi şev êrîş dike ser gundên navçeyê, lê hêzên Iraqê û Heşda Şeibî ku ew navçe dagîr kirine, nikarin wan gundan biparêzin.

Berpirsê Navçeya PDKê ya Qeretepe li Xaneqîn Kemal Îbrahîm ji malpera KDP.info re ragihand: “Beriya 3 rojan li gundê Gilabat ê sînorê nahiyeya Cebare 4 çekdarên DAIŞê li nêzîkî wî gundî ji aliyê xelkê gund ve hatin girtin û bo asayişa Kifrî hatin radestkirin, lê ew hersê terorîst ser bi eşîreke mezin bûn û îro endamên wê eşîrê bi çekan êrîş kirin ser gundê Gilabat û piştî şerekî giran ku 2 saetan dirêj kir, ew eşîr hat şikestin û niha rewşa gund pir xerab e.”

Kemal Îbrahîm wiha got: “Herwiha îro Fermandarê Polîs Mihemed Hemîd ku Kurd e ligel welatiyek bi navê Luqman Mehmûd Hesen ku endamê PDKê ye û ji gundê Gilabatê ber bi nahiyeya Cebare ve diçûn, li ser rê bombeke vedayî bi wan de teqiya û di encamê de ew fermandar şehîd bû û Luqman Mehmûd jî bi giranî birîndar bû.”

Îbrahîm wiha domand: “Herwiha îro çekdarên DAIŞê 30 guleyên hawinê avêtin gundê Aştoka yê ser bi nahiyeya Cebare û di encamê de 5 malên welatiyan hatin rûxandin û 2 otomobîl jî şewitîn. Lewma jî niha xelkê herdû gundên Gilabat û Aştoka ji tirsa wan terorîstan biryar dane ku ji gundê xwe derkevin û jin û zarokên xwe biparêzin.”

Wî berpirsê PDKê ragihand: “Hêzên Iraqê û Heşda Şeibî li hemberî wan êrîşan bêdeng in û heta Hêzên Pêşmerge venegerin wan navçeyan dê ewlehî li wir bicîh nebe.”

 




Nûçeyên din

Kerkûkî:Em xayinên 16ê Cotmehê efû nakin û divê bên dadgehkirin

TUESDAY, 16 OCTOBER 2018 17:10:56

Hewlêr-KDP.info- Xelk û çalakvanên Kerkûkê dibêjin em xayinên 16ê Cotmehê efû nakin û daxwaza dadgehkirina wan xayinan dikin.

 
Îsmaîl Beşikcî: Karesata Kerkûkê xiyaneteke mezin bû û birîneke mezin e ji Kurdan re

TUESDAY, 16 OCTOBER 2018 16:10:14

Duhok-KDP.info- Dostê gelê Kurd, ronakbîr û dîroknivîsê Tirk Îsmaîl Beşikcî di salvegera xiyaneta 16ê Cotmeha 2017ê de dibêje, xiyaneta Kerkûkê xiyaneteke mezin bû û birîneke mezin bû ji Kurdan re.

 
Serok Barzanî: Me qet texmîn nedikir ku li Kerkûkê destekî Kurdî ji pişt ve xencerê li me bide

TUESDAY, 16 OCTOBER 2018 15:10:11

Hewlêr-KDP.info- Serok Mesûd Barzanî di salvegera bûyerên 16 Cotmeha 2017an de peyamek belav kir û têde ragihand, “16 Cotmehê rojeka tarî ye di dîroka gelê me de û di wê rojê de bû ku xiyaneta necamêrane li hêvî û xewnên gelekî mezlûm hat kirin.”

 
Cîgirê Wezîrê Derve yê Amerîka: Em piştgiriya Kurdistanê dikin

MONDAY, 15 OCTOBER 2018 23:10:33

Hewlêr-KDP.info- Bi serokatiya Cîgirê Wezîrê Derve yê Amerîkayê şandeke payebilind a Amerîkî li gel Serokwezîrê Herêma Kurdistanê Nêçîrvan Barzanî civiya û piştgiriya wî welatî bo Herêma Kurdistanê piştrast kir.

 
Beşikcî: Serok Barzanî rêberiya doza rewa ya gelê Kurdistanê dike

MONDAY, 15 OCTOBER 2018 14:10:08

Hewlêr-KDP.info- Serok Mesûd Barzanî pêwazî li dostê gelê Kurd, ronakbîr û dîroknivîsê Tirk Îsmaîl Beşikcî kir û Serok Barzanî ragihand, Beşikcî ji bo me hemûyan cihê şanazî ye û sembol, nêrînên wî yên di derbarê gelê Kurdistanê de cihê girîngîdaneke zêde ye.

 


 
© 2018 Kurdistan Democratic Party, KDP