Kurdî  ■  كوردی  ■  عربي
MON, 28 MAY 2018 08:33 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Mcgurk: Pêwîst e Kurd li Iraqê bihêz bin..Bê Kurdistanê hikûmeta Iraqê ava nabe
| KDP.info


Hewlêr-KDP.info- Serok Mesûd Barzanî ligel Nûnerê Taybetî yê Serokê Amerîka Brett Mcgurk civiya û di wê hevdîtinê de Mcgurk ragihand ku li gorî siyaseta Amerîka pêwîst e Herêma Kurdistanê li Iraqê bihêz û bi bandor be û bê Herêma Kurdistanê hikûmeta Iraqê pêk nayê.

Îro Çarşema 16.05.2018 li Selaheddîn Serok Mesûd Barzanî pêşwaziya Brett Mcgurk Nûnerê Taybetî yê Serokê Amerîka yê li Hevpeymaniya Navdewletiya Dijî DAIŞê kir û ligel civiya.

Di vê civînê de Nûnerê Taybetî yê Serokê Amerîka birêveçûna hilbijartinên Encûmena Nûnerên Iraqê û serkeftina Partiya Demokrat a Kurdistanê (PDK) li gelê Kurdistanê û Serok Barzanî pîroz kir û ji bilî balkişandina ser rola girîng û dîrokî ya Serok Barzanî li Kurdistan û Iraq û navçeyê, ragihand ku siyaseta welatê wan ew e ku pêwîst e Herêma Kurdistanê di hevkêşeyên Iraqê de bihêz û bibandor be û daxwaz jî kir ku peywendiyên di navbera Amerîka û Herêma Kurdistanê li hemû waran de berdewam bimîne û bê berfirehtirkirin.

Her di vê civînê de proseya siyasî ya Iraqê û encama hilbijartinên Encûmena Nûnerên Iraqê û rola Herêma Kurdistanê di aramiya siyasî de hate nirxandin û ronahî jî xistin ser egerên pêkanîna hikûmeta bê ya Iraqê û tekez jî li wê yekê kir ku bi bê beşdariya çalak û rastî ya Herêma Kurdistanê, hewlên ji bo pêkanîna hikûmetê û dirustbûna aramiyê serî nagrin




Nûçeyên din

PDK dixwaze hemû aliyên Kurdistanî bi yekgirtî biçin Bexdayê

SUNDAY, 27 MAY 2018 20:05:51

Hewlêr-KDP.info- Endamê Encumena Serkirdatiya PDKê Dr. Aras Heso dibêje, piştî ku şanda PDKê ji Bexdayê vegeriya biryar e vê hefteyê ligek YNKê bicive, ji bo ku pêkve ligel aliyên Iraqî gotûbêjan bikin derbarê pêkanîna hikûmeta nû ya Iraqê, herwiha PDK dixwaze hemû aliyên Kurdistanî bi yekgirtî biçin Bexdayê.

 
Serok Barzanî: Şoreşa Gulanê piştrast kir ku îradeya gelê Kurdistanê qet naşke

SATURDAY, 26 MAY 2018 16:05:59

Hewlêr-KDP.info- Serok Barzanî peyamek belav kir û ragihand, Şoreşa Gulanê piştrast kir ku îradeya gelê Kurdistanê ya têkoşan û xebatê qet naşke.

 
Alîkariyên Amerîka bo Hêzên Pêşmerge sala bê jî dê berdewam bin

SATURDAY, 26 MAY 2018 16:05:10

Hewlêr-KDP.info- Amerîka bo sala bê nêzîkî 300 milyon dolarên din bo Hêzên Pêşmerge diyar kiriye. Berpirsekî Wezareta Pêşmerge jî dibêje, ew alîkarî pir girîng in.

 
ENKS: Bo rêkeftina ligel PYDê garantiya navdewletî pêwîst e

SATURDAY, 26 MAY 2018 15:05:48

Dihok-KDP.info- Encumena Niştimanî ya Kurd li Sûriyê (ENKS) dibêje baweriya wan bi PYDê nayê ku rêkeftinên nû cîbicî bike, ji ber ku çi rêkeftinek îmze kiriye cîbicî nekiriye, lewma jî daxwaza garantiyeke navdewletî dike ji bo ku PYD dîsa xwe ji rêkeftinê nedize.

 
PDK: Bila em pêkve biryarê li ser çarenivîsa gelê Kurd bidin

SATURDAY, 26 MAY 2018 14:05:11

Hewlêr-KDP.info- Bi boneya 42yemîn salvegera destpêkirina Şoreşa Gulanê ya Başûrê Kurdistanê, Partiya Demokrat a Kurdisatanê (PDK) dibêje, di vê qonaxa girîng û dîrok ya niha de, pêwîst e hemû aliyên Kurdistanî bi yek deng biryareke çarenivîsaz li ser pêşeroja gelê Kurd bidin.

 


 
© 2018 Kurdistan Democratic Party, KDP