Kurdî  ■  كوردی  ■  عربي
SAT, 22 SEP 2018 07:01 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Mesrûr Barzanî: Heta PDK hebe, Kurdistan dê parastî be..PDK serxwebûn avêtiye ser milê xwe
| KDP.info


 

Zaxo-KDP.info- Endamê Polîtburoya Partiya Demokrat a Kurdistanê (PDK) Mesrûr Barzanî ragihand ku PDK yekem e û dê yekem bimîne, PDK roj bi roj serkeftinên mezin bi dest xistine û dê di pêşketin û bidestxistina destkeftên mezin de berdewam bibe. Mesrûr Barzanî tekez dike, heta ku PDKê hebe, hebûna Kurdistanê dê parastî bibe û plana ti kesî ya têkdana hebûna Kurdistanê dê ser nekeve.

Mesrûr Barzanî îro çarşemê (09-05-2018) li stada Zaxoyê ji bo nasandina namzedên Partiya Demokrat a Kurdistanê (PDK) bo hilbjartinên Parlementoya Iraqê gotarek pêşkêş kir û di beşeke axaftina xwe de diyar kir ku divê kesên dibin parlementerên li Parlementoya Iraqê ew kes bin ku mafên xelkê Kurdistanê biparêzin û berevaniya Kurdistanê bikin.

 

Herwiha Mesrûr Barzanî diyar kir ku her kes dizane bi dirêjahiya dîrokê ji bo bi destxistina mafê çarenûsa miletê me û ji bo yeksanî û rizgariya milet û axa me şoreş hatine kirin. Şoreş ji bo îmtiyazan nebûne, Pêşmerge ji bo wê yekê nebûye ku îro çavê wan li îmtiyaz û pile û post û payeyan bin li paytexta ti dewleteke din, tenê ji bo bidestxistina mafê neteweya Kurd û parastina axa Kurdistanê ye. Mesrûr Barzanî got: “Ji ber vê yekê li hember xwîna şehîdan û pêşmergeyên me, divê em wefadar bin. PDK serxwebûn avêtiye ser milê xwe.”

Di gotara xwe de Mesrûr Barzanî behsa encamdana referandumê jî kir û ragihand ku “referandum ji bo wê yekê bû ku dengê miletê Kurd bigihîje hemû dinyayê û were nîşandan ku miletê me çi dixwaze. Referanduma me bi ser ket, çimku zêdetirî %92.7ê xelkê Kurdistanê dengê xwe dan. Kesên ku dibêjin referandumê şikest xwariye, wan bi xwe şikest xwarine, çimku serkeftina herî mezin a dîroka Kurdistanê serkeftina referandumê bû”.

Mesrûr Barzanî amaje bi wê yekê jî kir ku bi rêya vê hilbijartinê dixwazin namzedên PDKê hilbijêrin daku biçin Bexdayê û li wir li ser bingeha destûra Iraqê mafên netewî û niştimanî yên xelkê Kurdistanê biparêzin û diyar kir ku “bi piştevaniya Xweda, bi piştevaniya xelkê Kurdistanê û piştevaniya cenabê Serok nîşanî hemû nahezan didin ku PDK yekem e û dê her yekem bimîne”.

Endamê Polîtburoya PDKê Mesrûr Barzanî behsa wê yekê jî kir ku ti beşeke Iraqê weke Kurdistanê pêşketî nîne û tekez kir ku nahêlin ti kesek rê li ber pêşketina Kurdistanê bigre û ti car xwe li ser mafên destûrî yên Herêma Kurdistanê bêdeng nakin.


 




Nûçeyên din

Mesrûr Barzanî: Zanist, xwendin, zanyarî bingehên Kurdistaneke bihêz in

THURSDAY, 20 SEPTEMBER 2018 22:09:00

Hewlêr-KDP.info- Şêwirmendê Encûmena Asayîşa Herêma Kurdistanê Mesrûr Barzanî di ahenga bi helkefta derçûna Xwendekarên Zaningeha Dihokê de, gotarek pêşkêş kir. Pîrozbahî gihandin xwendevan, kesûkarên wan, Mamosteyên Zanîngehê û Kurdistanê.

 
Nêçîrvan Barzanî: Dê rojekê xewnên me pêk werin

THURSDAY, 20 SEPTEMBER 2018 20:09:14

Hewlêr-KDP.info- Cîgirê Serokê Partiya Demokrat a Kurdistanê (PDK) Nêçîrvan Barzanî ragihand: “PDK tê wateya Pêşmerge. Pêşmerge jî gelek qurbanî ji bo armanca PDKê dane. Ji ber vê jî berdewam PDK biser dikeve. We ji hemûyan re piştrast kir ku PDK pêşrew e û dê her pêşrew jî bimîne. PDK qet naşke û nakeve û dê her serkeftî be. Xewnên me rewa ne, eger îro ew xewin pêk neyên dê sibe pêk werin.”

 
Serok Barzanî: Referandum îradeya gelê me ye û cihê xwe girtiye..Me nêrîna xwe gihand hemû cîhanê

THURSDAY, 20 SEPTEMBER 2018 17:09:06

Hewlêr-KDP.info- Serok Mesûd Barzanî ragihand, PDK xwediyê armanceke stratejîk e û li gorî siyaseta rojê helwestan neguhere û bi ti awayî jî ji armancên stratejîk pêngavan paşve nahavêje. Herwiha got jî, “Gelê me bi encamdana referandumê nêrîna xwe gihande hemû cîhanê. Ew (referandum) îradeya gelê me ye û cihê xwe girtiye.”

 
Îtalya: Alîkariyên me bo Pêşmerge dê berdewam bin

WEDNESDAY, 19 SEPTEMBER 2018 18:09:24

Hewlêr-KDP.info- Mesrûr Barzanî û şandeke leşkerî ya Îtalyayê civiya û di wê hevdîtinê de şanda Îtalya got ku ewê hevkariyên xwe bo Hêzên Pêşmerge bidomînin.

 
Balyozê Siwêd: Kurdên Siwêd çalak in û baş tevî civakê bûne

WEDNESDAY, 19 SEPTEMBER 2018 17:09:27

Hewlêr-KDP.info- Şêwirmendê Encûmena Asayişa Herêma Kurdistanê Mesrûr Barzanî û Balyozê Siwêdê li Iraqê Pontus Melander civiyan û di wê hevdîtinê de şanda mêvan got ku Kurd li Siwêd bi awayekî pir baş tevlî civaka Siwêd bûne û di gelek waran de çalak in.

 


 
© 2018 Kurdistan Democratic Party, KDP