Kurdî  ■  كوردی  ■  عربي
WED, 16 JAN 2019 18:13 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Mesrûr Barzanî: Xebata me ji bo serxwebûnê ye
| KDP.info


Hewlêr-KDP.info- Endamê Polîtburoya Partiya Demokrat a Kurdistanê (PDK) Mesrûr Barzanî ragihand: “Xebata me ji bo serxwebûnê ye û vê carê şerê destûr li pêşiya me ye.”

Mesrûr Barzanî beşdarî merasîma bangeşeya lîsta 184 a PDKê bo hilbijartinên Iraqê li devera Soran bû û gotarek pêşkêş kir. Mesrûr Barzanî ragihand: “Xebata me ji bo serxwebûnê ye.”

Mesrûr Barzanî wiha got jî, ev hilbijartin, hilbijartineke çarenivîsî ye û deng û biryara we dahatî û çarenivîsa we diyar dike. Nûnerên PDKê berevaniyê li hêvî û armancên we û xwîna şehîdan û keda Pêşmerge dikin.

Mesrûr Barzanî wiha domand: “Cemawer û dengderên PDKê bi dengên xwe rikberiya wan kesan dikin, ku dixwastin gelê Kurdistanê ji mafên wî yên çarenivîsî bêpar bikin.”

Mesrûr Barzanî amaje bi wê jî kir, şoreşên Kurdistanê ne ji bo daxwaza pile, post û paye bikin, ne ji Bexda û ne ji ti kesî. Belkû ji bo parastina mafên xwe bikin. Pêşmerge jî her ji bo wê aramcê hate avakirin. Ewên xwîna xwe rijandine ne ji bo mûçe bû, belkû ji bo mafê çarenivîsî bû û nabe keda wan werin jibîrkirin.

Tekez kir jî, tawan e heger îro pirsgirêka Kurdistanê di mûçe, postan de were biçûkirin. Pirsgirêka me pirsgirêkeke mezin e, em daxwaza serxwebûnê û mafê çarenivîsê ji gelê xwe re dikin.

Herwiha got, şanaziyê bi ked û xebata bi hezaran şehîd û dîroka PDKê dikin, ku xwedî dîrokeke mezin a şoreşan in û şanaziyê bi şoreşên Şêx Ebdilselam û Şêx Ehemd Barzanî dikin. Xwedî rêbaza Barzaniyî Nemir in. Xwedî xebat û têkoşîna serkirde Îdrîs Barzanî û xwedî enfal û şehîdan in.

Endamê Polîtburoya PDKê Mesrûr Barzanî got: Niha jî xwedî serokekî ne ku “Serok Mesûd Barzanî” ye ku li sengerên pêşî bû û federalî kire rastiyek û di şer de jî li bereyên pêşî bû ligel Pêşmerge û efsaneya DAIŞê şikand.

Mesrûr Barzanî wiha domand, di bîra me hemûyan de ye ku li sala 1975an Barzaniyê Nemir xwe û şoreşa xwe kir qurbaniya Kerkûkê û bi ti awayî rê neda kesekî ku bestekê ji xaka Kurdistanê bide dijminan, ji bo armancê jî qehremanên vî welatî jî xwe kirin qurbanî.

Mesrûr Barzanî got jî: “Ev hilbijartin ji bo Bexdayê ne, divê ew kesên bêne hilbijartin, bikaribin rûbirûyî kesên ku dixwazin ti qewareyek bi navê Kurdistanê hebe bikin. Heger PDK û Serok Barzanî nebe ew qeware jî nabe.”

Tekez kir jî, bi hevdu şikandin nikarin li Bexdayê berevaniyê li mafên xwe bikin. daxwaz ji hemû partî û aliyan dikim, hevpeymaniyê pêk bînin û bihêz vegerin Bexdayê.

 




Nûçeyên din

Serok Barzanî di sersaxiya pêşmergeyê dêrîn Mihemed Qadir de beşdar bû

WEDNESDAY, 16 JANUARY 2019 17:01:19

Hewlêr-KDP.info- Serok Mesûd Barzanî beşdarî di sersaxiya Mamoste Mihemed Mela Qadir de beşdarî kir.

Mesrûr Barzanî: Divê partiyên Rojavayê Kurdistanê rêkeftineke nû ava bikin

WEDNESDAY, 16 JANUARY 2019 17:01:34

Hewlêr-KDP.info- Şêwirmendê Encûmena Asayişa Herêma Kurdistanê Mesrûr Barzanî û Fermandarê Giştî yê Tîma Operasyonên Hevbeş yên Taybet li Iraq û Sûriyê civiyan û di wê hevdîtinê de Mesrûr Barzanî got, pêwêst e partiyên Rojavayê Kurdistanê rêkeftineke nû di navbera xwe de ava bikin ji bo ku mafê gelê xwe di guhartinên Sûriyê de misoger bikin.

 
Seyda: Kambaxiya ku hatiye serê Rojavayê Kurdistanê, ji destê PYDê ye

TUESDAY, 15 JANUARY 2019 18:01:45

Hewlêr-KDP.info- Siyasetmedarekî Kurd ji Rojavayê Kurdistanê dibêje, ew kambaxiya ku hatiye serê gelê kurd li Rojavayê Kurdistanê, hemû ji destê PYDê ye.

 
PDK û Goran: Divê hikûmeta nû ya Kurdistanê bilez bê avakirin

TUESDAY, 15 JANUARY 2019 18:01:19

Hewlêr-KDP.info- Partiya Demokrat a Kurdistanê (PDK) û Tevgera Goranê piştî bi civîna wan daxuyaniyeke hevbeş belav kirin û tê de gotin ku ew daxwaz dikin hikûmeta nû ya Herêma Kurdistanê bilez bê avakirin.

 
Wezîrê Derve yê Fransa: Kêfxweş im ku Barzanî dostê min e

TUESDAY, 15 JANUARY 2019 18:01:14

Hewlêr-KDP.info- Wezîrê Derve yê Fransa Jean-Yves Le Drian dibêje: “Ez kêfxweş im ku kesekî wekî Serok Barzanî dostê min e.”

 


 
© 2018 Kurdistan Democratic Party, KDP