Kurdî  ■  كوردی  ■  عربي
MON, 15 OCT 2018 14:33 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Nêçîrvan Barzanî: Li Silêmaniyê terorê hizrî li dijî PDKê tê kirin..Emê wê terorê bixin nava gorê
| KDP.info


Silêmanî-KDP.info- Serokwezîrê Herêma Kurdistanê û Cîgirê Serokê PDKê, Nêçîrvan Barzanî di kempîna hilbijartinan a partiya xwe de li Silêmaniyê ragihand, hin alî û partiyên siyasî bi şêweyekê sîstematîk û plankirî hewl didin wan hilbijartinan li dijî PDKê bi kar bînin û li dijî PDKê terora hizrî dimeşînin û tekez kir: “Lê belê bi alîkariya û xeragiriya we em wê wan hewlên terora hizrî bixin nav gorê.”

Îro Îna 4ê Gulana 2018an, PDKê li bajarê Silêmaniyê di çaçroveya kempîna hilbijartinan de mîtîngek berfireh birêve bir, ku têde Serokwezîrê Herêma Kurdistanê û Cîgirê Serokê PDKê, Nêçîrvan Barzanî jî beşdar bû û têde gotarek pêşkêş kir. Herwiha Sekreterê Polîtboruya PDKê Fazil Mîranî û Berpirsê Encûmena Serkirdatiya PDKê ya li Silêmanî-Helebceyê Edhem Barzanî jî di vê mîtînga cemawerî de amade bûn.

Nêçîrvan Barzanî di gotara xwe de amaje bi pêwendiya bihêz a bajarê Silêmaniyê, xelkê wê û PDKê kir û ragihand, ku pêwendiyên PDKê û malbata Barzan û malbatên mezin ên Silêmaniyê pêwnediyeke dîrokî û bihêz e û diyar kir, ku “Şêx Ehmedê Barzan ji me re gotiye, ku divê çavê we li Silêmaniyê be û ji hinge û vir ve PDKê hewl daye bo xizmetkirina Silêmaniyê li pêş be.”

Nêçîrvan Barzanî amaje bi rola Silêmaniyê di dîroka bizava kurdayetiyê de kir û da xuyakirin, ku camêrî û xweragiriya xelkê Silêmaniyê PDK û Silêmanî bi hev re girê dane. Barzanî herwiha behsa şandina pêşmergeyan bo alîkariya Şêx Mehmûdê Berzencî ji aliyê Şêx Ehmedê Barzan ve û pêşwaziya Silêmaniyê li Mele Mistefa Barzanî di salên 1940î de jî kir û rola Silêmaniyê di şoreşa Îlonê de bilind nirxand û got: “Em bi rih deyndarê xelkê Silêmaniyê ne.”

Cîgirê Serokê PDKê di beşeke axavtina xwe de amaje bi hewlên hin alî û partiyan bo cudakirina Silêmaniyê ji Herêma Kurdistanê û her du parêzgehên Duhok û Hewlêrê kir û diyar kir, PDKê ew hewl û pîlan pûç kirin û rê nedan ku ew grûp du herêmîtiyê li Kurdistanê çê bikin.

Nêçîrvan Barzanî destnîşan kir, ku li Silêmaniyê hin partî û kes li dijî PDKê terora hizrî pêk tînin û dijatiya PDKê dikin û dixwazin bare şikestên xwe bixin ser milê PDKê û tekez kir, ku “bi hewl û himeta xelkê Silêmaniyê, terora fikrî ya li dijî PDKê ku niha lawaz bûye, dê ji nav biçe.”

Di berdewamiya axavtina xwe de, Nêçîrvan Barzanî ragihand: “Hinek partî şer bi Silêmaniyê dikin, neku şer bo Silêmaniyê bikin, emê şer bo Silêmaniyê bikin.”

Nêçîrvan Barzanî amaje bi dema êrişa hêzên Iraqê bo ser Herêma Kurdistanê kir û got: “Di demekê ku hin grûp û aliyan plan danîbûn û hêzên Iraqê teşwîq dikirin ku êrişî Hewlêr û Duhokê bikin, xortên we, pêşmergeyên we ew pîlan pûç kirin û vala derxistin.”

 




Nûçeyên din

Nêçîrvan Barzanî û Hekîm avakirina hikûmeta Iraqê gotûbêj kirin

SUNDAY, 14 OCTOBER 2018 22:10:35

Hewlêr-KDP.info- Cîgirê Serokê Partiya Demorkat a Kurdistanê Nêçîrvan Barzanî pêşwaziya şandeke Eniya Îslah ya Iraqê bi Serokatiya Emar Hekîm kir û di wê hevdîtinê de avakirina hikûmeta nû ya Iraqê hat gotûbêjkirin.

 
Mîranî: PDK bernameya xwe ji bo hikûmeta nû daye Adil Ebdulmehdî

SUNDAY, 14 OCTOBER 2018 20:10:07

Hewlêr-KDP.info- Sekreterê Polîtburoya PDKê Fazil Mîranê ragihand ku PDK bernameya xwe ji bo avakirina hikûmeta bê ya Iraqê daye wî kesî yê ku niha mijûlî avakirina hikûmetê ye, ku tê de daxwaz hatiye kirin ku hevsengî û şirîkatî û tifaq li Iraqê hebe.

 
Fermandarê berê yê HSDê: Baweriya xelkê bi PYDê nemaye..Destê xwe datînin ser malên xelkê

SUNDAY, 14 OCTOBER 2018 20:10:28

Duhok-KDP.info- Fermandarê berê yê Hêzên Sûriyaya Demokrat (HSD) Husamedîn Ewak dibêje, baweriya xelkê li Rojavayê Kurdistanê bi PYDê nemaye û hêzên wan destê xwe datînin ser mal û milkê xelkê. Herwiha dibêje, tenê Serok Barzanî parêzerê berjewendiyên gelê Kurdistanê ye.

Rûsya: Amerîka kar ji bo avakirina dewleteke Kurdistanî dike

SUNDAY, 14 OCTOBER 2018 20:10:45

Hewlêr-KDP.info- Wezîrê Derve yê Rûsyayê Sergy Lavrov ragihand ku, Amerîka bi alîkariya Kurdên Rojavayê Kurdistanê li Sûriyê hawil dide dewleteke Kurdistanî damezrîne û ew yeke bi lîsteke metirsîdar binav kir.

 
Hevpeymaniya Îslah: Em piştgiriyê li daxwazên Serok Barzanî dikin

SUNDAY, 14 OCTOBER 2018 18:10:12

Hewlêr-KDP.info- Serok Barzanî pêşwaziya şandeke pilebilind ji Hevpeymaniya Îslah kir û di wê hevdîtinê de şanda mêvan tekez kir ku ew piştgiriyê li hersê daxwazên Serok Barzanî ji hikûmeta nû a Iraqê, dikin.

 


 
© 2018 Kurdistan Democratic Party, KDP