Kurdî  ■  كوردی  ■  عربي
TUE, 25 SEP 2018 22:44 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Referanduma Başûr, şerm e yan şanazî ye?
| KDP.info


 

Herman Bokanî

Piştî raperîna mezin a sala 1991ê li Başûrê Kurdistanê li dijî rêjîma Iraqê, referandum tekane pêngava şoreşgêrî û niştimanperwerî ye ku hemû niştimanperwerên Kurd li herçar perçeyên Kurdistanê şanaziyê pê bikin. Ew referanduma ku niştimanperwer şanaziyê pê dikin û niştimanfiroş jî li pêşiya axayên xwe yên dagîrker de xwêdana şermiyê ji wan tê.

Ew referanduma ku, neyarên Kurdan li ser serê me kirine şûrê Damuklês û ligel dijminên derve yên Kurdan û ligel komek ji kesên nava Kurdistanê ku bi tenê zimanê wan Kurdî ye û bûne dûvkê wan dijminan e, berdewam dev davêjinê, ew referandum di rastiyê de zelaltirîn û rewatirîn mafê miletê Kurd e.

Ew kesên ku bi zimanê Kurdî diaxivin û dijayetiya referandumê dikin, ne ji ber ku nizanin referandum jî wek mafekî sirûştî ye wek mafê diyarkirina çarenivîsa miletan û mafê axaftin û mafê xwendin û nivîsandinê û mafê azadiya axaftinê. Na. Ne ji ber ku nizanin, lê belê ji ber ku armanca wan tenê dijayetiya referandumê ye wî karî dikin.

Ew kes û alî ne ji ber wê yekê diyayetiya referandumê dikin ku referandumê nan û dewê xelkê Kurdistanê birîye, lê belê dijayetiya wê dikin ji ber ku ji dijminên Kurdan re sûnd xwarine ku tenê li gorî dilê wan lêxin. Ma naxwe her kes dizane, eger referandum jî nehatiba kirin, dê piştî şerê DAIŞê hêza serkutker a ser bi Îranê ve ji Bexdayê ve êrîş bike ser axa Kurdistanê. Amajeyên wê yekê jî beriya girtina Hewîce xuya bûn.

Lewma jî eger referandum hatiba kirin yan jî nehatiba kirin, dê ew hêz her hatiba navçeyên Kurdistanî yên dervey îdareya Herêma Kurdistanê, lê niha ji ber referandumê ji hemû cîhanê re aşkere bû ku ew navçe xwedî nasnameyeke Kurdistanî ne û ev yek bû belgeyeke mezin. Referandum nehatiba kirin û ew hêz hatiba navçeyên Kurdistanî, ev belge nediket destê me de û dê nasnameya gelek cihên din jî reş kirbana. Lê niha nikarin wê yekê bikin.

Ji aliyekî din ve, referanduma Başûrê Kurdistanê pêngaveke din bû ji bo ku zêdetir çavê xelkê Kurdistanê bê vekirin û nêrîna wan li hemberî welatên rojava bê guhertin, ji ber ku heta beriya referandumê me bi çavekî aydyalîstî li wan welatan dinerî. Lê niha em bi nêrîna referandumê berê xwe didin wan, ku zêdetir rastiya wan ji me re zelal bû û niha nêrîna me cuda ye.

Ligel wan hemû tiştan, referandum pêngaveke wêrek bû ji xelkê Başûrê Kurdistanê, ku ez bi curet dikarim bêjim, piştî raperîna mezin a sala 1991ê ev tekane pêngav e ku em hemû Kurd şanaziyê pê dikin.

Li vê navê jî, bila dijminên Kurdna û koyleyên wan ên bi Kurdî diaxivin, her kevrên bêhêviyê li sînga xwe bidin, ji ber ku êdî referandumê belgeyek di dîrokê de koland.

Ew dijberên referandumê dibêjin pêwîst e referandumçî bên dadgehkirin, lê eger referandumçî bên dadgehkirin dê 93% ji xelkê Kurdistanê xwe li pêşiya dadgehê bibînin. Lê ew yek xewn e û wek çawa xewna hilweşandina referandumê ji Bexdayê re neçû serî û jê re bû xweneke nexweş, dê ew kes jî tenê şermê bi serê xwe dakin.




Nûçeyên din

Serok Barzanî: Ez wan tiliyan maç dikim ku deng dane serxwebûna Kurdistanê

TUESDAY, 25 SEPTEMBER 2018 19:09:09

Hewlêr-KDP.info- Serok Mesûd Barzanî ragihand ku ew wan tiliyên ku di referanduma 25ê Îlona 2018ê ya serxwebûna Kurdistanê de deng dane serxwebûnê maç dikim. Herwiha got: “Gelê me tawanek nekir dema ku got ku ew dixwazin çawa bijîn. Dixwestin îrade û kerameta me bişkînin, lewma me biryar da ku em bimrin lê îrade û kerameta me neşke.”

 
Nêçîrvan Barzanî: Avedanî li Kurdistanê dest pê dike..Me qonaxa dijwar derbas kir

TUESDAY, 25 SEPTEMBER 2018 16:09:03

Duhok-KDP.info- Serokwezîrê Herêma Kurdistanê Nêçîrvan Barzanî di merasîma danîna kevirê bingehîn ê rêya Roviya-Gopal li parêzgeha Duhokê ragihand, 80 milyon dolar bo vê projeyê hatiye terxankirin û Hikûmeta Herêma Kurdistanê bo vejandina piraniya navçeyan plan amade kirine. Nêçîrvan Barzanî tekez kir, ji niha pê ve li Kurdistanê avedanî dest pê dike.

 
Di nava siyasetmedarên Ewropa de behsa salvegera referandumê hat kirin

MONDAY, 24 SEPTEMBER 2018 19:09:44

Hewlêr-KDP.info- Di civîna serkirdatiya Lawê Partiya Gelên Ewropa li bajarê Boxarêst paytexta Romanya, behsa yekemîn salvegera referanduma serxwebûna Başûrê Kurdistanê hat kirin.

 
Japonya: Kurdistan navendeke girêng a aştî û aramiyê ye

MONDAY, 24 SEPTEMBER 2018 19:09:22

Hewlêr-KDP.info- Serok Barzanî pêşwaziya Balyozê nû yê Japonya li Iraqê kir û di wê hevdîtinê de şanda mêvan got ku Kurdistan navendeke girêng e ji aştî û aramiyê, lewma jî ew dixwazin di hemû waran de têkeliyên xwe ligel Kurdistanê bihêz bikin.

Serok Barzanî: Ez piştgiriyê li Fuad Husên dikin

MONDAY, 24 SEPTEMBER 2018 15:09:31

Hewlêr-KDP.info- Serok Mesûd Barzanî peyamek bo piştevaniya li Dr. Fuad Husên bo bidestxistina kursiyê serokomariya Iraqê belav kir û tê de ragihand: “Ji ber şiyan û jêhatîbûna wî min bi baş dît ku birêz Dr. Fuad Husên bo vî kursî berbijêr bikim.” Serok Barzanî herwiha dibêje: “Em bi hemû şiyanekê piştevanî li Dr. Fuad Husên dikin.”



 
© 2018 Kurdistan Democratic Party, KDP