Kurdî  ■  كوردی  ■  عربي
MON, 16 JUL 2018 15:36 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Nêçîrvan Barzanî: Bihêzbûna PDKê, bihêzbûna Kurdistanê ye..PDK yekgirtî ye
| KDP.info


Hewlêr-KDP.info- Cîgirê Serokê Partiya Demokrata Kurdistanê (PDK) Nêçîrvan Barzanî got, bihêzbûnî PDKê tê wateya bihêzbûna Kurdistanê.

PDKê bi mîtîngeke berfireh li bajarê Hewlêrê dest bi kampanya xwe ya hilbijartinên parlamentoya Iraqê kir.

Nêçîrvan Barzanî li bangeşeya partiya xwe gotarek pêşkêş kir û tê de behsa bernameya karê PDKê bi hilbijartinên Parlamentoya Iraqê kir û tekez kir ku PDK dê hêza yekem be li Kurdistanê di wê hilbijartinê de û di hilbijartina bê ya Kurdistanê de jê dê her hêza yekem be.

Cîgirê Serokê PDKê Nêçîrvan Barzanî amaje bi wê yekê kir ku ev hilbijartin xwedî giringiyeke mezin in, heta PDK bihêztir bibe û destkeftên zêdetir bo Kurdistanê bidest bên û pêgeh û mafên destûrî yên Kurdistanê parastî bin.

Nêçîrvana Barzanî diyar kir ku PDKê bi rêyên aştiyane digihêje armancên xwe û got: “PDK her daxwaza aştiyê dike û qet şer naxwaze. PDK qet dest ji mafên destûrî yên Kurdistanê bernade. Kurdistanê dest ji rêbaza Barzaniyê nemir bernade. Divê PDK bihêz be li Bexda. Bi diyalogê pirsgirêk çareser dibin. PDK yekgirtî û deng e, bila baş bizanin partiya me yekgirtî ye. PDK di bin yek alaya yek Serok de ye ew jê Serok Barzanî ye û em ji bo mafê gelê Kurdistanê xebatê dikin. Bihêzbûnî PDKê tê wateya bihêzbûna Kurdistanê. Çiqasî PDKê bihêz be, Kurdistan bihêztir e. Pêwîst e em piştrast bikin ku PDK hêza yekem e û dê hêza yekem be li Kurdistanê.”

Nêçîrvan Barzanî da zanîn PDK di şert û mercên herî zehmet de bi piştgiriya gelê Kurdistanê li ser pêyan ma û dê her bimîne û got eger di bûyerên dawî de ne ji PDK bûya, kesî nedizanî dê çi bi serê Herêma Kurdistanê bihata û wiha domand: “Eger Serok Barzanî nebûya mafên Kurdan dê di destûra Iraqê de nebûya. Bi saya partî û cenabê serok Barzanî li Iraqê hesabekî mezin ji Kurdan re hate kirin û mafên heyî yên kurdan di destûrê de hate cîbicîkirin.”

Di beşekê din axaftina xwe de Cîgirê Serokê PDKê da zanîn ku ew wek partî li ser cîbcîrkirina tevahiya destûrê dixebite û bi taybetî bicihkirina madeya 140î û got: “Heta Iraq mafê pêkhateyan li ber çavan negire, dê bi ser nekeve. Di vê hilbijartinê de û hilbijartinên din de jî partiya me dê bibe yekem.”

Di meresîma destpêkirina bangeşeya PDKê de Endamê Polîtburoyê Mesrur Barzanî û hejmareke zêde ya serkirdayetiya PDKê û kadro û alîgrên wê jî amade bûn.

 




Nûçeyên din

Çiyayê Qereçûx- Pêşmerge li ser erdê pêş dikevin û DAIŞ dorpêç kirine

MONDAY, 16 JULY 2018 14:07:34

Mexmûr-KDP.info- Îro danê sibehê Hêzên Pêşmerge li ser erdê û balafirên Hevpeymaniya Navdewletî li asman li Çiyayê Qereçûx ê nêzîk Mexmûrê dest bi operasyonekê kirin li dijî DAIŞê. Pêşmerge pêşde çûne û ew terorîst dorpêç kirine.

 
Pêşmerge û Hevpeymanan li nêzîkî Mexmûrê bi tundî li DAIŞê dan

MONDAY, 16 JULY 2018 12:07:25

Mexmûr-KDP.info- Fermandarekî Hêzên Pêşmerge li Çiyayê Qereçox ragihand ku operasyoneke hevbeş ji aliyê Hevpeymaniya Navdewletî û Hêzên Pêşmerge li dijî DAIŞê li Çiyayê Qereçox birêve diçe û bi tundî li wan terorîstan dane.

 
Pispor: Xwepêşandanên Iraqê metirsîdar in..Dê aboriya Iraqê wêran bibe

SUNDAY, 15 JULY 2018 14:07:58

Hewlêr-KDP.info- Ev çend roj in ku xwepêşandanên berfireh li parêzgehên Besre û Necef û Kerbela û Bexda jî birêve diçin. Welatî daxwaza xizmetguzariyan dikin. Pispor dibêjin ev xwepêşandên mezin û êrîşa ser xwepêşanderan amajeyên metirsîdar in li ser Iraqê.

 
Xwêpaşandên Iraqê berfireh bûn û kuştî û birîndar hene

SUNDAY, 15 JULY 2018 13:07:45

Ajans-KDP.info- Di xwepêşandanên li bajarê Besrayê de bi guleyên hêzên ewlekariyê 2 kesan canê xwe ji dest da û herwiha çend kes jî birîndar bûn.

 
Bexda Kurdên Kerkûkê ditirse û hest bi metirsiyeke mezin dike

SUNDAY, 15 JULY 2018 13:07:59

Kerkûk-KDP.info- Hatibû ragihandin ku Hikûmeta Iraqê beşek ji hêzên xwe yên li Kerkûkê kişandiye û biriye parêzgehên Iraqê ji bo rawestandina xwepêşandanan, lê berpirsekî PDKê wê yelê red dike û dibêje Bexda çavdêrtiya Kurdên Kerkûkê dike ku ew jî xwepêşandanan bikin.

 


 
© 2018 Kurdistan Democratic Party, KDP