Kurdî  ■  كوردی  ■  عربي
TUE, 25 SEP 2018 18:45 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Parlamanterê HDPê: Serdana me bo Başûr erênî û girîng bû
| KDP.info


 

Dihok-KDP.info- Parlamenterê HDPê Îmam Taşçer ragihand ku serdana şanda wan bo Başûrê Kurdistanê û civînên wan ligel aliyên siyasî erênî û girîng bûn.

Şanda HDPê çend rojan li Başûrê Kurdistanê me û di serî de ligel Serok Barzanî û ligel Serokwezîrê Kurdistanê Nêçîrvan Barzanî û piştre jî ligel aliyên siyasî yên Başûr, civiya.

Yek ji endamên wê şandê, Parlamenterê HDPê Îmam Taşçer derbarê serdana xwe bo Başûrê Kurdistanê ji malpera KDP.info re ragihand: “Di serî de em ligel Serok Barzanî civiyan û piştre ligel tevahiya aliyên siyasî yên Herêma Kurdistanê, armanc jî ji vê serdanê ew bû ku em nêrîna xwe ji hemû aliyên siyasî re diyar bikin, ji ber ku hevserokê me nû hatibûn hilbijartin.”

Îmam Taşçer wiha got: “Serdana me girîn û erênî bû, me çend mijarên girîng gotûbêj kirin. Amanca me ya sereke yekîtiya Kurdan e û Barzanî jî tekez li ser vê yekê kir û ji me re got, hemû pirsgirêk pêdviya wan bi çareseriya aştiyane heye û divê bi gotûbêjan çareser bibin.”

Wî parlamenterê HDPê wiha domand: “Hemû aliyên siyasî yeknêrîn in ku pêwîst e Kurd yekrîziya xwe bikin karê xwe yê pêşî û kar ji bo kongreya neteweyî ya Kurd bikin.




Nûçeyên din

Nêçîrvan Barzanî: Avedanî li Kurdistanê dest pê dike..Me qonaxa dijwar derbas kir

TUESDAY, 25 SEPTEMBER 2018 16:09:03

Duhok-KDP.info- Serokwezîrê Herêma Kurdistanê Nêçîrvan Barzanî di merasîma danîna kevirê bingehîn ê rêya Roviya-Gopal li parêzgeha Duhokê ragihand, 80 milyon dolar bo vê projeyê hatiye terxankirin û Hikûmeta Herêma Kurdistanê bo vejandina piraniya navçeyan plan amade kirine. Nêçîrvan Barzanî tekez kir, ji niha pê ve li Kurdistanê avedanî dest pê dike.

 
Di nava siyasetmedarên Ewropa de behsa salvegera referandumê hat kirin

MONDAY, 24 SEPTEMBER 2018 19:09:44

Hewlêr-KDP.info- Di civîna serkirdatiya Lawê Partiya Gelên Ewropa li bajarê Boxarêst paytexta Romanya, behsa yekemîn salvegera referanduma serxwebûna Başûrê Kurdistanê hat kirin.

 
Japonya: Kurdistan navendeke girêng a aştî û aramiyê ye

MONDAY, 24 SEPTEMBER 2018 19:09:22

Hewlêr-KDP.info- Serok Barzanî pêşwaziya Balyozê nû yê Japonya li Iraqê kir û di wê hevdîtinê de şanda mêvan got ku Kurdistan navendeke girêng e ji aştî û aramiyê, lewma jî ew dixwazin di hemû waran de têkeliyên xwe ligel Kurdistanê bihêz bikin.

Serok Barzanî: Ez piştgiriyê li Fuad Husên dikin

MONDAY, 24 SEPTEMBER 2018 15:09:31

Hewlêr-KDP.info- Serok Mesûd Barzanî peyamek bo piştevaniya li Dr. Fuad Husên bo bidestxistina kursiyê serokomariya Iraqê belav kir û tê de ragihand: “Ji ber şiyan û jêhatîbûna wî min bi baş dît ku birêz Dr. Fuad Husên bo vî kursî berbijêr bikim.” Serok Barzanî herwiha dibêje: “Em bi hemû şiyanekê piştevanî li Dr. Fuad Husên dikin.”

Serok Barzanî: Me dest ji armancên xwe bernedaye..Emê guhertin û çaksaziyeke mezin bikin

SUNDAY, 23 SEPTEMBER 2018 17:09:19

Silêmanî-KDP.info- Serok Mesûd Barzanî ragihand, ku eger di hilbijartinên Parlamentoya Kurdistanê de PDK biserkeft dê guhertin û çaksaziyeke mezin bike.

 


 
© 2018 Kurdistan Democratic Party, KDP