Hewlêr-KDP.info- Serok Mesûd Barzanî pêşwazî li şandeke pilebilind ji HDPê kir û di wê hevdîtinê de ragihand ku bijardeya serekî ya gelê Kurdistanê di hemû qonaxekê de aştî bûye û herdem şer li ser da hatiye sepandin.
Îro Şemiya 07.04.2018 li Selaheddîn Serok Mesûd Barzanî pêşwaziya şandeke bilind ji Partiya Demokrat a Gelan (HDP) kir ku ji xanima Perwîn Buldan Hevseroka Giştî ya HDP û Osman Baydemîr, Feleknaz Uca, Îmam Taşçier, Xeynep Boxa Parlementerên HDP û Muzeyen Guneş û Abîd Îke Nûnerên wê partiyê li Herêma Kurdistanê pêkhatibûn.
Di hevdîtinê de şanda HDPê ji bo koça dawî ya Dilovan Îdrîs Barzanî sersaxî ji Serok Barzanî re xwest û hevxemiya xwe diyar kir. Ji bilî balkişandina li ser kêşe û gefên li ber gelê Kurdistanê li Tirkiye û Iraqê û guhertin û pêşhatên Rojava û şerê Efrînê wê yekê xistin rû ku hevdîtina wan li gel Serok Barzanî li wê demê daye ku gelek wateyan digihîne.
Herwiha ronahî xiste li ser rûdanên piştî referandûmê û tekez li wê yekê kirin ku kêşeyên li ber gelê Kurdistanê li navçeyê da peywiste bi hevdû û daxwaza hemahengî û şêwirîna li navbera aliyên siyasiyên Kurdan kirin.
Di beşeke din ji vê civînê de şanda mêhvan behsa encama kongreya partiya xwe kirin û bi kurtî ji rewşa siyasiya Tirkiye û rewşa hemwelatiyên Kurd û kar û çalakiyên HDP ji bo Serok Barzanî şîrove kirin.
Ji aliyê xwe ve, Serok Barzanî bi germî bi xêrhatina şanda HDP kir û spasî helwesta wê partiyê û Kurdên Bakûr kir. Herwiha ronahî xiste ser naveroka bûyerên piştî referandumê û tekez li ser wê yekê kir ku bijardeya serekî ya gelê Kurdistanê li hemû qonaxek da aştî bûye û herdem şer li ser de hatiye sepandin.
Serok Barzanî daxwaz jî kir ku pêwîste em hemû li ser çareseriyeke rastiyane û aştiyane bigihîne encam û herwiha jî zimanê zordarî û çek û xwesepandinê dê bêencama be.
Her di vê civînê de herdû aliyan li ser wê yekê yeknêrîn bûn ku li ser pêşhatên nû û çareseriyên wan pêşhatan di pêwendî û şêwirîna berdewam de dibin.
Hêjayî gotinê ye di vê civînê de Azad Berwarî û Mehmûd Mihemed Endamê Polîtbûroya PDKê û Elî Husên Endamê Serkirdayetî û Umêd Xoşnaw Serokê Fraksiyona Partiya Demokrata Kurdistanê li Parlemena Kurdistanê amade bûn.