Kurdî  ■  كوردی  ■  عربي
SAT, 23 MAR 2019 14:28 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Hikûmeta Kurdistanê derbarê bombebarana Tirkiyê daxwazek ji PKKê kir
| KDP.info


Hewlêr-KDP.info- Hikûmeta Herêma Kurdistanê derbarê bombebarana firokeyên Tirkiyê bo ser deverên Başûrê Kurdistanê de ragihad ku ji ber nêzîkiya baregehên PKKê, her tim metirsî li ser gundên wan deveran heye û ev çend care hevwelatî dibin qurbanî.

Berevdekê Hikûmeta Herêma Kurdistanê Sefîn Dizeyî derbarê êrişên Tirkiyê bo ser Herêma Kurdistanê de daxuyaniyek da.

Sefîn Dizeyî wiha got: “Di demekê de ku hevwelatiyên Herêma Kurdistanê ji bona pîrozkirina Cejna Newrozê û pêşwazîkirina sala nû ya Kurdî ber bi deşt, aqar û çiyayên Kurdistanê çû bûn, mixabin, spêdehiya roja pêncşemê ji encama bombebarana balefirên şerî yê Tirkiyeyê bo ser baregehên PKKê li devera Balakayetî 4 welatiyên Herêma Kurdistanê şehîd bûn.”

Dizeyî tevî hevderdî û hevxemiy sersaxî ji malbatên şehîdan re xwest û got: “Em dilgiraniya xwe li hember biarmancgirtina gund û avadaniyên Herêma Kurdistanê nîşan didin ku, mixabin, jiber nêzîkiya baregehên PKKê ji wan gund û avadaniyên wê deverê, hertim metirsî li ser wan deveran heye û ev çend care hevwelatî dibin qurbanî.”

Herwiha Berevdekê Hikûmeta Herêma Kurdistanê ragihand ku ew daxwazê ji PKKê dikin derdora gund û avadaniyan çol bike daku hevwelatî zêdetir nebin qurbanî.

Firokeyên şer ên Tirkiyê devera Balekayetî ya li sînorê qezaya Çomanê îro bombebaran kirin û di encamê de 4 welatiyên Kurd şehîd bûn.


 




Nûçeyên din

Serok Barzanî li ser bûyera li Mûsilê peyama sersaxiyê belav kir

FRIDAY, 22 MARCH 2019 12:03:21
Hewlêr-KDP.info- Serok Mesûd Barzanî bi peyamekê, sersaxî ji malbatên qurbaniyên bûyera li Mûsilê re xwest, ku li Mûsilê keştiyek li ser çemê Dîcleyê qûlipî û zêdetirî 70 kesan jiyana xwe ji dest dan.
 
Serok Barzanî: Newroza we pîroz û bi xêr û xweşî be

WEDNESDAY, 20 MARCH 2019 17:03:02

Hewlêr-KDP.info- Serok Mesûd Barzanî bi helkefta Cejna Newrozê peyamek belav kir û tê de ragihan ku niha qonaxekî din di jiyana gelê Kurdistanê de heye û pêwîstiyên vê qonaxê wiha dixwazin ku ber bi binyatnana Kurdistaneke bihêz û geş ve gav bavêjin. Serok Mesûd Barzanî di peyama xwe de dibêje: "Newroz ji bo gelê Kurdistanê herdem mizgîniya destpêkekî nû û hêviyeke nû û serkeftin li ser sîtemkaran û dijwariyan de bûye."

 
Serok Barzanî: Pêwîst e madeya 140 bi jihevfêmkirin û awayekî aştiyane were cîbicîkirin

WEDNESDAY, 20 MARCH 2019 10:03:59

Hewlêr-KDP.info- Serok Barzanî bi mebesta gotûbêjkirina li ser kêşe û arîşeyên devera Zumarê ligel hijmareke zêde ji rîspî û nûnerên pêkhateyên civakî û şêniyên devera Zumarê civiya û got, pêwîst e madeya 140 bi lihevgehêştin û jihevfêmkirin û awayekî aştiyane were cîhbicîhkirin û her hewlek bo sepandina tiştek ku beruvajiya rastiya cografî, dîrok û rewşa civakî ya deverê be dibe sedema kûrtir kirina aloziyan û nayê qebûlkirin.

 
Mesrûr Barzanî û wezîrê Brîtanya behsa rewşa deverê kirin

WEDNESDAY, 20 MARCH 2019 10:03:43

Hewlêr-KDP.info- Wezîrê Dewletê yê Hikûmeta Brîtanya yê bo karûbarên Rojhilata Navîn û Bakûrê Efrîqayê Alistair Burt telefûna Şêwirmendê Encûmena Asayişa Herêma Kurdistanê Mesrûr Barzanî kir û di wê telefonê de herdû aliyan behsa rewşa deverê kirin.

 
Nêçîrvan Barzanî spasiya Amerîka kir

WEDNESDAY, 20 MARCH 2019 10:03:15

Hewlêr-KDP.info- Nêçîrvan Barzanî Serokwezîrê Herêma Kurdistanê, îro Sêşema 19.03.2019ê li bajarê Hewlêrê, pêşwaz li şandeke pilebilind ji Kongirêsa Amerîkayê bi serokatiya kongrêsman Jon Garmandi kir.

 


 
© 2018 Kurdistan Democratic Party, KDP