Kurdî  ■  كوردی  ■  عربي
FRI, 22 MAR 2019 22:15 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

NATO cihê “Hevpeymaniya Navdewletî” digre..Gelo berjewendiya Kurdan jê çi ye?
| KDP.info


 

Hewlêr-KDP.info- Nûnerê Hikûmeta Herêma Kurdistanê li Fransa dibêje, girtina cihê Hevpeymaniya Navdewletî ya li dijî DAIŞê ji aliyê NATOyê ve ji Kurdan re pêngaveke baş e.

Heyveymaniya Navdewletî ya li dijî DAIŞê, ku sala 2014ê ji aliyê Amerîka ve hat avakirin û serokê wê demê yê Amerîka Barack Obama biryar li ser da, êdî karê wê bi dawî dibe.

Pêşniyareke Amerîka heye ku NATO şûna wê hevpeymaniyê bigre. NATO jî Amerîka serokatiya wê dike, ji bo ku bi wê riyê Fransa û Almanya û Brîtanya û welatên din li Iraq û Sûriyê bimînin.

Dr. Elî Dolemerî Nûnerê Hikûmeta Herêma Kurdistanê li Fransa derbarê wê yekê de ji malpera KDP.info re axivî û wiha got: “Fransa niha roleke girîng di Yekîtiya Ewropa de dibîne û welatekî dostê Kurdan e. Bihêzbûna pêgeha Fransa dikeve berjewendiya Kurdistanê de. Fransa nîşan da ku tekane welat e ku pişta Kurdan digre, wek me dît çawa di demên dijwar de pişta Kurdan girt. Fransa bi eşkere ji Kurdan re dibêje hûn dostê me ne.”

Dolemerî ragihand: “Eger NATO jî cihê Hevpeymaniya Navdewletî bigre, dê rewş ji bo berjewendiya Kurdan bê guhertin, ji ber ku Fransa û Almanya endamê sereke yên NATO ne û ew dostê Kurdan e û ev yek dikeve xizmeta Kurdistanê. Herwiha bi baweriya min dê pêgeha NATO li Hewlêrê be ne li Bexdayê.”




Nûçeyên din

Serok Barzanî li ser bûyera li Mûsilê peyama sersaxiyê belav kir

FRIDAY, 22 MARCH 2019 12:03:21
Hewlêr-KDP.info- Serok Mesûd Barzanî bi peyamekê, sersaxî ji malbatên qurbaniyên bûyera li Mûsilê re xwest, ku li Mûsilê keştiyek li ser çemê Dîcleyê qûlipî û zêdetirî 70 kesan jiyana xwe ji dest dan.
 
Serok Barzanî: Newroza we pîroz û bi xêr û xweşî be

WEDNESDAY, 20 MARCH 2019 17:03:02

Hewlêr-KDP.info- Serok Mesûd Barzanî bi helkefta Cejna Newrozê peyamek belav kir û tê de ragihan ku niha qonaxekî din di jiyana gelê Kurdistanê de heye û pêwîstiyên vê qonaxê wiha dixwazin ku ber bi binyatnana Kurdistaneke bihêz û geş ve gav bavêjin. Serok Mesûd Barzanî di peyama xwe de dibêje: "Newroz ji bo gelê Kurdistanê herdem mizgîniya destpêkekî nû û hêviyeke nû û serkeftin li ser sîtemkaran û dijwariyan de bûye."

 
Serok Barzanî: Pêwîst e madeya 140 bi jihevfêmkirin û awayekî aştiyane were cîbicîkirin

WEDNESDAY, 20 MARCH 2019 10:03:59

Hewlêr-KDP.info- Serok Barzanî bi mebesta gotûbêjkirina li ser kêşe û arîşeyên devera Zumarê ligel hijmareke zêde ji rîspî û nûnerên pêkhateyên civakî û şêniyên devera Zumarê civiya û got, pêwîst e madeya 140 bi lihevgehêştin û jihevfêmkirin û awayekî aştiyane were cîhbicîhkirin û her hewlek bo sepandina tiştek ku beruvajiya rastiya cografî, dîrok û rewşa civakî ya deverê be dibe sedema kûrtir kirina aloziyan û nayê qebûlkirin.

 
Mesrûr Barzanî û wezîrê Brîtanya behsa rewşa deverê kirin

WEDNESDAY, 20 MARCH 2019 10:03:43

Hewlêr-KDP.info- Wezîrê Dewletê yê Hikûmeta Brîtanya yê bo karûbarên Rojhilata Navîn û Bakûrê Efrîqayê Alistair Burt telefûna Şêwirmendê Encûmena Asayişa Herêma Kurdistanê Mesrûr Barzanî kir û di wê telefonê de herdû aliyan behsa rewşa deverê kirin.

 
Nêçîrvan Barzanî spasiya Amerîka kir

WEDNESDAY, 20 MARCH 2019 10:03:15

Hewlêr-KDP.info- Nêçîrvan Barzanî Serokwezîrê Herêma Kurdistanê, îro Sêşema 19.03.2019ê li bajarê Hewlêrê, pêşwaz li şandeke pilebilind ji Kongirêsa Amerîkayê bi serokatiya kongrêsman Jon Garmandi kir.

 


 
© 2018 Kurdistan Democratic Party, KDP