Kurdî  ■  كوردی  ■  عربي
WED, 21 NOV 2018 01:29 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Berpirsê Berevaniya Kantona Efrînê: Em nahêlin Efrîn bikeve destê Tirkiyê
| KDP.info


 

Dihok-KDP.info- Berpirsê Desteya Berevaniyê ya Kantona Efrînê Behcet Ebdo dibêje, Tirkiye hemû hewlên xwe dide ji bo dagîrkirina Efrînê, lê wê yekê di xewin de jî nabîne.
Ji 20-1-2018ê ve, Artêşa Tirkiyê û hêzên opozisyona Sûriyê êrîş dikin ser herêma Efrînê û sivîl dibin qurbanî wan topbaran û bombebaranên wan, ku îro navenda bajarê Efrînê jî topbaran kirin.

Behcet Ebdo derbarê wan êrîşan taybet ji malpera KDP.info re ragihand: “Gelê Efrînê û gelê Rojava hemû amade ye û bergiriyê li bajarê Efrînê dikin. Bila Tirkiye baş bizanibe ku em Efrînê jidest nadin, ji ber ku Efrîn herêma Kurdan e û dê her ya Kurdan be.”

Ebdo da zanîn ku, “balafirên Tirkiyê cihên xizmetguzariyê û bîrên avê û navenda Heyva Sor a Kurdî li Efrînê kirine hedef ji xwe re. Helbet Tirkiye dixwaze xelkê Efrînê ji bajarê xwe derkevin, lê xelkê me xweragir in û biryar dane ku eger ji birçna bimrin jî, ji bajarê xwe dernekevin. Ji xwe ji ber wê xweragiriyê hêj Tirkiye bustek ji axa Efrînê dagîr nekiriye û bêguman jî dê qehremanên ku qwe dikin qurbanî dê qet nehêlin Efrîn bikeve destê Tirkiyê de.”

Berpirsê Desteya Berevaniyê ya Kantona Efrînê ragihand: “Me gelek çekdar dîl girtine, hevdem ji ber bombebaranên balafirên Tirkiyê 183 welatiyên sivîl şehîd bûne û 450 jî birîndar in. Herwiha me 865 çekdarên Artêşa Azad kuştine. Me 20 tank têk birine û me dest daniye ser 2 tankan. Me 2 balafir xistine, ku yek ji cureyê Skors bû û ya din jî Kobra bû. Herwiha me balafireke sîxwiriyê jî xistiye.”

Hatina şanda Parlamentoya Kurdistanê bo Efrînê pêngaveke girîng e

Derbarê çûna şanda Parlamentoya Kurdistanê bo bajarê Efrînê Behcet Ebdo wiha got: “Hatina wê şandê ku ji hemû aliyên siyasî bû, pêngaveke girîng û dîrok bû. Niha û tevî cudahiyên siyasî, lê em Kurd hemû yek in û dijminê me hemûyan jî yek e. Divê em hemû zanibin ku yê Kurdan li Başûrê Kurdistanê qebûl nake, dê Kurdan li hemû dunyayê qebûl neke.”

Bêdengiya cîhanê li hemberî Efrînê cihê gumanê ye

Ebdo bi tundî rexne li welatên bi bandor û xwedî biryar li cîhanê kir û wiha got: “Amerîka û tevahiya welatên mezin li hember Efrînê çavê xwe girtine. Ev lîstika dunyayê ye li ser serê Kurdan. Mixabin ku cîhan wisa bêdeng e li hemberî Efrînê. Bila ew zanibin ku jibilî mafê xwe em daxwaza tiştekî din nakin. Em daxwaza fedralîzmê dikin, lê ew qebûl nakin.”

Behcet Ebdo ragihand ku wan bi zelalî ji Rûsya re gotine ku nabe ji bo berjewendiyên biçûk ew dest ji Kurdan berdin. Herwiha tenê gelê Kurd dengê xweragiriya Efrînê gihandine hemû cîhanê.




Nûçeyên din

Serok Barzanî pîrozbahiya salvegera ji dayikbûna Pêxemberê Misilmanan kir

MONDAY, 19 NOVEMBER 2018 22:11:02

Bi navê xwedayê mezin û dilovan

Bi helkefta salvegera ji dayikbûna Pêxemberê me yê mezin Mihemed Mistefa (Silavên Xwedê li ser bê) pîrozbahiyê li hemû misilmanên cîhan û Iraq û misilmanên Kurdistanê bi taybetî dikim.

Êzdî: PKK karekî metirsîdar li Şingalê dike..Armanca wan ziyana Êzdiyan e

MONDAY, 19 NOVEMBER 2018 19:11:11

Şingal-KDP.info- Serokê Encûmena Parêzgeha Mûsilê Seydo Çeto dibêje, PKK karekî metirsîdar li Şingalê dike û pêwîst e rê li pêşiya wan bê girtin. Berpirsê Asayişa Rojavayê Diclê Emîd Aştî Koçer jî dibêje, hebûna PKKê li Şingalê armanc jê tenê ew e ku ziyanê bighînin berjewendiyên gelê Kurdistanê û Êzdiyan.

 
Hikûmeta Kurdistanê: Rewşa Şingalê ya xerab nayê qebûlkirin

MONDAY, 19 NOVEMBER 2018 18:11:55

Hewlêr-KDP.info- Berdevkê Hikûmeta Herêma Kurdistanê Sefîn Dizeyî ragihand ku ew naxwazin ti pirsgirêk li Şingalê çêbibe lê ew rewşa xerab ya ku niha li Şingalê heye bi awayekî nayê qebûlkirin û divê Hikûmeta Iraqê wan hêzên nerewa mîna Heşda Şeibî û PKK ji wir derxîne û Hêzên Pêşmerge û polîsên federal li wir bicîh bibin da ku xelkê Şingalê vegerin ser mal û halê xwe.

 
Pêşmergeyên PDK û YNKê (70 û 80) dibin yek hêz

MONDAY, 19 NOVEMBER 2018 18:11:52

Hewlêr-KDP.info- Cîgirê Serfermandarê Hêzên Pêşmerge di Wezareta Pêûmerge de Lîwa Salar Cebarî ragihand ku proseya yekxistina herdû hêzên 70 û 80 yên Pêûmerge destpê kiriye.

 
Şand Wezareta Pêşmerge li Hingarya çend mijarên girîng gotûbêj dike

SUNDAY, 18 NOVEMBER 2018 18:11:22

Hewlêr-KDP.info- Rêveberê Hevahengî û Pêwendiyên Wezareta Pêşmerge ya Hikûmeta Kurdistanê ragihand ku li ser vexwendineke fermî şandeke Wezareta Pêşmerge çû welatê Hingarya.

 


 
© 2018 Kurdistan Democratic Party, KDP