Kurdî  ■  كوردی  ■  عربي
MON, 15 OCT 2018 14:13 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Hewlêr ji Fransa re pir girîng e
| KDP.info


Hewlêr-KDP.info- Wezîrê Derve yê Fransayê Jean-Yves Le Drian şeva borî gehişte Hewlêra paytexta Herêma Kurdistanê, bi vêna jî Fransayê careke din tekez kir ku Hewlêr bo Fransayê girîng e û dixwaze ev paytex bihêz bimîne.

Le Drian, di serdana xwe ya Hewlêrê de ligel Serokwezîrê Herêma Kurdistanê Nêçîrvan Barzanî civiya. Di civînê de peywendiyên navbera Hewlêr û Parîsê û herwiha Hewlêr û Bexdayê hatin gotûbêjkirin.

Derbarê vê serdanê de Konsulê Berê yê Fransayê li Hewlêrê Frederic Tissot ji Rûdawê re got: “Ev serdan gelekî girîng e, ji ber referandûm û êrîşa ser Kerkûkê li bîra min e. Wê demê Serok Macron ligel hikûmeta Iraqê û Kurdistanê axifî û daxwaz ji wan kir ku çareseriyekê bibînin. Li gor destûrê Herêma Kurdistanê herêmeke Iraqê ye û bêguman divê hemû siyasetmedarên Iraqê rêzê li destûrê bigirin.”

Li gor pisporan, serdana Wezîrê Derve yê Fransayê derencama wê yekê ye ku Rojava di wê baweriyê de ye, Hewlêr wate aramî li Iraqê, loma naxwazin li beramber Bexda û Heşda Şabî, Hewlêreke lawaz li navçeyê hebe.

Li ser heman mijarê Mamostayê Zanîngehê Adil Baxewan jî nerînên xwe wiha anîn ziman: “Bi baweriya diplomat û pisporên karûbarên Iraqê, Ewropa bi giştî û Fransa bi taybetî ti çareseriyeke din li ba wan nine ji xeynî normalkirina peywendiyên navbera Hewlêr û Bexdayê. Ji ber Bexdaya Heşda Şabî û civaka Sunne hilweşiya ne, bi ti awayekî nikarin garantiya asayîş û aramiyê li Iraqê bidin wek wêya Kurd dikarin bikin û berjewendiyên Ewropayê biparêze.”

Ne cara yekem e ku Jean-Yves Le Drian serdana Hewlêrê bike. Heta niha çendîn carên din hatiye Hewlêrê û di dema şerê dijî DAIŞê de jî hatibû Başûrê Kurdistanê û serdana eniyên şer ên Hêzên Pêşmerge kiribû.

Piştî bidawîbûna şerê DAIŞê, Le Drian ku bi serdanekê li Hewlêrê bû, ragihandibû ku ew hem di dema şer û hem jî di dema aştiyê de piştgiriya Herêma Kurdistanê dikin.

Hevdem Fransa û Serokkomarê Fransayê Emmanuel Macron bi xwe di şikandina ambargoya dîplomatîk a ser Hewlêrê de rolekî girîng dîtin. Piştî ferzkirina ambargoyê yekem hevdîtina Serokwezîrê Herêma Kurdistanê Nêçîrvan Barzanî jî ligel berpirsên derve, li Koşka Serokatiyê ya Fransayê ligel Serokkomarê Fransayê Emmanuel Macron bû.

Rûdaw




Nûçeyên din

Nêçîrvan Barzanî û Hekîm avakirina hikûmeta Iraqê gotûbêj kirin

SUNDAY, 14 OCTOBER 2018 22:10:35

Hewlêr-KDP.info- Cîgirê Serokê Partiya Demorkat a Kurdistanê Nêçîrvan Barzanî pêşwaziya şandeke Eniya Îslah ya Iraqê bi Serokatiya Emar Hekîm kir û di wê hevdîtinê de avakirina hikûmeta nû ya Iraqê hat gotûbêjkirin.

 
Mîranî: PDK bernameya xwe ji bo hikûmeta nû daye Adil Ebdulmehdî

SUNDAY, 14 OCTOBER 2018 20:10:07

Hewlêr-KDP.info- Sekreterê Polîtburoya PDKê Fazil Mîranê ragihand ku PDK bernameya xwe ji bo avakirina hikûmeta bê ya Iraqê daye wî kesî yê ku niha mijûlî avakirina hikûmetê ye, ku tê de daxwaz hatiye kirin ku hevsengî û şirîkatî û tifaq li Iraqê hebe.

 
Fermandarê berê yê HSDê: Baweriya xelkê bi PYDê nemaye..Destê xwe datînin ser malên xelkê

SUNDAY, 14 OCTOBER 2018 20:10:28

Duhok-KDP.info- Fermandarê berê yê Hêzên Sûriyaya Demokrat (HSD) Husamedîn Ewak dibêje, baweriya xelkê li Rojavayê Kurdistanê bi PYDê nemaye û hêzên wan destê xwe datînin ser mal û milkê xelkê. Herwiha dibêje, tenê Serok Barzanî parêzerê berjewendiyên gelê Kurdistanê ye.

Rûsya: Amerîka kar ji bo avakirina dewleteke Kurdistanî dike

SUNDAY, 14 OCTOBER 2018 20:10:45

Hewlêr-KDP.info- Wezîrê Derve yê Rûsyayê Sergy Lavrov ragihand ku, Amerîka bi alîkariya Kurdên Rojavayê Kurdistanê li Sûriyê hawil dide dewleteke Kurdistanî damezrîne û ew yeke bi lîsteke metirsîdar binav kir.

 
Hevpeymaniya Îslah: Em piştgiriyê li daxwazên Serok Barzanî dikin

SUNDAY, 14 OCTOBER 2018 18:10:12

Hewlêr-KDP.info- Serok Barzanî pêşwaziya şandeke pilebilind ji Hevpeymaniya Îslah kir û di wê hevdîtinê de şanda mêvan tekez kir ku ew piştgiriyê li hersê daxwazên Serok Barzanî ji hikûmeta nû a Iraqê, dikin.

 


 
© 2018 Kurdistan Democratic Party, KDP