Kurdî  ■  كوردی  ■  عربي
WED, 21 NOV 2018 01:26 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Wezîra Almanya: Qehremaniyeke mezin di çavê Pêşmerge de tê dîtin..Em mêrxasiya wan jibîr nakin
| KDP.info


Hewlêr-KDP.info- Wezîra Berevaniya Almanyayê Ursula Von Der Leyen li paytexta Herêma Kurdistanê bajarê Hewlêrê serdana Hêzên Pêşmerge û rahênerên almanî kir û li wir ragihand ku ew qehremanî û mêrxasiya jibîr nakin û ew qehremanî di çavê wan de tê dîtin.

Wezîra Berevaniya Almanyayê Ursula Von Der Leyen avahiya nexweşxaneyeke taybet bi çareserkirin û dabînkirina pêwîstiyên hêza Pêşmerge vekir ku di qonaxa yekem de 6 milyon euro jêre hatiye dabînkirin û biryare heta meha Îlona îsal bidawî were.

Ursula Von Der Leyen civîneke çapemeniyê saz kir û got: “Ez kêfxweş ku îro li Hewlêrê ji bo serdankirina Hêza Pêşmerge û leşkerên me. Bû sê sal û nîv bi berfirehî me bi hev re kar kiriye. Îro jî ez gihîştim wê baweriyê ku Pêşmerge di warê perwerdekirinê de serkeftin û pêşketina baş dîtin.Leşkerên me yên jin û zilam, hertim ji me re behis dikin ku di dema perwerdekirinê de, hem hez û xwestekeke mezin a hêzên Pêşmerge ji bo fêrbûnê heye û hem jî qerehemaniyeke mezin jî di çavê wan de tê dîtin.”

Leyen tekez kir ku Iraqê li kêleka Hêza Pêşmerge serkeftin li dijî DAIŞê bidest xistin û wiha pê de çû: “Em dizanin bi serkeftina leşkerî bi ser DAIŞê, aramî venagerin, lewma niha em derbasî qonaxeke din dibin û di qonaxa veguhestinê de em dixwazin vê serkeftinê bicî bikin û bi hev re li gel hikumeta navendî vê serkeftin bo temamiya Iraqê bicî bikin. Lewma divê hêzên baş ên leşkerî werin avakirin û divê kar li ser mijarên lojistîk were kirin û sîstemeke tendirûstiyê ji bo van hêzan were avakirin. Piştî ku me qonaxa perwerdeyê bi serkeftî derbasî kir, doh li Bexdayê û îro li vir emê gelek pêşniyaran kom bikin, ji bo ku em bikarinbin ligel qonaxa aramiyê bimeşin.”

Di berdewamiya axaftina xwe de Wezîra Berevaniya Almanyayê got jî: “Em hemû dizanin Pêşmerge bi nûneratiya me û nûneratiya hemû cîhanê şereke mezin li dijî DAIŞê kir. Em spasiya wan dikin, lewma dixwazin şirekatiyek demdirêj di navbera Hewlêr û Bexdayê de pêk bînin.”

 

 




Nûçeyên din

Serok Barzanî pîrozbahiya salvegera ji dayikbûna Pêxemberê Misilmanan kir

MONDAY, 19 NOVEMBER 2018 22:11:02

Bi navê xwedayê mezin û dilovan

Bi helkefta salvegera ji dayikbûna Pêxemberê me yê mezin Mihemed Mistefa (Silavên Xwedê li ser bê) pîrozbahiyê li hemû misilmanên cîhan û Iraq û misilmanên Kurdistanê bi taybetî dikim.

Êzdî: PKK karekî metirsîdar li Şingalê dike..Armanca wan ziyana Êzdiyan e

MONDAY, 19 NOVEMBER 2018 19:11:11

Şingal-KDP.info- Serokê Encûmena Parêzgeha Mûsilê Seydo Çeto dibêje, PKK karekî metirsîdar li Şingalê dike û pêwîst e rê li pêşiya wan bê girtin. Berpirsê Asayişa Rojavayê Diclê Emîd Aştî Koçer jî dibêje, hebûna PKKê li Şingalê armanc jê tenê ew e ku ziyanê bighînin berjewendiyên gelê Kurdistanê û Êzdiyan.

 
Hikûmeta Kurdistanê: Rewşa Şingalê ya xerab nayê qebûlkirin

MONDAY, 19 NOVEMBER 2018 18:11:55

Hewlêr-KDP.info- Berdevkê Hikûmeta Herêma Kurdistanê Sefîn Dizeyî ragihand ku ew naxwazin ti pirsgirêk li Şingalê çêbibe lê ew rewşa xerab ya ku niha li Şingalê heye bi awayekî nayê qebûlkirin û divê Hikûmeta Iraqê wan hêzên nerewa mîna Heşda Şeibî û PKK ji wir derxîne û Hêzên Pêşmerge û polîsên federal li wir bicîh bibin da ku xelkê Şingalê vegerin ser mal û halê xwe.

 
Pêşmergeyên PDK û YNKê (70 û 80) dibin yek hêz

MONDAY, 19 NOVEMBER 2018 18:11:52

Hewlêr-KDP.info- Cîgirê Serfermandarê Hêzên Pêşmerge di Wezareta Pêûmerge de Lîwa Salar Cebarî ragihand ku proseya yekxistina herdû hêzên 70 û 80 yên Pêûmerge destpê kiriye.

 
Şand Wezareta Pêşmerge li Hingarya çend mijarên girîng gotûbêj dike

SUNDAY, 18 NOVEMBER 2018 18:11:22

Hewlêr-KDP.info- Rêveberê Hevahengî û Pêwendiyên Wezareta Pêşmerge ya Hikûmeta Kurdistanê ragihand ku li ser vexwendineke fermî şandeke Wezareta Pêşmerge çû welatê Hingarya.

 


 
© 2018 Kurdistan Democratic Party, KDP