Kurdî  ■  كوردی  ■  عربي
WED, 21 NOV 2018 01:25 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Nêçîrvan Barzanî û Balyozê Amerîka çareserkirina pirsgirêkan gotûbêj kirin
| KDP.info


 

Hewlêr-KDP.info- Serokwezîrê Herêma Kurdistanê Nêçîrvan Barzanî û Balyozê Amerîkayê yê li Iraqê Douglas Silliman hevdîtinek pêk anîn û di hevdîtinê de geşedanên herî dawî yên navbera Hewlêr û Bexdayê gotûbêj kirin.

Di hevdîtinê de Serokwezîrê Herêma Kurdistanê û Balyozê Amerîkayê yê li Iraqê li ser karê lijneyên taybet ên dabînkirina meaşên herdu wezaretên tendirustî û perwerdeyê yên Herêma Kurdistanê û herwiha rakirina qedexeya geştên navdewletî yên ser firokexaneyên Herêma Kurdistanê ji aliyê hikûmeta Iraqê ve axivîn û herdu alî hêviyên xwe anîn ziman ku gotûbêjên navbera Hewlêr û Bexdayê erênî bibin û rê li çareserkirina hemû pirsgirêkên navbera herdu aliyan vekin.

Di hevdîtinê de ku îro pêncşemê hat pêkanîn, Serokwezîr Nêçîrvan Barzanî û Douglas Silliman behsa beşdarbûna şanda Hikûmeta Herêma Kurdistanê di Konferansa Avakirina Iraqê de kirin ku biryar e di demeke nêz de li Kuweytê were sazkirin, bi wê hêviyê ku Herêma Kurdistanê jî ji vê derfetê sûdmend bibe û bikare para xwe ji wan alîkarî û projeyan bi dest bixe ku tê çaverê kirin ji bo avakirina Iraqê piştî bidawîbûna şerê dijî terorê, were pêkanîn.

Gotûbêjkirina hilbijartinên dahatû yê Iraqê û Herêma Kurdistanê, pêvajoya siyasî, rewşa Iraq û herêmê, qonaxa bidawîanîna DAIŞê li Iraq û Sûriyê, beşeke din a mijarên civînê bûn.

 




Nûçeyên din

Serok Barzanî pîrozbahiya salvegera ji dayikbûna Pêxemberê Misilmanan kir

MONDAY, 19 NOVEMBER 2018 22:11:02

Bi navê xwedayê mezin û dilovan

Bi helkefta salvegera ji dayikbûna Pêxemberê me yê mezin Mihemed Mistefa (Silavên Xwedê li ser bê) pîrozbahiyê li hemû misilmanên cîhan û Iraq û misilmanên Kurdistanê bi taybetî dikim.

Êzdî: PKK karekî metirsîdar li Şingalê dike..Armanca wan ziyana Êzdiyan e

MONDAY, 19 NOVEMBER 2018 19:11:11

Şingal-KDP.info- Serokê Encûmena Parêzgeha Mûsilê Seydo Çeto dibêje, PKK karekî metirsîdar li Şingalê dike û pêwîst e rê li pêşiya wan bê girtin. Berpirsê Asayişa Rojavayê Diclê Emîd Aştî Koçer jî dibêje, hebûna PKKê li Şingalê armanc jê tenê ew e ku ziyanê bighînin berjewendiyên gelê Kurdistanê û Êzdiyan.

 
Hikûmeta Kurdistanê: Rewşa Şingalê ya xerab nayê qebûlkirin

MONDAY, 19 NOVEMBER 2018 18:11:55

Hewlêr-KDP.info- Berdevkê Hikûmeta Herêma Kurdistanê Sefîn Dizeyî ragihand ku ew naxwazin ti pirsgirêk li Şingalê çêbibe lê ew rewşa xerab ya ku niha li Şingalê heye bi awayekî nayê qebûlkirin û divê Hikûmeta Iraqê wan hêzên nerewa mîna Heşda Şeibî û PKK ji wir derxîne û Hêzên Pêşmerge û polîsên federal li wir bicîh bibin da ku xelkê Şingalê vegerin ser mal û halê xwe.

 
Pêşmergeyên PDK û YNKê (70 û 80) dibin yek hêz

MONDAY, 19 NOVEMBER 2018 18:11:52

Hewlêr-KDP.info- Cîgirê Serfermandarê Hêzên Pêşmerge di Wezareta Pêûmerge de Lîwa Salar Cebarî ragihand ku proseya yekxistina herdû hêzên 70 û 80 yên Pêûmerge destpê kiriye.

 
Şand Wezareta Pêşmerge li Hingarya çend mijarên girîng gotûbêj dike

SUNDAY, 18 NOVEMBER 2018 18:11:22

Hewlêr-KDP.info- Rêveberê Hevahengî û Pêwendiyên Wezareta Pêşmerge ya Hikûmeta Kurdistanê ragihand ku li ser vexwendineke fermî şandeke Wezareta Pêşmerge çû welatê Hingarya.

 


 
© 2018 Kurdistan Democratic Party, KDP