Kurdî  ■  كوردی  ■  عربي
SAT, 26 MAY 2018 11:14 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Amerîka: Em piştevaniyê dikin li Herêma Kurdistanê wek qewareyeke destûrî
| KDP.info


 

Hewlêr-KDP.info- Şêwirmendê Encûmena Asayişa Herêma Kurdistanê Mesrûr Barzanî îro pêşwazî li Balyozê Amerîka li Iraqê Douglas Silliman kir. Di hevdîtinê de pêwendiyên her du aliyan, pêşhatên navçeyê û rewşa danûstandinên di navbera Hewlêr û Bexdayê de gotûbêj kirin.

Balyoza Amerîka piştevaniya xwe ji Herêma Kurdistanê wek qewareyeke destûrî dupat kir û amaje bi wê da ku welatê wê dixwaze Herêma Kurdistanê bi yek deng û yekgirtî ligel Bexdayê di danûstandinan de berdewam be û zû pirsgirêkên her du aliyan bêne çareserkirin.

Ji aliyê xwe ve, Şêwirmendê Encûmena Asayişa Herêma Kurdistanê Mesrûr Barzanî diyar kir, ku Herêma Kurdistanê dixwaze li gor destûrê tevahiya pirsgirêkên di navbera Hewlêr û Bexdayê de bêne çareserkirin û niha herêmê erkên xwe yên destûrî ji bo çareserkirina pirsgirêkan bicih kirine û li benda Bexdayê ne ku erkên xwe cibicî bike, lê hest bi cidîbûna Bexdayê ya çareserkrina pirsgirêkan nekiriye.

Balyozê Amerîka tekezî li ser berdewamiya navbênkariya di navbera Hewlêr û Bexdayê de kir û hêvî xwast bikarin di zûtirîn dem de pêşveçûn di danûstandinan de çê bibe.

Herwiha Balyozê Amerîka pabendbûna welatê xwe bi beşdariya di karên avadankirin û pêşxistina herêmê û navçeyên din ên Iraqê dupat kir û hêvî xwast ku bikarin di konferansa Kiwêtê ya ji bo hevkariya Iraqê de gelek hevkarî dabîn bikin.

Derbarê şerê li dijî terorê de jî, her du aliyan tekezî li ser berdewamiya hevkariyên dualî kirin û li hemberê Mesrûr Barzanî tekezî li ser berdewamiya herêmê ligel Hevpeymaniya Navdewletî ya li dijî DAIŞê kir û amaje bi wê kir, ku gefên teroristan li navçê maye û hîn hevkariya hemû aliyan pêşwîst e, lê hevahengiya leşkerî, siyasî û çareserkirina yekcarî ya pirsgirêkan di nava Iraqê de yek pakêc e divê di hemû astan de rewş bê asayîkirin û rêz li mafên destûrî yên hemû pêkhateyan bê girtin, ta zemîna serîhildana tundûtûjiyê nemîne.

Di çarçova hevdîtinê de, Balyozê Amerîkî pêzanîna xwe ji bo rola Pêşmerge di şerê li dijî teroristan de dupat kir û ragihand, hevkariyên Amerîka di warên darayî û rahênankirina Hêz;n Pêşmerge berdewam dibe.


 




Nûçeyên din

Êdî ev derfeta dawî ye ji Iraqê re..Mercên Kurdan bicîh neyên dê rêyeke din hilbijêrin

THURSDAY, 24 MAY 2018 20:05:19

Hewlêr-KDP.info- Iraqa federal li pêşiya îmtîhan û têsteke mezin e, ku hikûmeta nû ya Iraqê dê wek hikûmetên şikestî yên berê be, yan dê prensîpên federaliyê biparêze. Kurd dê derfeta dawî bidin Iraq û Bexdayê ku vê carê hikûmetek bê avakirin mafê Kurdistanê tê parastî bin. Çavdêrên siyasî dibêjin, Kurd 3 mercên wan hene ku ew jî karê hevbeş, şirkatî û hevsengî ye, eger ev merc pêk neyên dê Iraq bi yekcarî têk biçe û Kurdistan dê rêyeke din hilbijêre.

 
Sozan Amêdî: Hilbijartinan giranî û senga hemû partiyan diyar kir

THURSDAY, 24 MAY 2018 19:05:34

Dihok-KDP.info- Mamosteya zanîngehê û çavdêra siyasî Dr. Sozan Amêdî dibêje, piştî ragihandina encamên hilbijartinên Parlamentoya Iraqê, seng û giraniya hemû aliyên siyasî yên Kurdistanê û yên Iraqê jî diyar bû û piştrast bû ku PDK partiya yekem e li ser astê hemû Iraqê.

 
Mîranî û Balyozê Îranê behsa hevrêziyê di nav Kurdistan û Îranê de kirin

THURSDAY, 24 MAY 2018 18:05:42

Hewlêr-KDP.info- Balyozê Îranê li Bexdayê Îrec Mescidî, îro piştî civîna wî li gel şanda Partiya Demokrat a Kurdistanê got: "Pêwendî û hevrêziyeke me ya baş û dîrokî li gel Herêma Kurdistanê heye".

Mexmûr bûye serbazgeheke mezin ji hêzên Iraqê re

WEDNESDAY, 23 MAY 2018 18:05:32

Mexmûr-KDP.info- Qayimeqamê Mexmûrê Rizgar Mihemed ragihand ku, Mexmûr bûye serbazgeh û navendeke leşkerî ji hêzên Iraqê re, ku tije hêz û çekên giran kirine.

 
Hedar Barzanî: Mehrûmkirina Êzdiyan ji Parlamentoyê jenosîdeke din e

WEDNESDAY, 23 MAY 2018 18:05:17

Hewlêr-KDP.info- Parlamentera PDKê ya nû di Parlamentoya Iraqê de Hedar Barzanî dibêje, li Bexdayê qonaxa bê qonaxa bergiriyê ye li mafê gelê Kurdistanê. Herwiha dibêje, mehrûmkirina Kurdên Êzdî ji Parlamentoya Iraqê û dizîna dengên wan, jenosîdeke din e li hemberî Êzdiyan.

 


 
© 2018 Kurdistan Democratic Party, KDP