Kurdî  ■  كوردی  ■  عربي
SAT, 26 MAY 2018 11:12 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serokwezîr: Piştî şêwra ligel partiyên siyasî, emê dema hilbijartinan diyar bikin
| KDP.info


 

Hewlêr-KDP.info- Serokwezîrê Herêma Kurdistanê Nêçîrvan Barzanî ragihand ku di civîna îro de dema hilbijartinan nehatiye diyarkirin, lê piştî şêwra ligel aliyên siyasî dem tê destnîşan kirin.

Piştî civîna Serokatiya Parlamento, Hikûmet û Komisyona Bilind a Hilbijartin û Referandûmê yên Herêma Kurdistanê, ya derbarê hilbijartinan de, Serokwezîrê Herêma Kurdistanê Nêçîrvan Barzanî li ser naveroka civînê bersiva rojnamevanan da.

Serokwezîr Nêçîrvan Barzanî da zanîn ku di civîna îro ya parlamento, hikûmet û komisyonê de dema hilbijartinan nehatiye diyarkirin, lê piştî şêwra ligel aliyên siyasî dê dem were destnîşan kirin.

Nêçîrvan Barzanî wiha axifî: “Derbarê wan pêngavên ku heta niha avêtine Komisyona Hilbijartinê raporta xwe pêşkêş kir. Parlamentoyê behsa aliyê yasayî kir û hikûmetê jî behsa wan amadekariyan derbarê mijarê de kir. Biryar hat dayîn ligel aliyên siyasî biaxifin û piştre roja hilbijartinê were diyar kirin.”

Derbarê egera hebûna astengiyan li pêşiya hilbijartinên Kurdistanê, Serokwezîr wiha bersiv da: “Tişta min fam kiribe pirsgirêkeke wiha tune ye. Îro em hemû rûniştibûn, kêşeyeke wiha tune ye. Hinek meseleyên teknîkî hene û divê bên çareser kirin. Lê min pirsgirêkeke wiha nedît.”

Derbarê 250 milyar dînarê Bexda û meaş de jî Nêçîrvan Barzanî got: “Tu pere ji Bexdayê bo meaş ji Hewlêrê re nehatine şandin. Ew pere hatine ser hesabê Liqa Hewlêrê ya Banka Navendî ya Iraqê.”




Nûçeyên din

Êdî ev derfeta dawî ye ji Iraqê re..Mercên Kurdan bicîh neyên dê rêyeke din hilbijêrin

THURSDAY, 24 MAY 2018 20:05:19

Hewlêr-KDP.info- Iraqa federal li pêşiya îmtîhan û têsteke mezin e, ku hikûmeta nû ya Iraqê dê wek hikûmetên şikestî yên berê be, yan dê prensîpên federaliyê biparêze. Kurd dê derfeta dawî bidin Iraq û Bexdayê ku vê carê hikûmetek bê avakirin mafê Kurdistanê tê parastî bin. Çavdêrên siyasî dibêjin, Kurd 3 mercên wan hene ku ew jî karê hevbeş, şirkatî û hevsengî ye, eger ev merc pêk neyên dê Iraq bi yekcarî têk biçe û Kurdistan dê rêyeke din hilbijêre.

 
Sozan Amêdî: Hilbijartinan giranî û senga hemû partiyan diyar kir

THURSDAY, 24 MAY 2018 19:05:34

Dihok-KDP.info- Mamosteya zanîngehê û çavdêra siyasî Dr. Sozan Amêdî dibêje, piştî ragihandina encamên hilbijartinên Parlamentoya Iraqê, seng û giraniya hemû aliyên siyasî yên Kurdistanê û yên Iraqê jî diyar bû û piştrast bû ku PDK partiya yekem e li ser astê hemû Iraqê.

 
Mîranî û Balyozê Îranê behsa hevrêziyê di nav Kurdistan û Îranê de kirin

THURSDAY, 24 MAY 2018 18:05:42

Hewlêr-KDP.info- Balyozê Îranê li Bexdayê Îrec Mescidî, îro piştî civîna wî li gel şanda Partiya Demokrat a Kurdistanê got: "Pêwendî û hevrêziyeke me ya baş û dîrokî li gel Herêma Kurdistanê heye".

Mexmûr bûye serbazgeheke mezin ji hêzên Iraqê re

WEDNESDAY, 23 MAY 2018 18:05:32

Mexmûr-KDP.info- Qayimeqamê Mexmûrê Rizgar Mihemed ragihand ku, Mexmûr bûye serbazgeh û navendeke leşkerî ji hêzên Iraqê re, ku tije hêz û çekên giran kirine.

 
Hedar Barzanî: Mehrûmkirina Êzdiyan ji Parlamentoyê jenosîdeke din e

WEDNESDAY, 23 MAY 2018 18:05:17

Hewlêr-KDP.info- Parlamentera PDKê ya nû di Parlamentoya Iraqê de Hedar Barzanî dibêje, li Bexdayê qonaxa bê qonaxa bergiriyê ye li mafê gelê Kurdistanê. Herwiha dibêje, mehrûmkirina Kurdên Êzdî ji Parlamentoya Iraqê û dizîna dengên wan, jenosîdeke din e li hemberî Êzdiyan.

 


 
© 2018 Kurdistan Democratic Party, KDP