Kurdî  ■  كوردی  ■  عربي
SUN, 19 AUG 2018 06:44 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî: Divê êrîşa ser Efrînê bê rawestandin
| KDP.info


 

Hewlêr-KDP.info- Serok Mesûd Barzanî peyamek li ser êrişên artêşa Tirkiyê li ser herêma Efrînê ya Rojavayê Kurdistanê belav kir û tê de got ku pêwîst e ew êrîş bê rawestandin da ku encamên xerab dernekevin.

Serok Barzanî di peyama xwe de nîgeraniya xwe li hember êrişên artêşa Tirkiyê li ser Efrînê aniye ziman û daxwaz kiriye, ew êriş bên sekinandin û arîşe û alozî bi diyalogê bên çareserkirin.

Têksta peyamê:

“Bi navê Xwedayê mezin û dilovan

Bi êrîş û bordûmanên artêşa Tirkiyê û çend aliyên din li ser bajarê Efrînê û canjidestdan û qurbanîbûna xelkên sivîl li wî bajarî em gelekî dilgiran kirine.

Hêvîdar im di zûtirîn dem de ew êrîş bê rawestandin û canê welatiyan bê parastin û ji rewşa niha firehtir nebe û karesat û encamên xirab jê çênebin.

Li gorî hemû ezmûnên navçeyê, bi şer û tundiyê kirîz û kêşe kûrtir û berfirehtir dibin. Baştirîn rê ew e bi awayên aştyane kirîz û kêşeyên navçeyê bên çarekirin.

Mesûd Barzanî

22-1-2018”




Nûçeyên din

“PKK 300 zarok û xortên Êzdî revandine”

SATURDAY, 18 AUGUST 2018 21:08:18

Şingal-KDP.info- PKK tometbar e bi revandine zarokên Kurdên Êzdî. Li gorî zanyariyan 300 zarokên Êzdî ji aliyê PKK ve hatine revandin ji bo Qendîlê hatine veguhestin û li wir tên perwerdekirin.

 
Heder Şeşo: Divê çareseriyeke navdewletî ji Şingal re bê dîtin

SATURDAY, 18 AUGUST 2018 17:08:59

Şingal-KDP.info- Fermandarê Giştî yê Hêza Parastina Êzîdxanê li Şingalê Heder Şeşo ragihand ku pirsa Şingalê bûye pirsgirêkeke navdewletî û ji destê Iraqê jî derketiye û kes nizane dê çarenivîsa wê çi be.

 
Zêbarî: Bexda alîkariya PKKê dikir û niha jî rê dide Tirkiyê ku li wan bixe

SATURDAY, 18 AUGUST 2018 16:08:57

Şingal-KDP.info- Serfermandarê berê yê Artêşa Iraqê Babekir Zêbarî dibêje, Bexda ji aliyekî ve alîkariya PKKê dike û ji aliyekî din ve rêkeftinê ligel Tirkiyê dike li dijî PKKê, ku ev yek jî tenê ji bo ku ziyanê bighîne xelkê Şingalê.

Rêya Hewlêr – Kerkûk tê vekirin

SATURDAY, 18 AUGUST 2018 15:08:26

Hewlêr-KDP.info- Rêveberê Polîsê Hewlêrê Lîwa Ebdulxaliq Telhet ragihand ku îro şandên Herêma Kurdistanê û Bexda civîna xwe ya dawî li ser vekirina rêya Hewlêr – Kerkûk lidar xistin û biryar hat stendin ku sibe ew rê vebe.

Fedrasyona Komeleyên Kurdî li Sovyêta berê pîrozbahî li PDK û Serok Barzanî kir

SATURDAY, 18 AUGUST 2018 14:08:14

Hewlêr-KDP.info- Fedrasyona Navdewletî ya Komeleyên Kurdî li welatên Yekîtiya Sovyêta Berê bi boneya 72yemîn salvegera damezrandina PDK û jidayikbûna Serok Mesûd Barzanî peyameke pîrozbahiyê şandiye ji PDKê re.

 


 
© 2018 Kurdistan Democratic Party, KDP