Kurdî  ■  كوردی  ■  عربي
WED, 17 JAN 2018 00:18 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Naveroka civîna Nêçîrvan Barzanî û Papayê Vatîkanê
| KDP.info


 

Hewlêr-KDP.info- Serokê Dîwana Serokatiya Herêma Kurdistanê Fuad Hisên di daxuyaniyekê de naveroka civîna Serokwezîrê Herêma Kurdistanê, Nêçîrvan Barzanî û Papayê Vatîkanê, Papa Franchesco aşkere kir.

Fuad Hisê ragihand, di civîna ligel Papa Francesco de ku 40 deqeyan dirêj kir, Serokwezîrê Herêma Kurdistanê Nêçîrvan Barzanî behsa pêwendiya navbera Hewlêr û Bexdayê, rewşa siyasî û aboriya Herêma Kurdistanê, şer û qurbandîdana pêşmerge li dijî DAIŞê û rewşa koçber û penaberan û bi taybet jî rewşa koçberên Krîstiyanan kir.

Bi gotina Hisên ku ji Rûdawê re ragihandiye, di civînê de Papayê Vatîkanê derbarê wan mijarên behskirî de çend pirs ji Serokwezîr pirsî û Nêçîrban Barzanî jî bersiva wan pirsyarên Papa da.

Serokê Dîwana Serokatiya Herêma Kurdistanê diyar kir, di civînê de herwiha behsa rola Vatîkanê li ser asta navdewletî û ji bo çareserkirina pirsgirêkên navbera Herêma Kurdistanê û hikûmeta Iraqê hat kirin û hat gotin, ku Vatîkan dikare ji bo çareseriya aştiyane ya arîşeyan roleke mezin bibîne.

Fuad Hisên herwiha aşkere kir, ku Nêçîrvan Barzanî bi Serokwezîrê Vatîkanê Pietro Parolin re jî civiyaye.

Hisên got, di civîna navbera Nêçîrvan Barzanî û Serokwezîrê Vatîkanê Kardînal Pietro Parolin de, bi hûrgilî behsa gelek pirsan hat kirin, ku yek ji mijaran ew bû ku gelo Vatîkan dikare li ser asta navdewletî çi ji Herêma Kurdistanê re bike.

Di derbarê serdanên serokwezîr Nêçîrvan Barzanî bo welatên Ewropayê de jî Fuad Hisên eşkere kir, Bexda siyaseta dûrxistin û veqetandina Herêma Kurdistanê ji civaka cîhanî cîbicî dike, lê belê di vê siyasetê de dê şikestinê bîne.

Derbarê hilbijartinên Iraqê û bandora wan li ser pêwendiyên Herêma Kurdistanê û Iraqê de jî, Fuad Hisên dibêje, hilbijartinên Iraqê dê bandore li pêwendiyan bikin û herî dawî dê Hewlêr û Bexda dest bi danûstandin û gotûbêjan bikin, lê belê her çiqas zûtir civîn dest pê bike û berî hilbijartinan ve, baştir e.

Di şanda Herêma Kurdistanê de Serokwezîr Nêçîrvan Barzanî, Serokê Dîwana Serokatiya Herêma Kurdstanê Fuad Hisên û Nûnera Hikûmeta Herêma Kurdistanê li Îtalyayê Rêzan Qadir cîh digrin.


 




Nûçeyên din

Nêçîrvan Barzanî pêşniyara mekanîzmeke hevbeş li Amerîkayê kir

TUESDAY, 16 JANUARY 2018 16:01:47

Hewlêr-KDP.info- Serokwezîrê Herêma Kurdistanê Nêçîrvan Barzanî ligel Wezîrê Derve yê Amerîka Rex Tillerson axivî û ragihand, ku niha metirsiya derketina tundiyê heye û bi pêwîst zanî, ku di navbera Herêma Kurdistanê, Iraq û Amerîkayê de ji bo rûbirûbûna tundxwaziyê mekanîzmayek hebe ku li ser vê yekê karê hevbeş bê kirin.

 

PDKê hilbijartin li Kerkûkê baykot kir: Rewatiyê nedin dagîrker

MONDAY, 15 JANUARY 2018 20:01:34

Hewlêr-KDP.info- Encumena Serkirdatiya Partiya Demorkata Kurdistanê (PDK) li Kerkûkê biryar da ku li wê parêzgehê û li navçeyên Kurdistanî beşdarî di hilbijartinên Iraqê de neke û biryara baykotkirina hilbijartinan da.

 
Rewşa Kerkûkê pir xerab e û proseya bi şîekirin û bi erebkirinê berdewam e

MONDAY, 15 JANUARY 2018 19:01:57

Hewlêr-KDP.info- Berdevkê Encumena Serkirdatiya PDKê li Kerkûkê Ednan Kerkûkî ragihand ku rewşa Kerkûkê pir xerab e û roj bi roj xerabtir jî dibe, proseya bi şîekirin û bi erebkirinê jî berdewam e û herwiha êrîş dikin ser malên Kurdan, ku kêm maye rewşa Kerkûkê wek a Bexdayê lê bê.

 
Konsulê Fransa: Em piştgiriya mafên destûrî yên Kurdistanê dikin

MONDAY, 15 JANUARY 2018 17:01:49

Hewlêr-KDP.info- Konsulê Giştî yê Fransa li Herêma Kurdistanê Domînîk Mas di civîna xwe de ligel şandeke PDKê ragihand ku welatê wî piştgiriyê li daxwazî û mafên destûrî yên Herêma Kurdistanê dike.

 

Lavrov: Divê berjewendiyên Kurdan li Sûriyê li ber çav bigirin

MONDAY, 15 JANUARY 2018 15:01:17

Hewlêr-KDP.info- Wezîrê Derve yê Rûsyayê Sergey Lavrov ragihand, bê guman Kurd beşek in ji neteweya Sûriyê û divê berjerwendiyên wan jî li ber çav bêne girtin.

 


 
© 2017 Kurdistan Democratic Party, KDP