Kurdî  ■  كوردی  ■  عربي
TUE, 19 JUN 2018 19:08 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Kanada: Pêwîst e Bexda rêzê li mafên gelê Kurdistanê bigre
| KDP.info



Hewlêr-KDP.info- Di hevdîtinekê de ligel Ofîsa Pêwendiyên Derve ya PDKê, Berpirsa Siyasî ya Balyozxaneya Kanada Zeyneb Alîafa ragihand ku pêwîst e Hikûmeta Iraqê rêzê li mafên destûrî yên gelê Kurdistanê bigre.

Berpirsê Ofîsa Pêwendiyên Derve ya PDKê Hoşyar Sîweylî pêşwazî li Berpirsa Siyasî ya Balyozxaneya Kanada li Iraq û Kiweyt Zeyneb Alîafa kir.

Di wê hevdîtinê de Hoşyar Sîweylî bi navê Rêveberiya PDKê û gelê Kurdistanê spasiya gel û hikûmeta Kanada kir li ser alîkarî û piştevaniyên wê ji bo Hêzên Pêşmerge û Herêma Kurdistanê û behsa bûyerên çend mehên borî kir û got ku gelê Kurdistanê biryara referandumê da ji ber ku Hikûmeta Iraqê pêbend nebû bi destûr û berdewam wî destûrî binpê dike, ku referandum jî mafekî rewa yê hemû gelan e û bêguman gelê Kurdistanê jî di proseyeke demokrasî de biryar li çarenivîs û paşeroja xwe daye, lê mixabin Hikûmeta Iraqê bi hêzên serbazî û bi piştevaniya derve û cîhanê bersiva me da, ku hemû cîhan jî li hemberî wan binpêkirinên Bexdayê bêdeng ma û niha jî Bexda gelê Kurdistanê ceza dike û li navçeyên Kurdistanî tawanên li dijî mirovayetiyê encam didin, nexasim jî li Xurmatû, ku hêzeke neiraqî hatiye avakirin û bi hemû awayekî alîkariya wê tê kirin û ew hêz jî binpêkirinan dike.

Wî berpirsê PDKê daxwaz ji hemû cîhana azad kir ku helwêstê xwe li hemberî wan karên nedestûrî û wan binpêkirinên ku bûne cihê karesatan, nîşan bidin, ji ber ku Hikûmeta Iraqê bi wan karên xwe navçeyê ber bi girifteke dûrûdirêj û karesatên zêdetir dibe.

Ji aliyê xwe ve, Zeyneb Alîafa tekez kir ku welatê wê piştevaniyê li Herêma Kurdistanê dike û ragihand ku Kanada dê berdewam be li ser alîkariyên xwe û daxwaz ji Hikûmeta Iraqê dike ku pirsgirêkên xwe ligel Hikûmeta Kurdistanê bi danûstandin çareser bike.

Alîafa wiha got: “Pêwîst e Hikûmeta Iraqê di çarçoveya destûr de kar ligel Kurdistanê bike û ligel Hikûmeta Kurdistanê bighên rêkeftinekê. Herwiha pêwîst e Bexda rêzê li mafên destûrî yên gelê Kurdistanê bigre, ji ber ku berdewambûna vê rewşê nakeve berjewendiya ti aliyekî de û ev rewş aloziyan zêdetir dike, lewma jî em daxwaz dikin ku bi zûtirîn dem ew nakokî bidawî bibin.”




Nûçeyên din

Pêşmerge dê li dijî DAIŞê li Mexmûrê operasyonê bike

TUESDAY, 19 JUNE 2018 16:06:52

Mexmûr-KDP.info- Ev çend roj in ku terorîstên DAIŞê li sînorê Mexmûrê tevgera wan zêde bûye û wek berpirsekî jî dibêje, eger nêta DAIŞê hebe dikare pêş bikeve û bajaran jî dagîr bike, lê Pêşmerge amadekariyan dike ji bo jinavbirina wan terorîstan. Fermandarekî Pêşmerge li Mexmûrê jî eşkere dike ku ewê operasyonekê li dijî DAIŞê li derdora Mexmûrê encam bidin.

 
Kurd di nivîsandina destûrê Sûriyê de beşdar bibin

TUESDAY, 19 JUNE 2018 16:06:41

Dihok-KDP.info- Biryar e 8 kesayetiyên Kurd di civînên Cinêfê de beşdar bibin, ku ew civîn taybet dibin bi nivîsandina destûrê Sûriyê.

 
Heşda Şeibî gefê li Kurdên Şebek dike

TUESDAY, 19 JUNE 2018 14:06:20

Deşta Neynewa-KDP.info- Nûnerê Kurdên Şebek di Parlamentoya Iraqê de Salim Şebek dibêje, Heşda Şeibî berdewam e li ser gefên xwe yên li dijî Kurdên Şebek.

 
"Li Efrînê xelk êş û azareke mezin dibînin”

MONDAY, 18 JUNE 2018 16:06:39

Efrîn-KDP.info- Çavdêreke siyasî ji Rojavayê Kurdistanê dibêje, girûpên tundrew ên opozisyona Sûriyê li Efrînê xelkê bi tundtirîn şêwe azar didin. Rêxistina Human Rights Watch jî eşkere dike ku ew çekdar jibilî ku xelkê azar dikin, cih û warên wan jî wêran dikin ji bo ku Kurd venegerin ser mal û halê xwe.

DAIŞ li Xaniqîn serokê eşîreke Kurdî û hevjîna wî teror kirin

MONDAY, 18 JUNE 2018 16:06:00

Xaneqîn-KDP.info- Terorîstên DAIŞê li sînorê Xaneqîn serokê eşîreke Kurdî bi navê Serokê Eşîra Hemend û malbata wî teror kirin.



 
© 2018 Kurdistan Democratic Party, KDP