Kurdî  ■  كوردی  ■  عربي
WED, 17 JAN 2018 00:17 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Aşkere bû wan 3 hizban daxwaza çi ji Ebadî kirine
| KDP.info


Hewlêr-KDP.info-arlamenterekî nêzîk ji Serokwezîrê Iraqê Heyder Ebadî zanyariyên veşartî yên derbarê serdan û civînên şanda hevbeş a Goran û P Komel û Hevpeymaniyê eşkere dike.

Parlemanterê Dewleta Yasa Casim Mihemd ji K24ê re ragihand, “Şanda Goran, Komel û hevpeymaniyê ya serdana Bexdayê kirine derbarê şandina mûçeyên fermanberên parêzgeha Silêmaniyê ligel Serokwezîrê Iraqê civiyan û daxwaz kirin ew bilez mûçe bên şandin. Ev tiştekî asayî ye, ji ber ku lîsta mûçeyên Silêmaniyê amade ye, lê yên Hewlêr û Dihokê ne amade ne. Herwiha daxwaza îdareyeke hevbeş ji bo birêvebirina Kerkûkê kirin, lê ew şandek partîtî ye, ne ya Herêma Kurdistanê ye.”

Casim Mihemd got jî: “Tevgera Goranê û Komela Îslamî du partiyên nêzîkî hikûmeta Iraqê ne, ji ber ku helwesta wan li hember referandûm û bûyerên Kerkûkê wek helwesta Iraqê bûn. her wê jî kir ku Serokwezîr ligel wan bicive, ji ber ku bi partiyên din ên Herêma Kurdistanê nacive. Em wek Dewleta Yasa û Partiya Dawa ya Îslamî ji Yekîtiya Niştimanî ya Kurdistanê û Tevgera Goranê ve nêzîk in û ji piştî hilbijartinan jî hevpeymaniyeke hevbeş pêk tînin.”

Roja 4.1.2018an şandeke Tevgera Goranê, Komela Îslamî û Hevpeymaniya bo Demokrasî û Dadperweriyê (Berhem Salih) serdana Bexdayê kir û ligel berpirsên Bedayê civiyan, vê yekê jî karvedaneke ji Herêma Kurdistanê li pişt xwe anî û beşek ji aliyê siyasî û çavdêrên siyasî rexne li çûna wê şandê girtin, ku di baweriya wan de ew e, her guftûgoyek ligel Bexdayê divê di riya hokûmeta Herêma Kurdistanê re be.

 




Nûçeyên din

Nêçîrvan Barzanî pêşniyara mekanîzmeke hevbeş li Amerîkayê kir

TUESDAY, 16 JANUARY 2018 16:01:47

Hewlêr-KDP.info- Serokwezîrê Herêma Kurdistanê Nêçîrvan Barzanî ligel Wezîrê Derve yê Amerîka Rex Tillerson axivî û ragihand, ku niha metirsiya derketina tundiyê heye û bi pêwîst zanî, ku di navbera Herêma Kurdistanê, Iraq û Amerîkayê de ji bo rûbirûbûna tundxwaziyê mekanîzmayek hebe ku li ser vê yekê karê hevbeş bê kirin.

 

PDKê hilbijartin li Kerkûkê baykot kir: Rewatiyê nedin dagîrker

MONDAY, 15 JANUARY 2018 20:01:34

Hewlêr-KDP.info- Encumena Serkirdatiya Partiya Demorkata Kurdistanê (PDK) li Kerkûkê biryar da ku li wê parêzgehê û li navçeyên Kurdistanî beşdarî di hilbijartinên Iraqê de neke û biryara baykotkirina hilbijartinan da.

 
Rewşa Kerkûkê pir xerab e û proseya bi şîekirin û bi erebkirinê berdewam e

MONDAY, 15 JANUARY 2018 19:01:57

Hewlêr-KDP.info- Berdevkê Encumena Serkirdatiya PDKê li Kerkûkê Ednan Kerkûkî ragihand ku rewşa Kerkûkê pir xerab e û roj bi roj xerabtir jî dibe, proseya bi şîekirin û bi erebkirinê jî berdewam e û herwiha êrîş dikin ser malên Kurdan, ku kêm maye rewşa Kerkûkê wek a Bexdayê lê bê.

 
Konsulê Fransa: Em piştgiriya mafên destûrî yên Kurdistanê dikin

MONDAY, 15 JANUARY 2018 17:01:49

Hewlêr-KDP.info- Konsulê Giştî yê Fransa li Herêma Kurdistanê Domînîk Mas di civîna xwe de ligel şandeke PDKê ragihand ku welatê wî piştgiriyê li daxwazî û mafên destûrî yên Herêma Kurdistanê dike.

 

Lavrov: Divê berjewendiyên Kurdan li Sûriyê li ber çav bigirin

MONDAY, 15 JANUARY 2018 15:01:17

Hewlêr-KDP.info- Wezîrê Derve yê Rûsyayê Sergey Lavrov ragihand, bê guman Kurd beşek in ji neteweya Sûriyê û divê berjerwendiyên wan jî li ber çav bêne girtin.

 


 
© 2017 Kurdistan Democratic Party, KDP