Kurdî  ■  كوردی  ■  عربي
FRI, 14 DEC 2018 09:24 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Tirkiye ji bo alîkariya lihevhatina Hewlêr û Bexdayê amade ye
| KDP.info


Hewlêr-KDP.info- Di hevdîtina xwe de ligel Berpirsê Ofîsa Pêwendiyên Derve ya PDKê, Konsulê Giştî yê Tirkiyê ragihand ku welatê wî amade ji bo alîkariya jihevnêzîkirina Hewlêr û Bexdayê û ji bo ku li ser yek maseyê gotûbêjan bikin û nakokiyên xwe çareser bikin.

Şandeke Ofîsa Pêwendiyên Derve ya PDKê serdana Konsulxaneya Giştî ya Tirkiyê kir û ji aliyê Hakan Karaçay konsulê wê ve hat pêşwazîkirin.

Berpirsê Ofîsa Pêwendiyên Derve ya PDKê Hoşyar Sîweylî behsa pêwendiyên di navbera Hewlêr û Enqere de beriya referandumê û piştî referandumê jî kir û tekez kir PDK û Hikûmeta Kurdistanê dixwazin pirsgirêkên di navbera Hewlêr û Bexdayê de bi gotûbêjan û di çarçoveya destûrê Iraqê de çareser bibin, lê mixabin Bexda wê yekê naxwaze.

Hoşyar Sîweylî wiha got: “Girîng e rêz li maf û daxwazên gelê Kurdistanê bê girtin û ji bo derbasbûn ji vê qonaxê û bidestanîna aştî û aramiyê, pêwîst e Bexda destûr cîbicî bike û em di wê baweriyê de ne civaka navdewletî û Hikûmeta Tirkiyê û welatên cîran dikarin roleke baştir bibînin di çareserkirina wan pirsgirêkan de.”

Ji aliyê xwe ve, konsulê Tirkiyê hêvî xwest ku pêwendiyên welatê wî ligel Kurdistanê bihêztir bibin û rêyek ji çareserkirina giriftan re bê dîtin. Herwiha tekez kir ku Enqere amade ye hevkar be ji bo jihevnêzîkirina Hewlêr û Bexdayê û ji bo ku herdu alî li ser maseyekê gotûbêjan bikin û pirsgirêkên xwe çareser bikin.

Hakan Karaçay got jî ku welatê wî berdewam tekez dike ku pêwîst e rê li destûrê Iraqê bê girtin û li gorî wî destûrî jî rê li maf û daxwaziyên gel û Hikûmeta Herêma Kurdistanê bê girtin.




Nûçeyên din

Serok Barzanî cejna Êzdiyan pîroz kir

THURSDAY, 13 DECEMBER 2018 19:12:56

Hewlêr-KDP.info- Serok Mesûd Barzanî di peyamekê de cejna Rojiyên Êzî li xuşk û birayên Êzdî pîroz kir. Ev jî tekesta wê peyamê ye:

Serok Barzanî bo Partiya Zehmetkêşan: Azadiya siyasî ya Kurdistanê destkeft e û bila parastî be

THURSDAY, 13 DECEMBER 2018 19:12:33

Hewlêr-KDP.info- Serok Mesûd Barzanî peyameke pîrozbahiyê ji Partiya Zehmetkêşan a Kurdistanê re şand û tê de got ku Azadî û firehaliya siyasî yek ji destkeftên tevgera rizgarîxwaziya Kurdistanê ye û berhema qurbanîdana gelê me ye û pêwîst e em hemû wê geş bikin û biparêzin.

 
Mesrûr Barzanî bo Nadiya Murad: Êşa Êzdiyan bigihîne hemû cîhanê

THURSDAY, 13 DECEMBER 2018 18:12:35

Hewlêr-KDP.info- Şêwirmendê Encûmena Asayişa Herêma Kurdistanê, Mesrûr Barzanî pêşwazî li keça Kurda Êzdî ya rizgarbûya destê DAIŞê û xwediyê xelata Nobel a Aştiyê Nadiya Murad kir.

 
Nêçîrvan Barzanî û Nadiya Murad rewşa Êzdiyan gotûbêj kirin

THURSDAY, 13 DECEMBER 2018 18:12:54

Hewlêr-KDP.info- Serokwezîrê Herêma Kurdistanê îro pêncşembiyê 13ê Kanûna 2018ê pêşwazî li keça Kurda Êzdî û xwediya Xelata Nobel a Aştiyê, Nadiya Murad kir û her du aliyan di derbarê rewşa Kurdên Êzidî de gotûbêj kirin.

 
Serok Barzanî: Ji ber helwestên neteweyî xelkê Kurdistanê PDK xelat kirin..Emê jî xizmeta wan bikin

WEDNESDAY, 12 DECEMBER 2018 21:12:31

Hewlêr-KDP.info- Serok Barzanî ragihand ku di hilbijartinan de soz daye ku serkeftinên mezin bi dest bixin û reformên mezin bikin. Hikûmeteke bihêz dê were pêkanîn û dê guhertinên bingehîn werin kirin.

 


 
© 2018 Kurdistan Democratic Party, KDP