Kurdî  ■  كوردی  ■  عربي
TUE, 19 JUN 2018 19:03 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Şanda Kurdistanê encama serdana Bexdayê aşkere kir
| KDP.info


Hewlêr-KDP.info- Şanda Herêma Kurdistanê encama serdana xwe ya Bexdayê aşkere kir û ragihand, ku lijneyeke ji Bexdayê ji bo hûrbîniyên mûçeyên karmendên Wezareta Tendirustî û Wezareta Perwerdeyê dê serdana Kurdistanê bike.

Îro pêncşemê li Dîwana Wezareta Plandanan a Iraqa Federal yekem civîna lijneya bilind a hûrbîniyên herdû wezaretên perwerde û tendirustiyê yên Herêma Kurdistanê, bi amadebûna serok û hemû endamên lijneyê hate pêkanîn.

Li gor daxuyaniya du nûnerên Kurdistanê yên di wê lijneyê de, zanyariyên bi hûrgilî yên karmendên herdû wezaretên perwerde û tendirustiyê, li gor sîstema bayometrî, bi temamê mûçeyan û bêyî paşekewt, pêşkêşî serok û endamên lijneyê kirine.

Lijneya Bexdayê, ji endamên herdû wezaretên perwerde û tendirustiyê yên Herêma Kurdistanê re ragihandine, ku di demeke nêz de û bi rêya Lijneya Hunerî û bi hemanhengiya li gel Desteya Çavdêriya Darayî ya Iraqê dest bi hûrbiniya lîsteyan dikin. Piştî pêkanîna çend lijneyên baskên vê lijneyê, ji bo diyarkirina çend mijarên li ser hûrbîniyê, dê serdana Herêma Kurdistanê bikin.

Li gor daxuyaniyê, di civînê de biryar li ser wê yekê hatiye dayîn, ku "civîn li gor pêwîstiyê, heta dawîhatina hûrbîniyê berdewam bibin û Herêma Kurdistanê hemû hêsankarî û alîkariyên ji bo gihiştina encameke baş bide ber destan”.




Nûçeyên din

Pêşmerge dê li dijî DAIŞê li Mexmûrê operasyonê bike

TUESDAY, 19 JUNE 2018 16:06:52

Mexmûr-KDP.info- Ev çend roj in ku terorîstên DAIŞê li sînorê Mexmûrê tevgera wan zêde bûye û wek berpirsekî jî dibêje, eger nêta DAIŞê hebe dikare pêş bikeve û bajaran jî dagîr bike, lê Pêşmerge amadekariyan dike ji bo jinavbirina wan terorîstan. Fermandarekî Pêşmerge li Mexmûrê jî eşkere dike ku ewê operasyonekê li dijî DAIŞê li derdora Mexmûrê encam bidin.

 
Kurd di nivîsandina destûrê Sûriyê de beşdar bibin

TUESDAY, 19 JUNE 2018 16:06:41

Dihok-KDP.info- Biryar e 8 kesayetiyên Kurd di civînên Cinêfê de beşdar bibin, ku ew civîn taybet dibin bi nivîsandina destûrê Sûriyê.

 
Heşda Şeibî gefê li Kurdên Şebek dike

TUESDAY, 19 JUNE 2018 14:06:20

Deşta Neynewa-KDP.info- Nûnerê Kurdên Şebek di Parlamentoya Iraqê de Salim Şebek dibêje, Heşda Şeibî berdewam e li ser gefên xwe yên li dijî Kurdên Şebek.

 
"Li Efrînê xelk êş û azareke mezin dibînin”

MONDAY, 18 JUNE 2018 16:06:39

Efrîn-KDP.info- Çavdêreke siyasî ji Rojavayê Kurdistanê dibêje, girûpên tundrew ên opozisyona Sûriyê li Efrînê xelkê bi tundtirîn şêwe azar didin. Rêxistina Human Rights Watch jî eşkere dike ku ew çekdar jibilî ku xelkê azar dikin, cih û warên wan jî wêran dikin ji bo ku Kurd venegerin ser mal û halê xwe.

DAIŞ li Xaniqîn serokê eşîreke Kurdî û hevjîna wî teror kirin

MONDAY, 18 JUNE 2018 16:06:00

Xaneqîn-KDP.info- Terorîstên DAIŞê li sînorê Xaneqîn serokê eşîreke Kurdî bi navê Serokê Eşîra Hemend û malbata wî teror kirin.



 
© 2018 Kurdistan Democratic Party, KDP