Kurdî  ■  كوردی  ■  عربي
TUE, 19 JUN 2018 19:04 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serokwezîrê Îtalya nameyek ji Nêçîrvan Barzanî re şand
| KDP.info


Hewlêr-KDP.info- Serokwezîrê Îtalyayê Paolo Gentiloni ji Serokwezîrê Herêma Kurdistanê Nêçîrvan Barzanî re nameyek şand û hêvî xwest, ku di navbera Hewlêr û Bexdayê de diyalog dest pê bike.

Serokwezîrê Îtalyayê Paolo Gentiloni, roja 27ê Berfenbarê ji Serokwezîrê Herêma Kurdistanê Nêçîrvan Barzanî nameyek şand û ragihand, ku welatê wî bi giringî rewşa Iraq û Herêma Kurdistanê dişopîne û got: “Rûbirûbûna terorê dê weke xala me ya hevbeş bimîne. Em ji wê pêngavî gelek razî ne, ku ji aliyê serbazî ve ji bo rizgarkirina bajarên dawîn ên di destê DAIŞê de bûn, hatine avêtin.”

Li gorî daxuyaniya malpera fermî ya Hikûmeta Herêma Kurdistanê, di nameya xwe de Paolo Gentiloni hêvî kiriye, ku diyaloga di navbera Hewlêr û Bexdayê di demeke nêzîk de dest pê bike û dibêje: “Li gel civaka navdewletî, em hêvîdar in, ku di çarçoveya Iraqekî yekgirtî, federal û demokratîk de, ji bo çareserkirina hemû pirsgirêkan, bi awayeke lezgîn diyaloga di navbera Bexda û Hewlêrê de dest pê bike. Em hemû aliyên siyasî han didin da ku diyalogê bikin û di nava xwe de hevkarê hev bin.”

Gentiloni herwiha dinivîse: “Seqamgîriya navçeyên hatine azadkirin, ji bo vegera malbatên koçber û astengirina gefa terorê faktoreke bingehîn e. Îtalya, ku rahênan û perwerdeya leşkerî dide hêzên çekdarên Iraq û Herêma Kurdistanê, dê di rêza pêş a tekoşîna li dijî terorê de bimîne.”




Nûçeyên din

Pêşmerge dê li dijî DAIŞê li Mexmûrê operasyonê bike

TUESDAY, 19 JUNE 2018 16:06:52

Mexmûr-KDP.info- Ev çend roj in ku terorîstên DAIŞê li sînorê Mexmûrê tevgera wan zêde bûye û wek berpirsekî jî dibêje, eger nêta DAIŞê hebe dikare pêş bikeve û bajaran jî dagîr bike, lê Pêşmerge amadekariyan dike ji bo jinavbirina wan terorîstan. Fermandarekî Pêşmerge li Mexmûrê jî eşkere dike ku ewê operasyonekê li dijî DAIŞê li derdora Mexmûrê encam bidin.

 
Kurd di nivîsandina destûrê Sûriyê de beşdar bibin

TUESDAY, 19 JUNE 2018 16:06:41

Dihok-KDP.info- Biryar e 8 kesayetiyên Kurd di civînên Cinêfê de beşdar bibin, ku ew civîn taybet dibin bi nivîsandina destûrê Sûriyê.

 
Heşda Şeibî gefê li Kurdên Şebek dike

TUESDAY, 19 JUNE 2018 14:06:20

Deşta Neynewa-KDP.info- Nûnerê Kurdên Şebek di Parlamentoya Iraqê de Salim Şebek dibêje, Heşda Şeibî berdewam e li ser gefên xwe yên li dijî Kurdên Şebek.

 
"Li Efrînê xelk êş û azareke mezin dibînin”

MONDAY, 18 JUNE 2018 16:06:39

Efrîn-KDP.info- Çavdêreke siyasî ji Rojavayê Kurdistanê dibêje, girûpên tundrew ên opozisyona Sûriyê li Efrînê xelkê bi tundtirîn şêwe azar didin. Rêxistina Human Rights Watch jî eşkere dike ku ew çekdar jibilî ku xelkê azar dikin, cih û warên wan jî wêran dikin ji bo ku Kurd venegerin ser mal û halê xwe.

DAIŞ li Xaniqîn serokê eşîreke Kurdî û hevjîna wî teror kirin

MONDAY, 18 JUNE 2018 16:06:00

Xaneqîn-KDP.info- Terorîstên DAIŞê li sînorê Xaneqîn serokê eşîreke Kurdî bi navê Serokê Eşîra Hemend û malbata wî teror kirin.



 
© 2018 Kurdistan Democratic Party, KDP