Kurdî  ■  كوردی  ■  عربي
FRI, 14 DEC 2018 09:03 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Mesrûr Barzanî: Amajeyên metirsîdar hene..Bexda dest ji rêkarên leşkerî bernedaye
| KDP.info


Hewlêr-KDP.info- Şêwirmendê Encûmena Asayîşa Herêma Kurdistanê Mesrûr Barzanî radigihîne, tişta ku di pratîkê de diyar dibe ew e, ku hê jî Bexdayê dest ji rê û rêbazên leşkerî bernedaye, ku ev jî ji bo aştî û seqamgîriya herêmê amajeyên metirsîdar in.

Şêwirmendê Encûmena Asayişa Herêma Kurdistanê Mesrûr Barzanî îro Duşemê 11-12-2017 pêşwaziya Balyozê Almanya li Iraqê Cyrill Nunn kir.

Di civînê de peywendiyên Herêma Kurdistanê û Almanyayê, geşedanên dawîn û pirsgirêkên di navbera Hewlêr û Bexdayê de hatine gotûbêjkirin.

Derbarê krîza di navbera Hewlêr û Bexdayê de Cyrill Nunn helwesta welatê xwe ragihand û got, ku ew dixwazin li ser bingehên destûrê demildest danûstandin di navbera aliyan de dest pê bikin.

Balyozê Almanyayê li Iraqê amaje bi wê yekê kir, ku welatê wî ji bo destpêkirina diyalogê hewl didin pişgirî bidin herdu aliyan.

Herwiha Nunn da xuyakirin, ku Almanya pişgiriyê dide Kurdistaneke bihêz û pêşketî, ku di çarçoveya Iraqê de mafên xwe bi dest xistine.

Ji aliyê din ve Mesrûr Barzanî jî behsa rola Almanyayê ya di nava civaka navdewletî û herwiha piştgirî û hevkariya vî welatî ya ji bo Kurdistanê kir.

Mesrûr Barzanî got: “Herêma Kurdistanê dixwaze xeletiyên dema derbasbûyî yên li Iraqê dubare nebin. Ji ber ku ev yek ewlekarî û seqamgîriyê têk dibe. Zemîna derketina terorê xweş dike.”

Derbarê rewşa dawîn a pirsgirêka di navbera Hewlêr û Bexdayê de Şêwirmendê Encûmena Asayişa Herêma Kurdistanê got: Bexda xwe ji danûstandinan vedidize. Di çend rojên borî de tiştên çêbûne diyar dikin, ku ji bo çareserkirina pirsgirêkan hê jî Bexdayê dest ji rê û rêbazên leşkerî bernedaye, ku ev jî ji bo aştî û seqamgîriya herêmê amajeyên metirsîdar in.”

Mesrûr Barzanî herwiha ragihand, ku Herêma Kurdistanê dixwaze demildest danûstandinên li gel Bexdayê dest pê bikin û dorpêça li ser Herêma Kurdistanê jî rabe.

 




Nûçeyên din

Serok Barzanî cejna Êzdiyan pîroz kir

THURSDAY, 13 DECEMBER 2018 19:12:56

Hewlêr-KDP.info- Serok Mesûd Barzanî di peyamekê de cejna Rojiyên Êzî li xuşk û birayên Êzdî pîroz kir. Ev jî tekesta wê peyamê ye:

Serok Barzanî bo Partiya Zehmetkêşan: Azadiya siyasî ya Kurdistanê destkeft e û bila parastî be

THURSDAY, 13 DECEMBER 2018 19:12:33

Hewlêr-KDP.info- Serok Mesûd Barzanî peyameke pîrozbahiyê ji Partiya Zehmetkêşan a Kurdistanê re şand û tê de got ku Azadî û firehaliya siyasî yek ji destkeftên tevgera rizgarîxwaziya Kurdistanê ye û berhema qurbanîdana gelê me ye û pêwîst e em hemû wê geş bikin û biparêzin.

 
Mesrûr Barzanî bo Nadiya Murad: Êşa Êzdiyan bigihîne hemû cîhanê

THURSDAY, 13 DECEMBER 2018 18:12:35

Hewlêr-KDP.info- Şêwirmendê Encûmena Asayişa Herêma Kurdistanê, Mesrûr Barzanî pêşwazî li keça Kurda Êzdî ya rizgarbûya destê DAIŞê û xwediyê xelata Nobel a Aştiyê Nadiya Murad kir.

 
Nêçîrvan Barzanî û Nadiya Murad rewşa Êzdiyan gotûbêj kirin

THURSDAY, 13 DECEMBER 2018 18:12:54

Hewlêr-KDP.info- Serokwezîrê Herêma Kurdistanê îro pêncşembiyê 13ê Kanûna 2018ê pêşwazî li keça Kurda Êzdî û xwediya Xelata Nobel a Aştiyê, Nadiya Murad kir û her du aliyan di derbarê rewşa Kurdên Êzidî de gotûbêj kirin.

 
Serok Barzanî: Ji ber helwestên neteweyî xelkê Kurdistanê PDK xelat kirin..Emê jî xizmeta wan bikin

WEDNESDAY, 12 DECEMBER 2018 21:12:31

Hewlêr-KDP.info- Serok Barzanî ragihand ku di hilbijartinan de soz daye ku serkeftinên mezin bi dest bixin û reformên mezin bikin. Hikûmeteke bihêz dê were pêkanîn û dê guhertinên bingehîn werin kirin.

 


 
© 2018 Kurdistan Democratic Party, KDP