Kurdî  ■  كوردی  ■  عربي
MON, 16 JUL 2018 14:58 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Heyder Şeşo: Pêwîst e Heşda Şeibî riya Şingal – Herêma Kurdistanê veke
| KDP.info


 

Şingal-KDP.info- Sekreterê Partiya Demokrat a Êzdî û fermandarê Giştî yê Hêza Parastina Êzîdxanê Heyder Şeşo ragihand ku ew daxwaz dikin Şingal radestî îdare û xelkê Şingalê bikin û di destê Heşda Şeibî de nemîne.

Piştî dagîrkirina Kerkûk û Xurmatû û Şingalê ji aliyê Heşda Şeibî ve, êdî ew koçberên ku vegeriyabûn Şingalê û hejmara wan zêdetirî 11 hezar kes bû, dûbare koçberî Herêma Kurdistanê bûne, ji ber ku wek ew dibêjin: “Heşda Şeibî wek DAIŞê ye û tawanên wê ne kêmî yê DAIŞê ne. Çekdarên Heşda Şeibî destê xwe datînin ser mal û milkê welatiyan û talan dikin, lewma jî daxwaz dikin ew çekdar ji Şingalê derkevin û Hêzên Pêşmerge yên ku Şingal rizgar kirin, dîsa vegerin Şingalê biparêzin û heta ku ew çekdar li Şingalê bin em venagerin ser malê xwe.”

Derbarê wê yekê de, Heyder Şeşo ji malpera KDP.info re ragihand: “Ji piştî hatina Heşda Şeibî bo Şingalê û heta niha ti guhertinek ber bi başbûn ve çênebûye. Ti xizmetek bo Şingalê nekirine. Ji ber hebûna Heşda Şeibî ti rêxrawek amade nîne ku bê li Şingalê kar bike. Heşda Şeibî qayimeqam û rêveberiyên nahiyeyan danine, ku ser bi Heşda Şeibî ve ne û bê ku pirsyarê ji xelkê Şingalê bikin.”

Şeşp wiha got: “Em daxwaz dikin ku bi zûtirîn dem riya di navbera Şingal û Herêma Kurdistanê bê vekirin, ku ji aliyê Heşda Şeibî ve hatiye girtin. Ji ber ku xelkê me 11 saetan bi rêkê ve diçin heta ku dighên Dihokê. Herwiha em daxwaz dikin ku îdareya Şingalê vegere destê îdare û xelkê wê û bi zûtirîn dem rewş aram bibe, ji bo ku aliyên siyasî yên Kurdistanê vegerin Şingalê û rêxistinên civaka sivîl jî vegerin û karê xwe bo alîkariya xelkê bikin.”




Nûçeyên din

Çiyayê Qereçûx- Pêşmerge li ser erdê pêş dikevin û DAIŞ dorpêç kirine

MONDAY, 16 JULY 2018 14:07:34

Mexmûr-KDP.info- Îro danê sibehê Hêzên Pêşmerge li ser erdê û balafirên Hevpeymaniya Navdewletî li asman li Çiyayê Qereçûx ê nêzîk Mexmûrê dest bi operasyonekê kirin li dijî DAIŞê. Pêşmerge pêşde çûne û ew terorîst dorpêç kirine.

 
Pêşmerge û Hevpeymanan li nêzîkî Mexmûrê bi tundî li DAIŞê dan

MONDAY, 16 JULY 2018 12:07:25

Mexmûr-KDP.info- Fermandarekî Hêzên Pêşmerge li Çiyayê Qereçox ragihand ku operasyoneke hevbeş ji aliyê Hevpeymaniya Navdewletî û Hêzên Pêşmerge li dijî DAIŞê li Çiyayê Qereçox birêve diçe û bi tundî li wan terorîstan dane.

 
Pispor: Xwepêşandanên Iraqê metirsîdar in..Dê aboriya Iraqê wêran bibe

SUNDAY, 15 JULY 2018 14:07:58

Hewlêr-KDP.info- Ev çend roj in ku xwepêşandanên berfireh li parêzgehên Besre û Necef û Kerbela û Bexda jî birêve diçin. Welatî daxwaza xizmetguzariyan dikin. Pispor dibêjin ev xwepêşandên mezin û êrîşa ser xwepêşanderan amajeyên metirsîdar in li ser Iraqê.

 
Xwêpaşandên Iraqê berfireh bûn û kuştî û birîndar hene

SUNDAY, 15 JULY 2018 13:07:45

Ajans-KDP.info- Di xwepêşandanên li bajarê Besrayê de bi guleyên hêzên ewlekariyê 2 kesan canê xwe ji dest da û herwiha çend kes jî birîndar bûn.

 
Bexda Kurdên Kerkûkê ditirse û hest bi metirsiyeke mezin dike

SUNDAY, 15 JULY 2018 13:07:59

Kerkûk-KDP.info- Hatibû ragihandin ku Hikûmeta Iraqê beşek ji hêzên xwe yên li Kerkûkê kişandiye û biriye parêzgehên Iraqê ji bo rawestandina xwepêşandanan, lê berpirsekî PDKê wê yelê red dike û dibêje Bexda çavdêrtiya Kurdên Kerkûkê dike ku ew jî xwepêşandanan bikin.

 


 
© 2018 Kurdistan Democratic Party, KDP