Kurdî  ■  كوردی  ■  عربي
WED, 17 OCT 2018 13:21 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Mesrûr Barzanî: Kurdistan dê bi yekgirtî û bi hêzeke bêtir rastî pêşhateyan bibe
| KDP.info


Hewlêr-KDP.info- Şêwirmendê Encumena Asayişa Herêma Kurdistanê Mesrûr Barzanî ragihand, Herêma Kurdistan bi yekgirtî û bi hêzeke bêtir wê rastî pêşhatan bê.

Mesrûr Barzanî û Balyoza Finlenda re li Iraqê Pavi Laine, di civînekê de li Hewlêrê, dawîn guhertinên navçeyê û pêşxistina pêwendiyên herdu aliyan gotûbêj kirin.

Li ser rewşa di navbera Hewlêr û Bexdayê de, Balyoza Finlenda li Bexdayê got: "Peyama Ewropa ji bo her du aliyan ew e ku hêza serbazî neyê bikaranîn û di demeke nêzîk de gotûbêjên rasterê di navbera Hewlêr û Bexdayê de destpê bikin û ligorî destûrê tev pirsgirêk bên çarekirin."

Ji aliyê xwe ve Mesrûr Barzanî tekez kir ku Herêma Kurdistanê amade ye ji bo destpêkirina gotûbêjên vekirî û rasterê ji bo tevahiya nakokiyan bên çarekirin û gav ji bo bicîkirina destûrê bên avêtin.

Herweha diyar kir ku Herêma Kurdistanê her dem riyên serbazî û tundiyê red kiriye û gotûbêj û riyên dîmukratî hilbijartiye ku referendum jî yek ji wan riyan bû, lê cihê mixabiniyê ye ku li vê navçeyê heya niha riyên dîmukratî nayên qebûlkirin.

Mesrûr Barzanî got: "Ez bi hêvî me civaka navdewletî alîkar be ji bo pirsgirêkên navçeyê bi awayekî bingehîn bên çarekirin da ku carek din tundî çênebe."

Li ser pirsa hilbijartinan û nêzîkbûna hilbijartinên Iraqê, Mesrûr Barzanî diyar kir ku, Herêma Kurdistanê wê bi yekgirtî û yekrîzî bimîne û bi hêzeke bêtir wê rastî pêşhatan bê û berevaniyê li mafên destûrî yên welatiyên Herêma Kurdistanê û navçeyên Kurdistanî yên derveyî îdara Herêma Kurdistanê bike.
 




Nûçeyên din

Serok Barzanî pêşwaziya Balyozê Kanada li Iraqê kir

WEDNESDAY, 17 OCTOBER 2018 12:10:59

Hewlêr-KDP.info-  Roja çarşem 17.10.2018 li Selaheddîn Serok Mesûd Barzanî pêşwaziya Paul Gibbard Balyozê nû yê Kanada li Iraqê û xanima Nancy Bergern Konsola Kanada li Hewlêrê kir.

 
Kerkûkî:Em xayinên 16ê Cotmehê efû nakin û divê bên dadgehkirin

TUESDAY, 16 OCTOBER 2018 17:10:56

Hewlêr-KDP.info- Xelk û çalakvanên Kerkûkê dibêjin em xayinên 16ê Cotmehê efû nakin û daxwaza dadgehkirina wan xayinan dikin.

 
Îsmaîl Beşikcî: Karesata Kerkûkê xiyaneteke mezin bû û birîneke mezin e ji Kurdan re

TUESDAY, 16 OCTOBER 2018 16:10:14

Duhok-KDP.info- Dostê gelê Kurd, ronakbîr û dîroknivîsê Tirk Îsmaîl Beşikcî di salvegera xiyaneta 16ê Cotmeha 2017ê de dibêje, xiyaneta Kerkûkê xiyaneteke mezin bû û birîneke mezin bû ji Kurdan re.

 
Serok Barzanî: Me qet texmîn nedikir ku li Kerkûkê destekî Kurdî ji pişt ve xencerê li me bide

TUESDAY, 16 OCTOBER 2018 15:10:11

Hewlêr-KDP.info- Serok Mesûd Barzanî di salvegera bûyerên 16 Cotmeha 2017an de peyamek belav kir û têde ragihand, “16 Cotmehê rojeka tarî ye di dîroka gelê me de û di wê rojê de bû ku xiyaneta necamêrane li hêvî û xewnên gelekî mezlûm hat kirin.”

 
Cîgirê Wezîrê Derve yê Amerîka: Em piştgiriya Kurdistanê dikin

MONDAY, 15 OCTOBER 2018 23:10:33

Hewlêr-KDP.info- Bi serokatiya Cîgirê Wezîrê Derve yê Amerîkayê şandeke payebilind a Amerîkî li gel Serokwezîrê Herêma Kurdistanê Nêçîrvan Barzanî civiya û piştgiriya wî welatî bo Herêma Kurdistanê piştrast kir.

 


 
© 2018 Kurdistan Democratic Party, KDP