Kurdî  ■  كوردی  ■  عربي
SAT, 16 DEC 2017 10:16 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî ligel Partiya Komînîst a Kurdistanê civiya
| KDP.info


Hewlêr-KDP.info- Serok Barzanî li Selahedîn li gel şandeke polîtburoya Partiya Komînîst (Şûî) ya Kurdistanê civiya.

Îro 05.12.2017ê serok Mesûd Barzanî li Selahedîn ligel şandeke polîtburoya Partiya Komînîst a Kurdistanê civiya. Di civînê de serok Barzanî spasiya helwêstê Partiya Komînîst a Kurdistanê û alîgirên wê kir, ji ber piştgiriya referandûmê kirine û rola Partiya Komînîst di wê proseya niştimanî ya giring de bilind nirxand.

Herwaha di axaftina xwe de bi awayek têr û tejî behsa qonaxa piştî referandûmê û bûyerên 16ê cotmehê û helwêsta Bexda û civaka navnetewî rave kir.

Şanda polîtburoya Partiya Komînîst jî amaje bi helwêstê partiya xwe ya li ser referandûmê û pirsên niştimanî diyar kirin û nêrînên xwe yên derbarê pirsgirêk û aloziyên pêş gelê Kurdistanê anîn ziman.

Di beşek din ê civînê de jiyana gel û rêyên derketina ji vê qonaxê û astengiyan û pêwîstiya yekhelwêstiya siyasî ya aliyên Kurdistanê hate gotûbêj kirin. Herwaha li ser proseya siyasî ya herêma Kurdistanê her du alî jî hevbîr bûn ku helbijartin rêya herî başe bo çareser kirina pirsgirêkên siyasî û ji bo başkirina jiyana xelkê jî pêwîste aliyên siyasî yên Kurdistanê alîkarê hikûmeta herêma Kurdistanê bin.




Nûçeyên din

Serok Barzanî Cejna Rojiyê li Kurdên Êzdî pîroz kir

THURSDAY, 14 DECEMBER 2017 14:12:38

Hewlêr-KDP.info- Serok Mesûd Barzanî di peyamekê de Cejna Rojiyê li tevahiya xuşk û birayên Kurdên Êzdî pîroz kir.

 
Li Şingalê şer di navbera balên Heşda Şeibî de derket

WEDNESDAY, 13 DECEMBER 2017 18:12:05

Şingal-KDP.info- Çavkaniyekê ji Şingalê ragihand ku îro li Şingalê şer û pevçûn di navbera 2 balên Heşda Şeibî de rû da û kuştî û birîndar hene.

 
Hikûmet û Parlamentoya Kurdistanê dê bi hevahengî vê rewşê derbas bikin

WEDNESDAY, 13 DECEMBER 2017 18:12:55

Hewlêr-KDP.info- Îro di civîna xwe, Serokatiya Parlamentoya Kurdistanê û Serokatiya Hikûmeta Kurdistanê tekez kirin ku vê rewşa niha bi hevahengî di navbera xwe de derbas bikin.

 
Nûnerê Hikûmetê li Fransa: Heta Sersalê dê guhertinên mezin çêbibin..Fransa bi cidî hewl dide

WEDNESDAY, 13 DECEMBER 2017 14:12:40

Fransa-KDP.info- Nûnerê Hikûmeta Kurdistanê li Fransa Elî Dolemerî dibêje, Fransa bi cidî hewl dide ji bo çareserkirina pirsgirêkên di navbera Hewlêr û Bexdayê de û ji niha û heta Sersalê dê guhertinên mezin çêbibin û dê ew kêşe bên çareserkirin.

 
Bexda destûr cîbicî neke Kurd dê dîsa berê xwe bidin Serxwebûnê

WEDNESDAY, 13 DECEMBER 2017 13:12:10

Hewlêr-KDP.info- Amerîka û welatên Ewropî zextê li Bexdayê dikin ku dest bi danûstandinan bike ligel Herêma Kurdistanê û daxwaz jê dikin ku destûr bi temamî cîbicî bike. Siyasetmedarên Kurd jî dibêjin, eger Bexda destûr cîbicî neke, Kurdistan dê dîsa berê xwe bide pêngava serxwebûnê.

 


 
© 2017 Kurdistan Democratic Party, KDP