Kurdî  ■  كوردی  ■  عربي
WED, 17 OCT 2018 13:16 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

NY: Encumena Asayişê berdewam hewl dide ku aloziya Hewlêr û Bexdayê çareser bike
| KDP.info


 

Hewlêr-KDP.info- Di hevdîtina xwe de ligel Şêwirmendê Encumena Asayişa Herêma Kurdistanê Nêçîrvan Barzanî, Nûnerê taybet ê Sekreterê Giştî yê Neteweyên Yekbûyî Yan Kobîş ragihand ku ew û Encumena Ewlehiyê berdewam hewl didin ku aloziya Hewlêr û Bexdayê çareser bikin.

Îro şêwirmendê civata ewlekariya Kurdistanê Mesrûr Barzanî pêşwaziya şanderê taybet yê sikirtêrê giştî yê Netewên Yekgirtî Yan Kobîş kir.

Di civîna herdu aliyan de, rewşa di navbera Hewlêr û Bexdayê de hat gotûbêjkirin. Di vî warî de, Yan Kobîş tekezî li ser helwesta Netewên Yekgirtî kir û got: Em bi hêvî ne di zûtirîn dem de, danûstendinên raster di navbera Hewlêr û Bexdayê de destpê bikin. Destûr bingeha çareseriya gişt a kêşeyan e û nabe bi ti awayî hêz û tundî ji bo çarekirina kêşeyan bên bikaranîn.

Yan Kobîş tekez kir ku, Netewên Yekgirtî û Encûmena Ewlehiyê jî wê bizavên xwe berdewam bikin daku di zûtirîn dem de, kêşeyên di navbera herdu aliyan de bi awayekî aştiyane bên çarekirin.

Di beramber de Mesrûr Barzanî bizavên Netewên Yekgirtî bilind nirxand û diyar kir, ku Herêma Kurdistanê hemû erkên xwe ji bo destpêkirina danûstendinan bicî kiriye, lê heya niha Bexdayê wekî pêwîst gavên piraktîkî neavêtiye.

Şêwirmendê Encumena Asayişa Herêma Kurdistanê da xuyakirin ku, seqaya hilbijartinan û nakokiyên siyasî li Bexdayê, bûne kelemên serekî li pêşya pêşveçûnan, lê nabe welatiyên Kurdistanê baca rewşa Bexdayê bidin û pêwîst e herî zû destpêkirin û birêveçûna danûstandinan li gorî xişteyeke demkî bên encamdan.

Mesrûr Barzanî got: “Gellek caran li Bexdayê bangeşeya bicîkirina destûrê tê kirin, Herêma Kurdistan jî vê yekê dixwaze, lê divê tevahiya destûrê were bicîkirin nek tenê ew maddeyên ku Bexda ji xwe re wan hildibijêre.”

Herweha Mesrûr Barzanî tekez kir, ku Herêma Kurdistanê rijd e li ser wergirtina hemû mafên xwe yên destûrî.




Nûçeyên din

Serok Barzanî pêşwaziya Balyozê Kanada li Iraqê kir

WEDNESDAY, 17 OCTOBER 2018 12:10:59

Hewlêr-KDP.info-  Roja çarşem 17.10.2018 li Selaheddîn Serok Mesûd Barzanî pêşwaziya Paul Gibbard Balyozê nû yê Kanada li Iraqê û xanima Nancy Bergern Konsola Kanada li Hewlêrê kir.

 
Kerkûkî:Em xayinên 16ê Cotmehê efû nakin û divê bên dadgehkirin

TUESDAY, 16 OCTOBER 2018 17:10:56

Hewlêr-KDP.info- Xelk û çalakvanên Kerkûkê dibêjin em xayinên 16ê Cotmehê efû nakin û daxwaza dadgehkirina wan xayinan dikin.

 
Îsmaîl Beşikcî: Karesata Kerkûkê xiyaneteke mezin bû û birîneke mezin e ji Kurdan re

TUESDAY, 16 OCTOBER 2018 16:10:14

Duhok-KDP.info- Dostê gelê Kurd, ronakbîr û dîroknivîsê Tirk Îsmaîl Beşikcî di salvegera xiyaneta 16ê Cotmeha 2017ê de dibêje, xiyaneta Kerkûkê xiyaneteke mezin bû û birîneke mezin bû ji Kurdan re.

 
Serok Barzanî: Me qet texmîn nedikir ku li Kerkûkê destekî Kurdî ji pişt ve xencerê li me bide

TUESDAY, 16 OCTOBER 2018 15:10:11

Hewlêr-KDP.info- Serok Mesûd Barzanî di salvegera bûyerên 16 Cotmeha 2017an de peyamek belav kir û têde ragihand, “16 Cotmehê rojeka tarî ye di dîroka gelê me de û di wê rojê de bû ku xiyaneta necamêrane li hêvî û xewnên gelekî mezlûm hat kirin.”

 
Cîgirê Wezîrê Derve yê Amerîka: Em piştgiriya Kurdistanê dikin

MONDAY, 15 OCTOBER 2018 23:10:33

Hewlêr-KDP.info- Bi serokatiya Cîgirê Wezîrê Derve yê Amerîkayê şandeke payebilind a Amerîkî li gel Serokwezîrê Herêma Kurdistanê Nêçîrvan Barzanî civiya û piştgiriya wî welatî bo Herêma Kurdistanê piştrast kir.

 


 
© 2018 Kurdistan Democratic Party, KDP