Kurdî  ■  كوردی  ■  عربي
MON, 16 JUL 2018 15:09 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Xwendekarên Kurd nehiştin ahenga artêşa Iraqê di nava Zanîngeha Kerkûkê de ser bigire
| KDP.info


Kerkûk-KDP.info- Biryar bû îro hêzên Iraqê di nava Zanîngeha Kerkûkê ahenga serkeftina 16ê Oktober, lidar xistibana, lê xwendekarên Kurd neçûn zanîngehê û rê nedan artêşa Iraqê û milîsên Heşda Şeibî ku ahengekê di nava zanîngehê de lidar bixin.

Nûnerê xwendekarên mangirtî yên Kerkûkê Ehmed Semed ji malpera KDP.info re ragihand: “Piştî bûyerên 16ê Oktober ên dagîrkirina Kerkûkê, ev çendîn car e ku milîsên Heşda Şeibî û artêşa Iraqê dixwazin ahenga serkeftina xwe li nava Zanîngeha Kerkûkê lidar bixin û hejmareke xwendekarên Ereb û Turkman alîkariya wan dikin ji bo lidarxistina ahengê, lê em wek beşek mezin ji xwendekarên Kurd me rêgirî kiriye li wan ku ahengekê lidar bixin ji ber wê roja reş a dagîrkirina Kerkûkê.”

Ehmed Semed wiha got: “Duhî artêşa Iraqê û çekdarên Heşda Şeibî ji bo çavtirsandina xwendekarên Kurd hejmareke tank û hamerên serbazî anîn nava Zanîngeha Kerkûkê, da ku îro ahengê lidar bixin, lê xwendekarên Kurd ên xweragir ji wan tank û hameran netirsiyan û rijdbûn li ser helwêsta xwe.”

Semed wiha domand: “Me wek xwendekarên mangirtî ji bo ku pilana hêzên Iraqê ser negire me biryar da ku em neçin zanîngehê û îro hejmareke kêm çûn zanîngehê û ji ber baykotkirina xwendekarên Kurd ew aheng ser negirt.”
 




Nûçeyên din

Çiyayê Qereçûx- Pêşmerge li ser erdê pêş dikevin û DAIŞ dorpêç kirine

MONDAY, 16 JULY 2018 14:07:34

Mexmûr-KDP.info- Îro danê sibehê Hêzên Pêşmerge li ser erdê û balafirên Hevpeymaniya Navdewletî li asman li Çiyayê Qereçûx ê nêzîk Mexmûrê dest bi operasyonekê kirin li dijî DAIŞê. Pêşmerge pêşde çûne û ew terorîst dorpêç kirine.

 
Pêşmerge û Hevpeymanan li nêzîkî Mexmûrê bi tundî li DAIŞê dan

MONDAY, 16 JULY 2018 12:07:25

Mexmûr-KDP.info- Fermandarekî Hêzên Pêşmerge li Çiyayê Qereçox ragihand ku operasyoneke hevbeş ji aliyê Hevpeymaniya Navdewletî û Hêzên Pêşmerge li dijî DAIŞê li Çiyayê Qereçox birêve diçe û bi tundî li wan terorîstan dane.

 
Pispor: Xwepêşandanên Iraqê metirsîdar in..Dê aboriya Iraqê wêran bibe

SUNDAY, 15 JULY 2018 14:07:58

Hewlêr-KDP.info- Ev çend roj in ku xwepêşandanên berfireh li parêzgehên Besre û Necef û Kerbela û Bexda jî birêve diçin. Welatî daxwaza xizmetguzariyan dikin. Pispor dibêjin ev xwepêşandên mezin û êrîşa ser xwepêşanderan amajeyên metirsîdar in li ser Iraqê.

 
Xwêpaşandên Iraqê berfireh bûn û kuştî û birîndar hene

SUNDAY, 15 JULY 2018 13:07:45

Ajans-KDP.info- Di xwepêşandanên li bajarê Besrayê de bi guleyên hêzên ewlekariyê 2 kesan canê xwe ji dest da û herwiha çend kes jî birîndar bûn.

 
Bexda Kurdên Kerkûkê ditirse û hest bi metirsiyeke mezin dike

SUNDAY, 15 JULY 2018 13:07:59

Kerkûk-KDP.info- Hatibû ragihandin ku Hikûmeta Iraqê beşek ji hêzên xwe yên li Kerkûkê kişandiye û biriye parêzgehên Iraqê ji bo rawestandina xwepêşandanan, lê berpirsekî PDKê wê yelê red dike û dibêje Bexda çavdêrtiya Kurdên Kerkûkê dike ku ew jî xwepêşandanan bikin.

 


 
© 2018 Kurdistan Democratic Party, KDP