Kurdî  ■  كوردی  ■  عربي
WED, 17 OCT 2018 13:22 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Nêçîrvan Barzanî: Hikûmet û aliyên siyasî li dijî 2 îdareya Herêma Kurdistanê ne
| KDP.info


Silêmanî-KDP.info- Serokwezîrê Herêma Kurdistanê Nêçîrvan Barzanî ligel aliyên siyasî yên Kurdistanê civiya û piştî civînê ragihand Hikûmeta Kurdistanê û aliyên siyasî yeknêrîn bûn ku nabe aliyek bi serê xwe kar ligel Bexdayê bike, herwiha yeknêrîn bûn di dijayetiya sîstema 2 îdareyê de li Herêma Kurdistanê.

Serokwezîr Nêçîrvan Barzanî tevî Cîgirê Serokwezîr Qubad Telabnî îro serdana bajarê Silêmaniyê kirin û çend hevdîtin li gel Yekîtiya Niştimaniya Kurdistanê (YNK), Tevgera Goranê û Partiya Sosyalîst Demokrata Kurdistanê pêk anîn.
Piştî encamdana wan hevdîtinan, Nêçîrvan Barzanî di konfranseke rojnamevanî de bersiva pirsyarên rojnamevanan û dezgehên medyayî da.

Nêçîrvan Barzanî di wê konferansê de ragihand, civîna wan bi aliyên siyasî re ji bo nirxandina rewşa niha ye. Amaje bi wê jî kir, di civînên hikûmetê bi aliyên siyasî yên Kurdistanê re, du nêrîn hebûn, ya yekem pêkanîna hikûmeteke demkî, ya duyem jî encamdana hilbijartinan bûn.

Herwiha got, dema civîna wan bi aliyên siyasî re bidawî bibe, ew biryara xwe derbarê hikûmeta demkî û encamdana hilbijartinan didin. Herwiha hewl didin baştirîn rê ji bo rewşa niha ya Kurdistanê hilbijêrin.

Nêçîrvan Barzanî li ser pirseke derbarê daxuyaniya wî ya derbarê vekişîna hêzên pêşmerge de ragihand, ku mebesta wî Kerkûk nebûye, ji ber ku bi gotina wî aşkere ye ku bûyera Kerkûkê çawan çê bûye û her kes wê yekê dizane.
Serokwezîr Barzanî da xuyakirin, ku mebesta wî, vekişîna hêzên pêşmerge ji hin deverên li Zumar û Rebîeyê bûye û wî bi ti awayî behsa vekişîna hêzên pêşmerge ji Kerkûkê nekiriye.

Serokwezîrê Herêma Kurdistanê got: "Min ku behsa wê kiriye ku pêşmerge vekişiyaye, min behsa Kerkûkê nekir, haleta Kerkûkê aşkere bû ku bi çi awayî hatiye kirin û çawan bûye û hemû alî jî agahdar in, pêwîst nake ku ez cardin wan gotinan dubare bikim li ser vê mijarê. Bila ez bi diyarkirî bêjim ku min behsa kîjan cihan dikir. Hêzên Iraqê bi berdewamî daxwaz ji me kirin ku em ji Bendava Mûsilê vekişin, me ji wan re got, baş e ti arîşe nîne. Li Rebîyeê jî gotin, me dîsan got pirsgirêk nîne, lê belê me paşê wisa fêm kir, ku li her cihekê em vekişin, ew daxwaza zêdetir dikin, ji ber wê jî me biryar da, ku em sînorekê ji wan re danin, daku ji wê zêdetir bêne pêş. Mebesta min ew cih bûn."

Nêçîrvan Barzanî li ser pirsyareke derbarê serdana şanda Herêma Kurdistanê bo Bexdayê de jî destnîşan kir, ku hêj dema serdana şanda Kurdistanê bo Bexdayê nehatiye diyarkirin, lê belê tekez kir, ku ew dê weke hikûmetê biçin Bexdayê. Herwiha tekez kir Hikûmeta Kurdistanê û aliyên siyasî yeknêrîn bûn ku nabe aliyek bi serê xwe kar ligel Bexdayê bike, herwiha yeknêrîn bûn di dijayetiya sîstema 2 îdareyê de li Herêma Kurdistanê.

Serokwezîr Barzanî derbarê helwesta Hikûmeta Herêma Kurdistanê li ser nakokî û pirsigirêkên li gel Bexdayê de jî diyar kir, ku wan pêştir helwesta xwe aşkere kiriye û pêwîstî bi dubarekirinê nîne.




Nûçeyên din

Serok Barzanî pêşwaziya Balyozê Kanada li Iraqê kir

WEDNESDAY, 17 OCTOBER 2018 12:10:59

Hewlêr-KDP.info-  Roja çarşem 17.10.2018 li Selaheddîn Serok Mesûd Barzanî pêşwaziya Paul Gibbard Balyozê nû yê Kanada li Iraqê û xanima Nancy Bergern Konsola Kanada li Hewlêrê kir.

 
Kerkûkî:Em xayinên 16ê Cotmehê efû nakin û divê bên dadgehkirin

TUESDAY, 16 OCTOBER 2018 17:10:56

Hewlêr-KDP.info- Xelk û çalakvanên Kerkûkê dibêjin em xayinên 16ê Cotmehê efû nakin û daxwaza dadgehkirina wan xayinan dikin.

 
Îsmaîl Beşikcî: Karesata Kerkûkê xiyaneteke mezin bû û birîneke mezin e ji Kurdan re

TUESDAY, 16 OCTOBER 2018 16:10:14

Duhok-KDP.info- Dostê gelê Kurd, ronakbîr û dîroknivîsê Tirk Îsmaîl Beşikcî di salvegera xiyaneta 16ê Cotmeha 2017ê de dibêje, xiyaneta Kerkûkê xiyaneteke mezin bû û birîneke mezin bû ji Kurdan re.

 
Serok Barzanî: Me qet texmîn nedikir ku li Kerkûkê destekî Kurdî ji pişt ve xencerê li me bide

TUESDAY, 16 OCTOBER 2018 15:10:11

Hewlêr-KDP.info- Serok Mesûd Barzanî di salvegera bûyerên 16 Cotmeha 2017an de peyamek belav kir û têde ragihand, “16 Cotmehê rojeka tarî ye di dîroka gelê me de û di wê rojê de bû ku xiyaneta necamêrane li hêvî û xewnên gelekî mezlûm hat kirin.”

 
Cîgirê Wezîrê Derve yê Amerîka: Em piştgiriya Kurdistanê dikin

MONDAY, 15 OCTOBER 2018 23:10:33

Hewlêr-KDP.info- Bi serokatiya Cîgirê Wezîrê Derve yê Amerîkayê şandeke payebilind a Amerîkî li gel Serokwezîrê Herêma Kurdistanê Nêçîrvan Barzanî civiya û piştgiriya wî welatî bo Herêma Kurdistanê piştrast kir.

 


 
© 2018 Kurdistan Democratic Party, KDP