Kurdî  ■  كوردی  ■  عربي
MON, 24 SEP 2018 23:07 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Hikûmeta Kurdistanê: Em rêzê ji ravekirina Dadgeha Federal re digrin
| KDP.info


Hewlêr-KDP.info- Hikûmeta Herêma Kurdistanê bi daxuyaniyekê bersiva biryara Dadgeha Federal a Iraqê da û ragihand, ku ew rêzê ji vê ravekirinê re digrin lê divê cîbicîkirina hemû madeyên Destûra Iraqê bibe sedema parastine hemû maf, desthilat û taybetmendiyên di destûrê de hatine bicîhkirin.

Hikûmeta Herêma Kurdistanê bi daxuyaniyekê bersiv da biryara Dadgeha Federal a Iraqê, ku li ser daxwaza Sekreterê Giştî yê Civata Wezîrên Iraqê, roja 6ê Mijdarê, biryara jimare 122 derxistibû û madeya yekemîn a Destûra Iraqê rave kiribû.

Di vê raveyê de hatibû diyarkirin, “Komara Iraqê dewleteke federalî ya serbixwe ye, xwedanê serweriyeke temam e, ku sîstema hikûmraniyê têde komariya parlamenterî ya demokratîk e. Ev destûr bingeha yekîtiya Iraqê ye.”

Hikûmeta Herêma Kurdistanê di bersiva vê raveyê de ragihand: “Herêma Kurdistanê herdem tekez kiriye, ku ji bo çareserkirina nakokiyên di navbera desthilata federal û herêmê de, pabendê rê û rêbazên destûrî û yasayî ye.”

Hikûmeta Herêma Kurdistanê bi erênî pêşwaziya destpêşxeriya Seyîd Elî Sîstanî, kesayetên Iraqî û welatên dost dike, ku dixwazin ji bo çareseriyê vegerin Destûra Iraqê.

Hikûmeta Herêma Kurdistanê got: “Em rêzê ji vê ravekirina madeya yekem a destûrê ya Dadgeha Bilind a Federalî re digrin. Di heman demê de tekez dikin, ku bi baweriya me divê ev yek bibe bingehek ji bo destpêkirina diyalogekî nîştîmanî ya giştî. Cîbicîkirina hemû madeyên Destûra Iraqê bibe sedema parastina maf, desthilat û taybetmendiyên di destûrê de hatine destnîşankiirn. Rêya tenê ya garantîkirina yekîtiya Iraqê yak u di madeya yekemîn de jî hatiye destnîşankirin, ev e.”




Nûçeyên din

Di nava siyasetmedarên Ewropa de behsa salvegera referandumê hat kirin

MONDAY, 24 SEPTEMBER 2018 19:09:44

Hewlêr-KDP.info- Di civîna serkirdatiya Lawê Partiya Gelên Ewropa li bajarê Boxarêst paytexta Romanya, behsa yekemîn salvegera referanduma serxwebûna Başûrê Kurdistanê hat kirin.

 
Japonya: Kurdistan navendeke girêng a aştî û aramiyê ye

MONDAY, 24 SEPTEMBER 2018 19:09:22

Hewlêr-KDP.info- Serok Barzanî pêşwaziya Balyozê nû yê Japonya li Iraqê kir û di wê hevdîtinê de şanda mêvan got ku Kurdistan navendeke girêng e ji aştî û aramiyê, lewma jî ew dixwazin di hemû waran de têkeliyên xwe ligel Kurdistanê bihêz bikin.

Serok Barzanî: Ez piştgiriyê li Fuad Husên dikin

MONDAY, 24 SEPTEMBER 2018 15:09:31

Hewlêr-KDP.info- Serok Mesûd Barzanî peyamek bo piştevaniya li Dr. Fuad Husên bo bidestxistina kursiyê serokomariya Iraqê belav kir û tê de ragihand: “Ji ber şiyan û jêhatîbûna wî min bi baş dît ku birêz Dr. Fuad Husên bo vî kursî berbijêr bikim.” Serok Barzanî herwiha dibêje: “Em bi hemû şiyanekê piştevanî li Dr. Fuad Husên dikin.”

Serok Barzanî: Me dest ji armancên xwe bernedaye..Emê guhertin û çaksaziyeke mezin bikin

SUNDAY, 23 SEPTEMBER 2018 17:09:19

Silêmanî-KDP.info- Serok Mesûd Barzanî ragihand, ku eger di hilbijartinên Parlamentoya Kurdistanê de PDK biserkeft dê guhertin û çaksaziyeke mezin bike.

 
PDK: Kursiyê serokomarê Iraqê vê carê yê me ye

SUNDAY, 23 SEPTEMBER 2018 16:09:29

Hewlêr-KDP.info- Polîtburoya Partiya Demokrat a Kurdistanê (PDK) di daxuyaniyekê de derbarê kursiyê Serokomartiya Iraqê de, bersiva Yekîtiya Niştimanî ya Kurdistanê dide û radigihîne, “Me di civînên li gel biraderên YNKê de, her dem tekez kiribû, ku ew post beş û destkefta gelê Kurdistanê ye û ti carî li ser partiyekê nehatiye tapokirin.”

 


 
© 2018 Kurdistan Democratic Party, KDP