Kurdî  ■  كوردی  ■  عربي
SAT, 25 NOV 2017 08:51 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî peyameke hevxemiyê bo kesûkarên qurbaniyên erdhejê şand
| KDP.info


 

Hewlêr-KDP.info- Serok Barzanî peyameke hevxemiyê bo kesûkarên qurbaniyên erdheja şeva bihorî belav kir û sersaxî ji kesûkarên qurbaniyan û xelkê deverên zirarpêketî re xwast.

Serok Barzanî îro Duşemî 13ê Mijdara 2017ê ji ber erdheja ku li Rojhilat û Başûrê Kurdistanê çê bû, peyamek ji xelkê Rojhilatê û Başûrê Kurdistanê re belav kir.

Serok Barzanî hevxemiya xwe ji bo xelkê deverên zirarpêketî û kesûkarên qurbaniyên erdhejê tîne ziman û dibêje: “Bi xemeke mezin ve şeva bihorî di encama rûdana erdhejê de li parêzgehên Helebce, Kirmaşan û navçeyên Qesrî Şîrîn û Serpêlî Zehawê bi sedan hevwelatiyan canê xwe ji dest dan û bi hezaran kesên din jî birîndar bûn.”

Serok Barzanî serxweşiyê li kesûkarên qurbaniyên erdhejê li her du parêzgehên Kirmaşan û Helebceyê dike û dibêje: “Bi vê boneya xembar, ez serxweşiyê li kesûkarên qurbaniyan û xelkê navçeyên zirarpêketî yên erdheja şeva derbasbûyî dikim û hêviya bilez başûbûnê ji birîndarên vê bûyera dilhejîn re dixwazim. Di vê karesatê de, em xwe bi hevxemê xelkê lêqewimî û zirardîtî yê her du parêzgehên Kirmaşanê û Helebceyê dizanin.”

Şeva bihorî 12ê Mijdarê erdhejek bihêz her çar parçeyên Kurdistanê û bi taybet Başûr û Rojhilatê Kurdistanê û herwiha çend welatên herêmî hejand. Li gorî zanyariyan zêdetirî 400 kesan canê xwe ji dest dane û zêdetirî 7000 kesan jî birîndar bûne.

 



Nûçeyên din

Hikûmeta Kurdistanê bersiva Ebadî da

THURSDAY, 23 NOVEMBER 2017 21:11:54

Hewlêr-KDP.info- Hikûmeta Herêma Kurdistanê bersiva daxuyaniya roja Sêşemiyê ya Serokwezîrê Iraqê Heyder Ebadî da û ragihand, bi piştgirêdana bi biryara Dadgeha Federalî ya Iraqê ya di 20-11-2017ê de, divê hemû ew rêkar û encam û bandorên nerewa yên li dijî Herêma Kurdistanê werin hilweşandin ku tenê di berteka referandum de ji aliyê hikûmeta federal û parlamentoya Iraqê ve li ser Herêma Kurdistanê hatine sepandin.

 
Parlamentoya Kurdistanê biryara Dadgeha Fedralî ya Iraqê qebûl nake

THURSDAY, 23 NOVEMBER 2017 19:11:48

Hewlêr-KDP.info- Cîgirê Serokê Parlamentoya Kurdistanê Ceifer Êmînkî ragihand ku ew biryara Dadgeha Federalî ya Iraqê qebûl nakin, ji ber ku kar û deselatê wê dadgehê tenê ravekirina destûra Iraqê ye û nikare biryarê bide referanduma Başûrê Kurdistanê destûrî ye yan na.

Çavkaniyeke agahdar: Şandeke siyasî ji Şîeyan hatiye ser Çiyayê Şingalê

THURSDAY, 23 NOVEMBER 2017 18:11:22

Şingal-KDP.info- Çavkaniyeke agahdar ji ser Çiyayê Şingalê ragihand ku duhî şandeke siyasî ji Şîeyan serdana çiyayê Şingalê kiriye û armanca wê serdanê siyasî bûye.

Wezîrê Derve yê Brîtanya nameyek ji Nêçîrvan Barzanî re şand

WEDNESDAY, 22 NOVEMBER 2017 20:11:36

Hewlêr-KDP.info- Wezîrê Derve yê Brîtanya Boris Johnson ji Serokwezîrê Herêma Kurdistanê Nêçîrvan Barzanî re name şand û tê de ragihand, ku hewleke ciddî ji bo çareserkirina nakokiyên Hewlêr-Bexdayê li ser bingeha Destûra Iraqê heye.

 
Parlamentereke Kurd: Divê madeya 140 cîbicî bibe û piştre danûstandinê destpê bikin

WEDNESDAY, 22 NOVEMBER 2017 18:11:33

Hewlêr-KDP.info- Piryara Dadgeha Fedralî ya Iraqê û daxuyaniya Serok Barzanî li ser wê biryarê, hinek pisporên yasayî û siyasî han dane ku behsa komek mercên Kurdistanî ji bo danûstandinên di navbera Hewlêr û Bexdayê de bikin û bêjin divê gilî li Heyder Ebadî bê kirin.



 
© 2017 Kurdistan Democratic Party, KDP