Kurdî  ■  كوردی  ■  عربي
MON, 24 SEP 2018 23:07 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Nêçîrvan Barzanî: Divê civaka navdewletî alîkariya mafê gelê Kurdistanê bike
| KDP.info


 

Hewlêr-KDP.info- Serokwezîrê Herêma Kurdistanê Nêçîrvan Barzanî di civîna xwe de ligel Balyozê Yekîtiya Ewropa li Iraqê, dibêje, pêwîst e civaka navdewletî alîkarê gelê Kurdistanê be ji bo ku careke din xedir lê neyê kirin û mafê wan neyê xwarin.

Îro 13-11-2017 Serokwezîrê Kurdistanê Nêçîrvan Barzanî pêşwazî li Balyozê Yekîtiya Ewropa li Iraqê Ramon Blîkua û Berpirsa Ofîsa Yekîtiya Ewropa li Hewlêrê Xanim Klarîs Pastorî kir.

Di wê hevdîtina ku Cîgirê Serokwezîrê Kurdistanê Qûbad Talebanî jî amade bû, Ramon Blîkua kêfxweşiya xwe bi serdana Herêma Kurdistanê nîşan da û sersaxî jî ji qurbaniyên erdheja şevê din a ku li Kurdistanê çêbû, xwest û tekez kir ku ji bo her alîkariyeke pêwîst jî Yekîtiya Ewropa amade ye.

Herdu aliyan tekez kirin ku pêwîst e civaka navdewletî û Yekîtiya Ewropa rola xwe bibînin di amadekirina diyalogeke cidî di navbera Hewlêr û Bexdayê de ji bo çareserkirina pirsgirêkan. Herwiha kêfxweşiya xwe nîşan dan ji bo aramiya hêlên di navbera Hêzên Pêşmerge û hêzên Iraqê de, ku ev rewş jî rê li pêşiya diyalog û gotûbêjan vedike.

Ji aliyê xwe ve, Serokwezîrê Herêma Kurdistanê spasî helwesta Balayozê Yekîtiya Ewropa li Iraqê kir û dilgiraniya xwe li hemberî reşnivîsa budceya Iraqê nîşan da ji ber ku gelek binpêkirinên mafê xelkê Kurdistanê tê de hene.

Herwiha Nêçîrvan Barzanî da zanîn ku pêwîst e civaka bavdewletî alîkariya xelkê Kurdistanê bike ji bo ku careke din xedir li wan neyê kirin û tekez jî kir ku Hikûmeta Kurdistanê ji bo her alîkarî û hevahengiyekê bi mebesta destpêkirina gotûbêjan di navbera Hewlêr û Bexdayê de û çareserkirina aloziyan, amade ye.

 



Nûçeyên din

Di nava siyasetmedarên Ewropa de behsa salvegera referandumê hat kirin

MONDAY, 24 SEPTEMBER 2018 19:09:44

Hewlêr-KDP.info- Di civîna serkirdatiya Lawê Partiya Gelên Ewropa li bajarê Boxarêst paytexta Romanya, behsa yekemîn salvegera referanduma serxwebûna Başûrê Kurdistanê hat kirin.

 
Japonya: Kurdistan navendeke girêng a aştî û aramiyê ye

MONDAY, 24 SEPTEMBER 2018 19:09:22

Hewlêr-KDP.info- Serok Barzanî pêşwaziya Balyozê nû yê Japonya li Iraqê kir û di wê hevdîtinê de şanda mêvan got ku Kurdistan navendeke girêng e ji aştî û aramiyê, lewma jî ew dixwazin di hemû waran de têkeliyên xwe ligel Kurdistanê bihêz bikin.

Serok Barzanî: Ez piştgiriyê li Fuad Husên dikin

MONDAY, 24 SEPTEMBER 2018 15:09:31

Hewlêr-KDP.info- Serok Mesûd Barzanî peyamek bo piştevaniya li Dr. Fuad Husên bo bidestxistina kursiyê serokomariya Iraqê belav kir û tê de ragihand: “Ji ber şiyan û jêhatîbûna wî min bi baş dît ku birêz Dr. Fuad Husên bo vî kursî berbijêr bikim.” Serok Barzanî herwiha dibêje: “Em bi hemû şiyanekê piştevanî li Dr. Fuad Husên dikin.”

Serok Barzanî: Me dest ji armancên xwe bernedaye..Emê guhertin û çaksaziyeke mezin bikin

SUNDAY, 23 SEPTEMBER 2018 17:09:19

Silêmanî-KDP.info- Serok Mesûd Barzanî ragihand, ku eger di hilbijartinên Parlamentoya Kurdistanê de PDK biserkeft dê guhertin û çaksaziyeke mezin bike.

 
PDK: Kursiyê serokomarê Iraqê vê carê yê me ye

SUNDAY, 23 SEPTEMBER 2018 16:09:29

Hewlêr-KDP.info- Polîtburoya Partiya Demokrat a Kurdistanê (PDK) di daxuyaniyekê de derbarê kursiyê Serokomartiya Iraqê de, bersiva Yekîtiya Niştimanî ya Kurdistanê dide û radigihîne, “Me di civînên li gel biraderên YNKê de, her dem tekez kiribû, ku ew post beş û destkefta gelê Kurdistanê ye û ti carî li ser partiyekê nehatiye tapokirin.”

 


 
© 2018 Kurdistan Democratic Party, KDP