Kurdî  ■  كوردی  ■  عربي
THU, 22 FEB 2018 13:31 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Şamo: Heşda Şeibî Erebên tawanbar vedgerîne Şingalê
| KDP.info


Dihok-KDP.info- Serokê Desteya Bilind a Bingeha Rewşenbîrî û Civakî ya Laleş Şêx Şamo dibêje, Heşda Şeibî axa stratejîk a Şingalê ji bo meramên xwe yên siyasî bikar tîne û ev yek jî metirsiyeke pir mezin e.

Şêx Şamo ku herwiha Parlamenterê Êzdiyan e di Parlamentoya Kurdistanê de, ji malpera KDP.info re ragihand: “Heşda Şeibî ne ji bo xêra Êzdiyan hatiye Şingalê, lê belê ji bo berjewendiyên xwe yên kûr hatiye.”

Şamo wiha got: “Dixwazin Êzdiyan ji tenişta Kurdistanê bibin tenişta Erebistanê. Pêwîst e xelkê Şingalê ha ji vê pilanê hebin û rê nedin wan ku pilana Hîlala Şîî li ser axa stratejîk a Şingalê çêbikin, ku ev jî metirsiyeke mezin e li ser paşeroja Êzdiyan û eger e ji bo çêbûna komkujiyeke din.”

Şêx Şamo wiha domand: “Gelek pilanên Heşda Şeibî li dijî Êzdiyan û bo têkdana Şingalê, ku dixwazin bi qonax li pey qonaxê demografiya Şingalê biguherin û niha Heşda Şeibî ew Erebên ku destê wan di komkujiya Êzdiyan de hebû, wan vedgerînin Şingalê û vê yekê metirsiyeke mezin çêkir û xelk gelekî ditirsin.”




Nûçeyên din

Rûsya: Divê hikûmeta Sûriyê ligel Kurdan gotûbêjan bike

WEDNESDAY, 21 FEBRUARY 2018 19:02:54

Ajans-KDP.info- Wezîrê Derve yê Rûsyayê Sergey Lavrov ragihand ku divê hikûmeta Sûriyê dest bi gotûbêja ligel Kurdan bike û got: “Tevgerên Amerîkayê yên ser veqetandina Kurdan ji Sûriyê, xizmeta çareseriyê nekir.”

 
Serok Barzanî û şanda ENKSê rewşa Efrînê gotûbêj kirin

WEDNESDAY, 21 FEBRUARY 2018 18:02:51

Hewlêr-KDP.info- Serok Mesûd Barzanî, li Selaheddîn pêşwazî li Desteya Serokatiya Encûmena Niştimanî ya Kurdî li Sûrya (ENKS) kir û di wê civînê de rewşa Efrînê hat gotûbêjkirin.

 
Hêzên Sûriyê derbasî Efrînê bûn

TUESDAY, 20 FEBRUARY 2018 19:02:05

Ajans-KDP.info- Hêzên ser bi hikûmeta Sûriyê ve ku bi Hêzên Gel an jî Hêzên Şeibî tên naskirin, derbasî herêma Efrînê ya Rojavayê Kurdistanê bûn. Derbasbûna wan hêzan piştî rêkevtina navbera YPGê û hikûmeta Sûriyê hat.

 
Rewşa Kerkûkê xerab e..Hejmara tawanan zêde bûye

TUESDAY, 20 FEBRUARY 2018 19:02:45

Kerkûk-KDP.info- Piştî dagîrkirina Kerkûk û navçeyên Kurdistanî ji aliyê hêzên Iraqê û hêzên Heşda Şeibî ve, êdî rewşa Kerkûkê pir xerab bûye û wek welatiyên wî bajêrî dibêjin, hejmara tawanan zêde bûye.

 
Efrîn.. 171 welatiyên sivîl şehîd bûne

MONDAY, 19 FEBRUARY 2018 18:02:25

Efrîn-KDP.info- Rêveberê Nexweşxaneya Giştî ya Efrînê ragihand ku ji ber bordûmana balafirên şer ên Tirkiyê li ser Efrînê, 171 welatiyên sivîl şehîd bûne.

 


 
© 2017 Kurdistan Democratic Party, KDP