Kurdî  ■  كوردی  ■  عربي
MON, 24 SEP 2018 23:05 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî: Bi referandumê paşeroja Kurdistanê hat misogerkirin
| KDP.info


Hewlêr-KDP.info- Serok Barzanî radigihîne, herçend piştî referandumê hinek astengî derketine lê bi vê referandumê paşeroja gelê Kurdistanê hatiye misogerkirin. Serok Barzanî dibêje, xeletî tekane ew bû, ku demekê zûtir de referandum nehatiye kirin.

Serok Barzanî di hevpeyvînekê de ji kovara Newsweek a amerîkî re ragihand, operasyona desteserkirina Kerkûkê bi serkirdetiya Îranê, bi agahdarbûna berpirsên Brîtanya û Amerîkayê bûye.
Serok Barzanî got: “Biryarên Iraqê ji aliyê Îranê ve tên dayîn.”
Serok Barzanî amaje bi wê yekê kir, ku heta derfet hebe kurd xwe ji rûbirûbûnên leşkerî yên li gel artêşa Iraqê dûr digre. Herwiha tekez kir, ku ti hewldanek nikare nasnameya navçeyên kurdistanî yên derveyî îdareya Herêma Kurdistanê biguhere.
Derbarê aloziya di navbera Hewlêr û Bexdayê de Barzanî dibêje, Amerîka û civaka navdewletî dikarin pêşiya pevçûnan bigrin, eger şer dest pê bike jî diyar e ji aliyê wan ve glopa kesk ji şer re hatiye vêxistin.
Di hevpeyvînê de Serok Barzanî destnîşan kir, ku biryara referandumê ne biryarekî nû bûye û di nîvê sala 2014ê de hatiye wergirtin, hemû partiyên siyasî yên Kurdistanê û herwiha Parlamentoya Kurdistanê ev biryar wergirtine.
Serok Barzanî got: “Ji ber şerê DAIŞê wê demê referandum hate paşxistin. Xeletiya tenê ya kurdan jî ew bû, ku referandum di demekê zûtir de nehate kirin.
Serok Barzanî, ku serpereştiya referanduma serxwebûna Başûrê Kurdistanê kir û ji sedî 93yê beşdaran dengê belê dane cihêbûna ji Iraqê, di hevpeyvînê de amaje bi wê yekê kir, ku herçend piştî referandumê hinek astengî derketine lê bi vê referandumê paşeroja gelê kurd hatiye misogerkirin.




Nûçeyên din

Di nava siyasetmedarên Ewropa de behsa salvegera referandumê hat kirin

MONDAY, 24 SEPTEMBER 2018 19:09:44

Hewlêr-KDP.info- Di civîna serkirdatiya Lawê Partiya Gelên Ewropa li bajarê Boxarêst paytexta Romanya, behsa yekemîn salvegera referanduma serxwebûna Başûrê Kurdistanê hat kirin.

 
Japonya: Kurdistan navendeke girêng a aştî û aramiyê ye

MONDAY, 24 SEPTEMBER 2018 19:09:22

Hewlêr-KDP.info- Serok Barzanî pêşwaziya Balyozê nû yê Japonya li Iraqê kir û di wê hevdîtinê de şanda mêvan got ku Kurdistan navendeke girêng e ji aştî û aramiyê, lewma jî ew dixwazin di hemû waran de têkeliyên xwe ligel Kurdistanê bihêz bikin.

Serok Barzanî: Ez piştgiriyê li Fuad Husên dikin

MONDAY, 24 SEPTEMBER 2018 15:09:31

Hewlêr-KDP.info- Serok Mesûd Barzanî peyamek bo piştevaniya li Dr. Fuad Husên bo bidestxistina kursiyê serokomariya Iraqê belav kir û tê de ragihand: “Ji ber şiyan û jêhatîbûna wî min bi baş dît ku birêz Dr. Fuad Husên bo vî kursî berbijêr bikim.” Serok Barzanî herwiha dibêje: “Em bi hemû şiyanekê piştevanî li Dr. Fuad Husên dikin.”

Serok Barzanî: Me dest ji armancên xwe bernedaye..Emê guhertin û çaksaziyeke mezin bikin

SUNDAY, 23 SEPTEMBER 2018 17:09:19

Silêmanî-KDP.info- Serok Mesûd Barzanî ragihand, ku eger di hilbijartinên Parlamentoya Kurdistanê de PDK biserkeft dê guhertin û çaksaziyeke mezin bike.

 
PDK: Kursiyê serokomarê Iraqê vê carê yê me ye

SUNDAY, 23 SEPTEMBER 2018 16:09:29

Hewlêr-KDP.info- Polîtburoya Partiya Demokrat a Kurdistanê (PDK) di daxuyaniyekê de derbarê kursiyê Serokomartiya Iraqê de, bersiva Yekîtiya Niştimanî ya Kurdistanê dide û radigihîne, “Me di civînên li gel biraderên YNKê de, her dem tekez kiribû, ku ew post beş û destkefta gelê Kurdistanê ye û ti carî li ser partiyekê nehatiye tapokirin.”

 


 
© 2018 Kurdistan Democratic Party, KDP