Kurdî  ■  كوردی  ■  عربي
SAT, 25 NOV 2017 08:49 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Hikûmeta Kurdistanê bo Bexdayê: Projeya budceyê pesend nekin ji ber li dijî destûr e
| KDP.info


Hewlêr-KDP.info- Civata Wezîran a Herêma Kurdistanê derbarê reşnivîsa projeya bûdceya Iraqê ya sala 2018ê daxuyaniyek belav kir û ragihand, ev proje bêyî beşdarbûna Herêma Kurdistanê hatiye amadekirin, armanca wê hilweşandina qewareya siyasî ya Herêma Kurdistanê ye û derveyî yasayên federalî birêvebirina darayî ye.

Civata Wezîran a Herêma Kurdistanê îro Yekşemê 5-11-2017 daxuyaniyek belav kir û bi 4 xalan binpêkirina destûrî ya reşnivîsa bûdceya 2018ê ya Iraqê ron kir.
Civata Wezîran a Herêma Kurdistanê ragihand, ku ev reşnivîs bêyî beşdarbûna Herêma Kurdistanê ji aliyê Wezareta Darayî ya Iraqê ve bi yekalî hatiye nivîdandin û daxwaz kir, ku hikûmeta Iraqê bi wî awayî projeyê qebûl neke.
Di daxuyaniyê de hate gotin, ku bi vî awayî amadekirina reşnivîsa bûdceyê berovajiyê yasaya rêvebirina darayî ya jimare 95 a sala 2014ê û madeyên 105, 106 û 121 e, ku beşdarbûna Herêma Kurdistanê ya di amadekirina projeya bûdceyê de garantî dike.
Civata Wezîran a Herêma Kurdistanê kêmkirina bûdceya Herêma Kurdistanê weke “cezakirina bi kom a gelê Herêma Kurdistanê” bi nav kir û eşkere kir, ku para ji bo Herêma Kurdistanê hatiye diyar kirin, ti sûdekê nagihîne hemwelatiyan.
Di gelek cihên reşnivîsa bûdceya Iraqê de navê hikûmeta Herêma Kurdistanê weke “hikûmeta parêzgehan” hatiye nivîsandin. Civata Wezîran a Herêma Kurdistanê da xuyakirin, ku ev binavkirin li dijî madeyên 117 û 121 ên Destûra Iraqê ne, ku Herêma Kurdistan weke herêmeke federal hatiye naskirin, xwedan desthilatên yasadanîn, cîbicîkirin û dadweriyê ye.
Kêmkirina bûdceya Herêma Kurdistanê ji sedî 17 ji bo ji sedî 12.67 jî xalekê din e ku Civata Wezîran di daxuyaniya xwe de amaje pê dike û dibêje: “Ti bingeheke destûrî ya kêmkirina para bûdceya Herêma Kurdistanê nîne û ev yek li derveyî rêkeftina hevbeş e.”
Daxuyanî balê dikişe ser wê yekê, ku di demekê de Serokwezîrê Iraqê Heyder Ebadî, ji bo pêdana meaşên karmend, fermanber û meaşxurên Kurdistanê destpêşxeriyek eşkere kiriye lê di reşnivîsê de hejmara meaşxurên Herêma Kurdistanê  weke, 682 hezar û 21 kes hatiye destinîşankirin û ji bo meaşê heyvane ya wan jî tenê 206 milyar dînar hatiye terxan kiirn. Herwiha tenê 128 milyar dînar jî ji bo meaşê çavdêriya civakî, malnişîn, malbatên şehîdan û kêmendaman û herwiha sûdmendên çavdêriya civakî hatiye terxankirin, ku ev jî bi giştî dike 334 milyar dînar.
Civata Wezîran a Herêma Kurdistanê dide zanîn, ku li Herêma Kurdistanê milyonek û 249 hezar û 481 meaixur hene û meaşê wan ê mehekê jî dike 897 milyar û 500 milyon dînar.
Di daxuyaniya xwe de Civata Wezîran daxwazê ji hikûmeta Iraqê dike da ku ji bo bi hevre amadekirina reşnivîsa bûdceyê derfetekî biafrîne û xalên berovajiyê destûrê ne sererast bike û wiha dibêje: “Ev yek li dijî berjewendiyên bilind ên Herêma Kurdistanê, bingeha şîrîkatî, bi hevre jiyana li Iraqê û dabînkirina para dadperwerî ya Herêma Kurdistanê ne. çimkî kêmkirina para Herêma Kurdistanê bi vê rêjeya mezin, cezakirina bi kom a hemwelatiyên Herêma Kurdistanê ye.”




Nûçeyên din

Hikûmeta Kurdistanê bersiva Ebadî da

THURSDAY, 23 NOVEMBER 2017 21:11:54

Hewlêr-KDP.info- Hikûmeta Herêma Kurdistanê bersiva daxuyaniya roja Sêşemiyê ya Serokwezîrê Iraqê Heyder Ebadî da û ragihand, bi piştgirêdana bi biryara Dadgeha Federalî ya Iraqê ya di 20-11-2017ê de, divê hemû ew rêkar û encam û bandorên nerewa yên li dijî Herêma Kurdistanê werin hilweşandin ku tenê di berteka referandum de ji aliyê hikûmeta federal û parlamentoya Iraqê ve li ser Herêma Kurdistanê hatine sepandin.

 
Parlamentoya Kurdistanê biryara Dadgeha Fedralî ya Iraqê qebûl nake

THURSDAY, 23 NOVEMBER 2017 19:11:48

Hewlêr-KDP.info- Cîgirê Serokê Parlamentoya Kurdistanê Ceifer Êmînkî ragihand ku ew biryara Dadgeha Federalî ya Iraqê qebûl nakin, ji ber ku kar û deselatê wê dadgehê tenê ravekirina destûra Iraqê ye û nikare biryarê bide referanduma Başûrê Kurdistanê destûrî ye yan na.

Çavkaniyeke agahdar: Şandeke siyasî ji Şîeyan hatiye ser Çiyayê Şingalê

THURSDAY, 23 NOVEMBER 2017 18:11:22

Şingal-KDP.info- Çavkaniyeke agahdar ji ser Çiyayê Şingalê ragihand ku duhî şandeke siyasî ji Şîeyan serdana çiyayê Şingalê kiriye û armanca wê serdanê siyasî bûye.

Wezîrê Derve yê Brîtanya nameyek ji Nêçîrvan Barzanî re şand

WEDNESDAY, 22 NOVEMBER 2017 20:11:36

Hewlêr-KDP.info- Wezîrê Derve yê Brîtanya Boris Johnson ji Serokwezîrê Herêma Kurdistanê Nêçîrvan Barzanî re name şand û tê de ragihand, ku hewleke ciddî ji bo çareserkirina nakokiyên Hewlêr-Bexdayê li ser bingeha Destûra Iraqê heye.

 
Parlamentereke Kurd: Divê madeya 140 cîbicî bibe û piştre danûstandinê destpê bikin

WEDNESDAY, 22 NOVEMBER 2017 18:11:33

Hewlêr-KDP.info- Piryara Dadgeha Fedralî ya Iraqê û daxuyaniya Serok Barzanî li ser wê biryarê, hinek pisporên yasayî û siyasî han dane ku behsa komek mercên Kurdistanî ji bo danûstandinên di navbera Hewlêr û Bexdayê de bikin û bêjin divê gilî li Heyder Ebadî bê kirin.



 
© 2017 Kurdistan Democratic Party, KDP