Kurdî  ■  كوردی  ■  عربي
MON, 24 SEP 2018 23:04 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Fermandariya Pêşmerge: Hêzên Îranê êriş Kerkûkê kirin..Hikûmeta Ebadî dê bi giranî baca vê zulmê bide
| KDP.info


Hewlêr-KDP.info- Fermandariya Giştî ya Hêza Pêşmerge ya Kurdistanê di daxuyaniyekê de ragihand: “Ji danê sibê ya îro 16-10-2017ê ve hêzên Heşda Şeibî yên ser bi Supaya Pasdaran a Îranê ve bi fermandariya Iqbalpûr û bi hevkariya hêzên Iraqê êrişeke berfireh bo ser Kerkûkê û navçeyên derdora Kerkûkê dest pê kirine. Ev êriş bi aşkere ragihandina şer e li dijî gelê Kurdistanê.”


Fermandariya Giştî ya Hêza Pêşmerge herwiha dibêje: “Ev êriş ku ji aliyê hikûmeta Iraqê û Heşd û hêzên ser bi Biryargeha Quds a Supaya Pasdaran hatiye encamdan, tolhildan e ji xelkê Kurdistanê ku daxwaza azadiyê kirine û tolhildane ji xelkê serbilindê Kerkûkê ku helwesteke mêranî nîşan dan.”

Di daxuyaniyê de tê gotin: “Mixabin hinek berpirsên YNKê jî alîkarê wê pîlangêriya li dijî gelê Kurdistanê bûne û xiyaneteke mezin û dîrokî li Kurdistanê û wan şehîdan kirine, ku di bin ala YNKê de canê xwe fîdayê Kurdistanê kirine, ew çend berpirs hinek cihên hesas bêyî şer ji hêzên Heşd û Supaya Pasdaran a Îranî re vala kirine û kek Kosret bi tenê hîştine.

Em ji hemû aliyan re radigihînin ku ew êrişa Heşd û hêzên iraqî bi çek û wesayitên zirhî û tankên Abrahams ên amerîkî û çekên din ên Hevpeymanan encam dane, ew çekên amerîkî demek e ku di jêr navê şerê DAIŞê de bi artêşa Iraqê û Heşdê tên dan, ew di demekê de bû ku di şerê DAIŞê de. Ji bo şer û berevaniya li hember terorîstan çekên pêwîst bi pêşmerge nehat dan.”

Fermandariya Giştî ya Hêzên Pêşmerge di berdewama daxuyaniya xwe de dibêje: “Em li vir gelê Kurdistanê piştrast dikin ku zêdebarî hebûna nepakiya hinek berpirsan û pîlangêriya hikûmeta Iraqê û Supaya Pasdaran, lê belê Hêza Pêşmerge ya Kurdistanê bi moralekî bilind ve li hemû cihan berevaniyeke qehremanane dike û em tekezî jî dikin, ku ne mumkin e ku pîlangêrî îradeya gelê Kurdistanê têk bişkîne û em rê bidin neyarên gelê Kurdistanê serbikevin. Em daxwazê ji hemû pêşmergeyên rasteqîne yên gel, welat û cemawerê berxwedêr dikin, ku tişta ji destê wan bê ji bo berevaniyê û têkbirina êrîşan bikin. Berpirsê yekem ê şerfirotiha gelê Kurdistanê hikûmeta Ebadî ye û divê bi giranî baca vê zulmê bide.”
 




Nûçeyên din

Di nava siyasetmedarên Ewropa de behsa salvegera referandumê hat kirin

MONDAY, 24 SEPTEMBER 2018 19:09:44

Hewlêr-KDP.info- Di civîna serkirdatiya Lawê Partiya Gelên Ewropa li bajarê Boxarêst paytexta Romanya, behsa yekemîn salvegera referanduma serxwebûna Başûrê Kurdistanê hat kirin.

 
Japonya: Kurdistan navendeke girêng a aştî û aramiyê ye

MONDAY, 24 SEPTEMBER 2018 19:09:22

Hewlêr-KDP.info- Serok Barzanî pêşwaziya Balyozê nû yê Japonya li Iraqê kir û di wê hevdîtinê de şanda mêvan got ku Kurdistan navendeke girêng e ji aştî û aramiyê, lewma jî ew dixwazin di hemû waran de têkeliyên xwe ligel Kurdistanê bihêz bikin.

Serok Barzanî: Ez piştgiriyê li Fuad Husên dikin

MONDAY, 24 SEPTEMBER 2018 15:09:31

Hewlêr-KDP.info- Serok Mesûd Barzanî peyamek bo piştevaniya li Dr. Fuad Husên bo bidestxistina kursiyê serokomariya Iraqê belav kir û tê de ragihand: “Ji ber şiyan û jêhatîbûna wî min bi baş dît ku birêz Dr. Fuad Husên bo vî kursî berbijêr bikim.” Serok Barzanî herwiha dibêje: “Em bi hemû şiyanekê piştevanî li Dr. Fuad Husên dikin.”

Serok Barzanî: Me dest ji armancên xwe bernedaye..Emê guhertin û çaksaziyeke mezin bikin

SUNDAY, 23 SEPTEMBER 2018 17:09:19

Silêmanî-KDP.info- Serok Mesûd Barzanî ragihand, ku eger di hilbijartinên Parlamentoya Kurdistanê de PDK biserkeft dê guhertin û çaksaziyeke mezin bike.

 
PDK: Kursiyê serokomarê Iraqê vê carê yê me ye

SUNDAY, 23 SEPTEMBER 2018 16:09:29

Hewlêr-KDP.info- Polîtburoya Partiya Demokrat a Kurdistanê (PDK) di daxuyaniyekê de derbarê kursiyê Serokomartiya Iraqê de, bersiva Yekîtiya Niştimanî ya Kurdistanê dide û radigihîne, “Me di civînên li gel biraderên YNKê de, her dem tekez kiribû, ku ew post beş û destkefta gelê Kurdistanê ye û ti carî li ser partiyekê nehatiye tapokirin.”

 


 
© 2018 Kurdistan Democratic Party, KDP