Kurdî  ■  كوردی  ■  عربي
SAT, 22 SEP 2018 06:59 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Encûmena Bilinda Siyasî ya Kurdistanê bo cîhanê: Sînorekî ji gefên Bexdayê re deynin
| KDP.info


Hewlêr-KDP.info- Bi serpireştiya Serokê Herêma Kurdistanê Mesûd Barzanî îro çarşemî 11ê Cotmeha 2017ê Serkirdatiya Siyasiya Kurdistan-Iraqê civiya û di civînê de biryar li ser guhertina navê vê serkirdatiyê hat dan û navê wê bi Encumena Bilinda Siyasî ya Kurdistanê hat guhertin.

Piştî bi dawî hatina civînê daxuyaniyeke nivîskî hat weşandin. Civîn gihêşt van xalên li jêr:

Yekem: Em pabendî vîna gelê Kurdistanê ne ku bi riya dengdana di referanduma 25ê Îlonê de bi azadî derbirî. Herwiha cibicîkirina encamên wê referandumê girêdayî diyalogeke avaker û berpirsyane ye. Ji ber wê jî me amadehiya xwe ji bo destpêkirina diyalogeke vekirî, bê merc, û bê sizadan û dorpêçkirin ligel Bexdayê derbirî.

Duyem: Sepandina sizayan li ser gelê Kurdistanê, ne yasayî û ne jî berpirsiyane ye û alozkirina rewşa siyasî xizmeta berjewendiya ti aliyelî nake.

Sêyem: Em ji raya giştî ya cîhanê û Hevpeymaniya Navdewltî radigihînin, ku gelê Kurdistanê rûbirûyî dorpêçkirin, sizadana bi komî û gefê bikaranîna hêzê bûye, ev rewşa mirovî û jiyana xelkê û penaberên ji Iraq li Kurdistanê dike qonaxeke metirsîdar, lewma jî em daxwaz dikin ku sînorek ji van gef, dorpêçkirin û sizadana bikomî bê dayîn.

Çarem: Amadebûn civînê biryar dan, civîna partî û aliyên siyasî di bin navê Encûmena Bilinda Siyasî ya Kurdistanê berdewam be.

 




Nûçeyên din

Mesrûr Barzanî: Zanist, xwendin, zanyarî bingehên Kurdistaneke bihêz in

THURSDAY, 20 SEPTEMBER 2018 22:09:00

Hewlêr-KDP.info- Şêwirmendê Encûmena Asayîşa Herêma Kurdistanê Mesrûr Barzanî di ahenga bi helkefta derçûna Xwendekarên Zaningeha Dihokê de, gotarek pêşkêş kir. Pîrozbahî gihandin xwendevan, kesûkarên wan, Mamosteyên Zanîngehê û Kurdistanê.

 
Nêçîrvan Barzanî: Dê rojekê xewnên me pêk werin

THURSDAY, 20 SEPTEMBER 2018 20:09:14

Hewlêr-KDP.info- Cîgirê Serokê Partiya Demokrat a Kurdistanê (PDK) Nêçîrvan Barzanî ragihand: “PDK tê wateya Pêşmerge. Pêşmerge jî gelek qurbanî ji bo armanca PDKê dane. Ji ber vê jî berdewam PDK biser dikeve. We ji hemûyan re piştrast kir ku PDK pêşrew e û dê her pêşrew jî bimîne. PDK qet naşke û nakeve û dê her serkeftî be. Xewnên me rewa ne, eger îro ew xewin pêk neyên dê sibe pêk werin.”

 
Serok Barzanî: Referandum îradeya gelê me ye û cihê xwe girtiye..Me nêrîna xwe gihand hemû cîhanê

THURSDAY, 20 SEPTEMBER 2018 17:09:06

Hewlêr-KDP.info- Serok Mesûd Barzanî ragihand, PDK xwediyê armanceke stratejîk e û li gorî siyaseta rojê helwestan neguhere û bi ti awayî jî ji armancên stratejîk pêngavan paşve nahavêje. Herwiha got jî, “Gelê me bi encamdana referandumê nêrîna xwe gihande hemû cîhanê. Ew (referandum) îradeya gelê me ye û cihê xwe girtiye.”

 
Îtalya: Alîkariyên me bo Pêşmerge dê berdewam bin

WEDNESDAY, 19 SEPTEMBER 2018 18:09:24

Hewlêr-KDP.info- Mesrûr Barzanî û şandeke leşkerî ya Îtalyayê civiya û di wê hevdîtinê de şanda Îtalya got ku ewê hevkariyên xwe bo Hêzên Pêşmerge bidomînin.

 
Balyozê Siwêd: Kurdên Siwêd çalak in û baş tevî civakê bûne

WEDNESDAY, 19 SEPTEMBER 2018 17:09:27

Hewlêr-KDP.info- Şêwirmendê Encûmena Asayişa Herêma Kurdistanê Mesrûr Barzanî û Balyozê Siwêdê li Iraqê Pontus Melander civiyan û di wê hevdîtinê de şanda mêvan got ku Kurd li Siwêd bi awayekî pir baş tevlî civaka Siwêd bûne û di gelek waran de çalak in.

 


 
© 2018 Kurdistan Democratic Party, KDP