Kurdî  ■  كوردی  ■  عربي
TUE, 25 SEP 2018 18:43 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Derbendî: Rojekê sînor li pêşiya alîkariyên mirovî bo Rojava nehatiye girtin
| KDP.info


 

Hewlêr-KDP.info- Dr. Hemîd Derbendî Berpirsê Dosyeya Sûriyê û Rojavayê Kurdistanê di Serokatiya Herêma Kurdistanê de, ragihand ku tenê rojekê jî deriyê Pêşabûrê li pêşiya alîkariyên mirovî yên Başûr bo Rojavayê Kurdistanê nehatiye girtin.

Dr. Hemîd Derbendî di daxuyaniyekê de bersiva Sekreterê Partiya Pêşverû ya Rojavayê Kurdistanê Hemîd Hacî Derwêş da.

Hemîd Hacî Derwêş di konferansekê de li bajarê Rimêlan gotibû Herêma Kurdistanê sînor li pêşiya nexweşên Rojavayê Kurdistanê girtiye.

Lê Dr. Hemîd Derbendî di daxuyaniyekê de bo malpera KDP.info ragihand: “Tenê rojekê jî deriyê Pêşabûrê li pêşiya alîkariyên mirovî yên Başûr bo Rojavayê Kurdistanê nehatiye girtin. Birêz Hemîd Hacî Derwêş ji her kesî baştir dizane ku Başûrê Kurdistanê û Serok Barzanî ji hemû aliyan ve çiqasî alîkariya Rojavayê Kurdistanê û hemû aliyên siyasî yên Rojava kirine.”

Derbendî wiha got: “Eger Kurdên Rojava yekrêz bana, dê alîkariyên Serok Barzanî bo wan zêdetir bana. Lê dîsa jî qet sînor li pêşiya nexweşan nehatiye girtin û salane bi hezaran hes tên Başûr û li nexweşxaneyên me bê pere tên dermankirin. Helbet em vê yekê bi erkeke netewî dibînin û em mineta xwe jî li ser kesî nakin. Niza çawa Hemîd Hacî Derwêş dibêje sînor li pêşiya nexweşan hatiye girtin.”

Dr. Hemîd Derbendî ji Sekreterê Pêşverû dipirse, kengî we daxwaz kiriye ku endamekî we yan ti bi xwe yan jî her kesekî din ku bê Başûrê Kurdistanê û me nehiştiye? Ma ji xwe hemû serdanên we ji bo Başûrê Kurdistanê bi riya deriyê Pêşabûr bûne. Derwêş di gotina xwe de li Rimêlan dibêje ku ew ji bo sînor ligel min axiviye, lê ev yek çênebûye.

Derbendî wiha domand: “Rojane 400 kes bi riya sînorê Başûr û Rojava diçin û tên. Herwiha em hewl dikin ku sîstemeke elektronîkî nû bo hêsankirina hatin û çûna xelkê di navbera herdu aliyan de deynin, ew jî ji bo wê yekê ye ku xelkê me Rpjava zêdetir sûdê ji sînorê Pêşabûrê bibînin.”




Nûçeyên din

Nêçîrvan Barzanî: Avedanî li Kurdistanê dest pê dike..Me qonaxa dijwar derbas kir

TUESDAY, 25 SEPTEMBER 2018 16:09:03

Duhok-KDP.info- Serokwezîrê Herêma Kurdistanê Nêçîrvan Barzanî di merasîma danîna kevirê bingehîn ê rêya Roviya-Gopal li parêzgeha Duhokê ragihand, 80 milyon dolar bo vê projeyê hatiye terxankirin û Hikûmeta Herêma Kurdistanê bo vejandina piraniya navçeyan plan amade kirine. Nêçîrvan Barzanî tekez kir, ji niha pê ve li Kurdistanê avedanî dest pê dike.

 
Di nava siyasetmedarên Ewropa de behsa salvegera referandumê hat kirin

MONDAY, 24 SEPTEMBER 2018 19:09:44

Hewlêr-KDP.info- Di civîna serkirdatiya Lawê Partiya Gelên Ewropa li bajarê Boxarêst paytexta Romanya, behsa yekemîn salvegera referanduma serxwebûna Başûrê Kurdistanê hat kirin.

 
Japonya: Kurdistan navendeke girêng a aştî û aramiyê ye

MONDAY, 24 SEPTEMBER 2018 19:09:22

Hewlêr-KDP.info- Serok Barzanî pêşwaziya Balyozê nû yê Japonya li Iraqê kir û di wê hevdîtinê de şanda mêvan got ku Kurdistan navendeke girêng e ji aştî û aramiyê, lewma jî ew dixwazin di hemû waran de têkeliyên xwe ligel Kurdistanê bihêz bikin.

Serok Barzanî: Ez piştgiriyê li Fuad Husên dikin

MONDAY, 24 SEPTEMBER 2018 15:09:31

Hewlêr-KDP.info- Serok Mesûd Barzanî peyamek bo piştevaniya li Dr. Fuad Husên bo bidestxistina kursiyê serokomariya Iraqê belav kir û tê de ragihand: “Ji ber şiyan û jêhatîbûna wî min bi baş dît ku birêz Dr. Fuad Husên bo vî kursî berbijêr bikim.” Serok Barzanî herwiha dibêje: “Em bi hemû şiyanekê piştevanî li Dr. Fuad Husên dikin.”

Serok Barzanî: Me dest ji armancên xwe bernedaye..Emê guhertin û çaksaziyeke mezin bikin

SUNDAY, 23 SEPTEMBER 2018 17:09:19

Silêmanî-KDP.info- Serok Mesûd Barzanî ragihand, ku eger di hilbijartinên Parlamentoya Kurdistanê de PDK biserkeft dê guhertin û çaksaziyeke mezin bike.

 


 
© 2018 Kurdistan Democratic Party, KDP