Kurdî  ■  كوردی  ■  عربي
SUN, 24 JUN 2018 02:32 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Revenda Kurd li Ewropa bo piştgiriya Başûrê Kurdistanê dê xwepêşandanan bike
| KDP.info


Hewlêr-KDP.info- Di bin navê “Bangewaziyek ji bo revenda kurd li tevaya Ewropa ji bo lidarxistina xwepêşandanên piştgiriyê ligel Başûrê kurdistanê” Kurdên Ewropa dê piştgiriya serxwebûna Kurdistanê bikin.

Revenda Kurd li Ewropa daxuyaniyek belav kir û tê de ragihand: “Weku wefadariyek ji xwîna şehîd û qurbaniyên gelê Kurd re, em bang li revenda kurdî li tevaya Ewropa dikin ji bo lidarxistina xwepêşandanan li pêşiya balyozxane û qonsilxaneyên Amerîka li tevaya Ewropa ji bo piştgiriya biryara dîrokî ya gelê kurd li Başûrê kurdistanê ya hatî standin bi encamdana giştpirsiyê û diyarkirina mafê çarenivîsê xwe û avakirina dewleta xwe ya serbixwe.

Ji ber guhertin û pêşhatên niha li Kurdistanê dibin, nemaze yên piştî serkeftina piroseya giştpirsiya dîrokî ya ji bona serxwebûnê hevdem ligel guvaş û fişarên mezin û şerê piropagenda yên hikûmeta Iraqê ligel dewletên herêmê yên dagîrker li dijî armancên gelê kurd yên ji bona bidestxistina azadî û serxwebûna xwe.


Wek nûnertiya Encûmena Niştimanî ya kurdî (ENKS) li Ewropa û ligel Partiya Demokrat a kurdistanê (PDK) û wek erkekî netewî û pêwîst piştgiriya gelê me li Başûrê Kurdistanê dibînin, lewra em gaziyê li revenda Kurdî û partiyên siyasî yên Kurdistanê û rêxistin û komeleyên lawan û sercem sazî û komîteyên komelgeha sivîl û rewşenbîr û mediyakaran dikin ku rabin bi lidarxistina xwepêşandanên girseyî li pêşiya balyozxane û qonsilxaneyên Amerîka li welatên lê dijîn, tevlî xwepêşandana li roja duşemê 09.10.2017 ya li pêşiya avahiya parlamentoya Ewropa li Beljîka (Biroksil) li demjimêr 11:00, hêvîdar in ji hemû dilsoz û xemxwarin doza xwe li heman rojê amade bibin li pêşiya wan balyozxane û qonsilxaneyên Amerîka digel hilgirtina Ala kurdistanê bi tenê.

Xalên xwepêşandanê li Almaniya:
1- Balyozxaneya Amerîka li Berlîn.
2- Qonsilxaneya Amerîka li Miyonix (München)
3- Qonsilxaneya Amerîka li Frankfurt
4- Qonsilxaneya Amerîka li Düsseldorf.
5- Qonsilxaneya Amerîka li Hamburg.
Herwiha li dewletên din xwepêşandan wê bêne lidarxistin li pêşiya balyozxaneyên Amerîka li paytextên wan welatan.

Nûnertiya ENKSê li Ewropa
Partiya Demokrat a kurdistanê (PDK).”
 




Nûçeyên din

“Jihevêzîkbûna aliyên Iraqê pir zehmet e..Naxwazin dest ji deselatê berdin”

SATURDAY, 23 JUNE 2018 18:06:58

Hewlêr-KDP.info- Iraqê ji ber lidarxistina hilbijartinan di meha borî de, di rewşeke dijwar de derbas dibe. Şirovekarekî siyasî jî dibêje, hêj ezmûna demokrasiyê li Iraqê qels û lawaz e, ku hinek alî astengiyan ji pêkanîna hikûmeta nû ya Iraqê re derdixin.

 
Sekreterê NY: Ez hertim xembarê pirsa gelê Kurd im..Em ji rewşa Efrînê dilgiran in

SATURDAY, 23 JUNE 2018 14:06:44

Hewlêr-KDP.info- Sekreterê Giştî yê Neteweyên Yekbûyî Antonio Guterres ragihand ku ew hertim xembarê pirsa gelê Kurd bûye û ji rewşa Efrînê jî dilgiran in.

 
Encûmena Bajêrvaniya Şingalê: Emê vegerin Şingalê

SATURDAY, 23 JUNE 2018 12:06:54

Şingal-KDP.info- Serokê Encûmena Bajêrvaniya Şingalê Weyis Nayif dibêje, biryar e di çend rojên bê de encûmena wan vegere Şingalê û dest bi karê xwe bike. Herwiha tekez dike ku bi hebûna Amerîka li Şingalê dê ewlehî vegere wê navçeyê.

 
Şeşo: Şêwirmendên leşkerî yên welatan li Şingalê navendeke leşkerî ava dikin

THURSDAY, 21 JUNE 2018 18:06:56

Şingal-KDP.info- Fermandarê Hêzên Pêşmerge li Çiyayê Şingalê Qasim Şeşo ragihand ku çendîn şêwirmendên leşkerî yên welatan hatine Şingalê û li wir navendeke leşkerî mezin ava dikin.

 
Berpirsekî PDKê: Hêzên Iraqê nikarin Xaniqîn biparêzin..Pêşmerge venegerin dê bajêr bikeve destê DAIŞê

THURSDAY, 21 JUNE 2018 17:06:40

Xaneqîn-KDP.info- Îro li dijî tevger û çalakiyên DAIŞê li derdora Xanexîn û ji bo vegera Hêzên Pêşmerge bo navçeyê, xwepêşandanek li Xaneqîn birêve çû. Berpirsekî PDKê li wê deverê dibêje hêzên Iraqê nikarin Xaneqîn biparêzin û eger Hêzên Pêşmerge venegerin navçeyê dê bajarê Xaniqîn bi temamî bikeve destê wan terorîstan.

 


 
© 2018 Kurdistan Democratic Party, KDP