Kurdî  ■  كوردی  ■  عربي
THU, 23 NOV 2017 23:15 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî ji Kerkûkê: Em nahêlin kes aramiya Kerkûkê têk bide
| KDP.info


Hewlêr-KDP.info- Serokê Herêma Kurdistanê îro serdana Kerkûkê kir û cardin tekez kir, ku refrandum nayê paşxistin. Mesûd Barzanî herwiha ragihand, xelkê Kerkûkê, bi hemû ol û pêkhateyên xwe ve biryar li çarenivîsa xwe didin û got jî, “Em nahêlin kes aramiya Kerkûkê têk bide.”

Îro Sêşema 12ê Îlona 2017ê Serokê Herêma Kurdistanê Mesûd Barzanî li gel cîgirê xwe Kosret Resûl Elî serdana bajarê Kerkûkê kir û piştre bi amadebûna Parêzgarê Kerkûkê Necmedîn Kerîm û Kosret Resûl bi pêkhateyên vî bajarî re civîneke berfireh pêk anî.

Serokê Herêma Kurdistanê ragihand: “Bi ti awayekî rê nadin kesekî ewlehî û aramiya Kerkûkê têk bide. Rêza me ji wan nerînan re heye ku ne ligel referandûmê ne, lê divê rêz li îradeya piraniya xelkê bajêr bê girtin ku referandumê dixwazin. Kerkûk bi tevahî wek mînaka bajarê aştî, biratî û pêkvejiyanê dimîne.”

Herwiha Serok Barzanî got: “Guh nadin gefên vala yên behsa derketina şer dikin. her kesek bizava têkdana aramiya Herêma Kurdistanê bike, mafê me heye bergîriyê li xwe bikin. Xelkê Kerkûk bixwe biryarê li ser çarenivîsa xwe didin û referandûm biryara xelkê Kurdistanê ye, ne ku biryara take kesî ye.”

Serdana Serokê Herêma Kurdistanê bo Kerkûkê di demekê de ye, birêvebirina referanduma serxwebûna Kurdistanê, kêmtir ji du hefteyan maye û biryar e li Kerkûk û navçeyên derdora wê jî bê kirin.

Herwiha ew serdan piştî wê yekê tê, ku Encûmena Parêzgeha Kerkûkê biryar daye referandumê li wê parêzgehê bike, ew jî bû sedema dilgiraniya berpirsên Iraqê û di demên dawî de hin daxuyanî li dijî Herêma Kurdistanê dan.

Di vê çarçovê de jî, Serokê Herêma Kurdistanê di wê civîna camewerî de ragihand, “Kurdistan bê Kerkûk laşekî bê dil e. Her hêz yan aliyek bixwaze bi zorê xwe li ser Kerkûkê bisepîne û Kerkûkê ji Kurdistanê bibire, gelê Kurdistanê ta dawîn kes dê li ber xwe bide.”

Tevî wê jî, Serokê Herêma Kurdistanê Mesûd Barzanî tekezî li ser wê yekê kir, “Nasnameya Kerkûkê Kurdistanî ye, lê bajarê hemû pêkhateyên netewî û olî ye û cihê pêkvejiyanê ye û sembola biratiyê ye.”




Nûçeyên din

Hikûmeta Kurdistanê bersiva Ebadî da

THURSDAY, 23 NOVEMBER 2017 21:11:54

Hewlêr-KDP.info- Hikûmeta Herêma Kurdistanê bersiva daxuyaniya roja Sêşemiyê ya Serokwezîrê Iraqê Heyder Ebadî da û ragihand, bi piştgirêdana bi biryara Dadgeha Federalî ya Iraqê ya di 20-11-2017ê de, divê hemû ew rêkar û encam û bandorên nerewa yên li dijî Herêma Kurdistanê werin hilweşandin ku tenê di berteka referandum de ji aliyê hikûmeta federal û parlamentoya Iraqê ve li ser Herêma Kurdistanê hatine sepandin.

 
Parlamentoya Kurdistanê biryara Dadgeha Fedralî ya Iraqê qebûl nake

THURSDAY, 23 NOVEMBER 2017 19:11:48

Hewlêr-KDP.info- Cîgirê Serokê Parlamentoya Kurdistanê Ceifer Êmînkî ragihand ku ew biryara Dadgeha Federalî ya Iraqê qebûl nakin, ji ber ku kar û deselatê wê dadgehê tenê ravekirina destûra Iraqê ye û nikare biryarê bide referanduma Başûrê Kurdistanê destûrî ye yan na.

Çavkaniyeke agahdar: Şandeke siyasî ji Şîeyan hatiye ser Çiyayê Şingalê

THURSDAY, 23 NOVEMBER 2017 18:11:22

Şingal-KDP.info- Çavkaniyeke agahdar ji ser Çiyayê Şingalê ragihand ku duhî şandeke siyasî ji Şîeyan serdana çiyayê Şingalê kiriye û armanca wê serdanê siyasî bûye.

Wezîrê Derve yê Brîtanya nameyek ji Nêçîrvan Barzanî re şand

WEDNESDAY, 22 NOVEMBER 2017 20:11:36

Hewlêr-KDP.info- Wezîrê Derve yê Brîtanya Boris Johnson ji Serokwezîrê Herêma Kurdistanê Nêçîrvan Barzanî re name şand û tê de ragihand, ku hewleke ciddî ji bo çareserkirina nakokiyên Hewlêr-Bexdayê li ser bingeha Destûra Iraqê heye.

 
Parlamentereke Kurd: Divê madeya 140 cîbicî bibe û piştre danûstandinê destpê bikin

WEDNESDAY, 22 NOVEMBER 2017 18:11:33

Hewlêr-KDP.info- Piryara Dadgeha Fedralî ya Iraqê û daxuyaniya Serok Barzanî li ser wê biryarê, hinek pisporên yasayî û siyasî han dane ku behsa komek mercên Kurdistanî ji bo danûstandinên di navbera Hewlêr û Bexdayê de bikin û bêjin divê gilî li Heyder Ebadî bê kirin.



 
© 2017 Kurdistan Democratic Party, KDP