Kurdî  ■  كوردی  ■  عربي
TUE, 25 SEP 2018 18:42 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Navê hêza leşkerî ya Kurdistanê Pêşmerge ye
| KDP.info


Çeto Omerî

Ew Pêşmerge ne, Ew li pêşiya mêrxasiyê de dîlana mêraniyê li dar dixin.

Ji ber ku navê wan ji pêşengî yê, ji mêrxasî yê, ji bawerî yê, ji bikêr hatinê û bi rizgarîxwaziyê tê naskirin. Belê navê Pêşmerge ji nemir Pêşewa qazî Mihemed ku bi navê Ehmed Destmal ve hatiye dayîn. Ji wê rojê heta îroj hêza Pêşmerge di şerê doza rizgariya Kurdistanê de bûye hêvî û serbilindiya Kurdan di heman demê de jî bûne tirs û xofa dilê dijmin û neyaran û kelemê çavê wan.

Bi sûnd û peyman ew di qada şerên mêrxasiyê de tu caran têk neçûne. Tu caran paşve ne kêşane û tu caran xwe ne avêtine bextê dijmin û neyarên xwe, bawer bikin aman xwestin di ferhenga wan de nîne.

Doza wan ya heqiyê ye û ew heq û maf parêz in.

Hêvî ne, star in û di nava hêlîna dilê gelê xwe de ne.

Metînkarên Kurdistanê li dijî şerê Pêşmergeyên Kurdistanê de hertim têk çûne bê çare mane û ji bo ku zora Pêşmergeyên Kurdistanê bibin piraniya caran nemerdî kirine û li dij Pêşmerge balafirên şer, Helîkoptêr, tank, top û mîtralyozan bikaranîne. Dîsan jî li hemberî şêrên Kurdistanê biser neketine û rabûne cûr be cûr çekên kîmyewî yên qedexe bikaranîne. Kîmya baran kirine. Lê dîsan jî nikarîbûn dawî li hêza Pêşmergeyan bînin ji ber ku Pêşmergeyatî xewn û xeyala hemî Kurdên niştiman perweran e. Kurd bi kêfxweşî û bi serbilindî diçûn û dibûn Pêşmerge. ji ber ku her Kurdek welat perwer Pêşmerge ye.

Pêşmerge hêza netewî ya Komara Mahabad a Kurdistanê û şerwanên Pêşewa Qazî Mihemedê nemir bûn. Pêşmerge heval û şerwanên rêbaza nemir ya M. Mistefayê nemir bûn, pêşmerge îroj jî hêza sereke ya Komara Kurdistana azad in û hêviya hemî Kurdên cîhanê û parazvanên sînorên Kurdistana azad in. Ev sê sal in ku hêza Pêşmerge şerê li hemberî terorîstên DAIŞê de ji teref hemî cîhanê ve bi qaremaniyên xwe ve hatin naskirin. Îroj hemî cîhan navê Pêşmerge nas dike. Gelek serok dewletên mezin yên cîhanê bi şanazî pesna qaremaniya Pêşmerge didin.

Ger hêza Pêşmerge nebûya îroj Herêma Hikumeta Kurdistana azad jî nedibû. Ger Hêza Pêşmergeyên Kurdistanê neba dê îroj wan deskeftiyên Kurdan li Başûrê Kurdistanê nedibû. Ger hêza Pêşmerge nebûya îroj terorîstên DAIŞê dê hemî deskeftiyên Kurdistana azad binpê kiriba. Ger hêza Pêşmerge nebûya dê Kobaniya Rojava û hemî axa Rojava tev biketa destê terorîstên DAIŞê û hêzên tarî li pişt wan terorîstan. Ger hêza pêşmerge neba îroj dê tu garantiya parastin û pêşketina Kurdistana azad nedibû. Ger hêza Pêşmerge neba îroj Başûrê Kurdistanê nedikarî bi aramî doza referanduma serxwebûna Kurdistanê bikira.

Pêşmerge yanî Kurdistan..

 




Nûçeyên din

Nêçîrvan Barzanî: Avedanî li Kurdistanê dest pê dike..Me qonaxa dijwar derbas kir

TUESDAY, 25 SEPTEMBER 2018 16:09:03

Duhok-KDP.info- Serokwezîrê Herêma Kurdistanê Nêçîrvan Barzanî di merasîma danîna kevirê bingehîn ê rêya Roviya-Gopal li parêzgeha Duhokê ragihand, 80 milyon dolar bo vê projeyê hatiye terxankirin û Hikûmeta Herêma Kurdistanê bo vejandina piraniya navçeyan plan amade kirine. Nêçîrvan Barzanî tekez kir, ji niha pê ve li Kurdistanê avedanî dest pê dike.

 
Di nava siyasetmedarên Ewropa de behsa salvegera referandumê hat kirin

MONDAY, 24 SEPTEMBER 2018 19:09:44

Hewlêr-KDP.info- Di civîna serkirdatiya Lawê Partiya Gelên Ewropa li bajarê Boxarêst paytexta Romanya, behsa yekemîn salvegera referanduma serxwebûna Başûrê Kurdistanê hat kirin.

 
Japonya: Kurdistan navendeke girêng a aştî û aramiyê ye

MONDAY, 24 SEPTEMBER 2018 19:09:22

Hewlêr-KDP.info- Serok Barzanî pêşwaziya Balyozê nû yê Japonya li Iraqê kir û di wê hevdîtinê de şanda mêvan got ku Kurdistan navendeke girêng e ji aştî û aramiyê, lewma jî ew dixwazin di hemû waran de têkeliyên xwe ligel Kurdistanê bihêz bikin.

Serok Barzanî: Ez piştgiriyê li Fuad Husên dikin

MONDAY, 24 SEPTEMBER 2018 15:09:31

Hewlêr-KDP.info- Serok Mesûd Barzanî peyamek bo piştevaniya li Dr. Fuad Husên bo bidestxistina kursiyê serokomariya Iraqê belav kir û tê de ragihand: “Ji ber şiyan û jêhatîbûna wî min bi baş dît ku birêz Dr. Fuad Husên bo vî kursî berbijêr bikim.” Serok Barzanî herwiha dibêje: “Em bi hemû şiyanekê piştevanî li Dr. Fuad Husên dikin.”

Serok Barzanî: Me dest ji armancên xwe bernedaye..Emê guhertin û çaksaziyeke mezin bikin

SUNDAY, 23 SEPTEMBER 2018 17:09:19

Silêmanî-KDP.info- Serok Mesûd Barzanî ragihand, ku eger di hilbijartinên Parlamentoya Kurdistanê de PDK biserkeft dê guhertin û çaksaziyeke mezin bike.

 


 
© 2018 Kurdistan Democratic Party, KDP