Kurdî  ■  كوردی  ■  عربي
THU, 23 NOV 2017 23:22 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî: Gelê Kurdistanê dê 25ê Îlonê dîrokek nû binivîsine
| KDP.info


 

Hewlêr-KDP.info- Serokê Herêma Kurdistanê Mesûd Barzanî ragihand, ku tenê du heftî man, ku gelê Kurdistanê biryar li çarenivîsa xwe bide û dengê xwe bigihîne cîhanê. Barzanî tekez kir, ku divê navendên biryarê li cîhanê dengê gelê Kurdistanê bibihîsin.


Mesûd Barzanî îro bi helkevta pênce û şeşemîn salvegera destpêkirina Şoreşa Îlonê bi serkirdatiya rêberê nemir ê netewî Mela Mistefa Barzanî, peyamek weşand.

Serok Barzanî di peyama xwe de dibêje, ku îsal salvegera Şoreşa Îlonê di demekê de ye, ku tenê du heftî mane heta ku gelê me biryara xwe ya ji bo serbestî û azadiyê bi hemû cîhanê rabigihîne û mizgîniyê bide hemû şorş û şehîd û qurbaniyên Kurdistanê.

Di peyamê de tê gotin: “Îro salvegera pencih û şeş (56) saliya destpêkirina şoreşa mezin a Eylûle (Îlonê) ye , şoreşek ku bawerî bi xwebûn û îrade di dilê hemû takekî Kurdistanê de dirust kir. Îsal salvegera şoreşa Eylûlê di demekê de ye, ku tenê du heftî mane heta ku gelê me biryara xwe ya ji bo serbestî û azadiyê bi hemû cîhanê rabigihîne û mizgîniyê bide şoreşa Eylûlê û hemû şoreş û berxwedanên dinên gelê me û berhemê wan hemû qurbanîdan û xweragiriyê biçîne. Gelê Kurdistanê şoreşa "Belê ji bo serxwebûnê" dest pê kiriye û di 25ê Îlonê de, dîrokekî nû tomar dike.”

Di beşeke din a payama xwe de, Serok Barzanî diyar dike, ku hemû berxwedan û şoreşên gelê Kurdistanê ji bo azadî û serxwebûnê bûne û tekez kir, ku nabe xwîna law û xortên Kurd ku bi neheqî rijiaye, bê encam bimîne.

Serok Barzanî wiha got: “Şoreşa Eylûlê (Îlonê) û hemû şoreş û berxwedanên dinên gelê me tenê ji bo azadî û serxwebûn bûne, nabe ku xwîna bi neheqrijiyayî ya xort û lawên gelê me bê encam be. Divê cîhan guh bide dengê azadîxwazên Kurdistanê, divê hawara 182 hezar enfalkiriyên Kurdistanê di navendên biryara cîhanê de bihê bihîstin, divê guh bidin nalîna 5 hezar şehîd û dehan hezar birîndarên Helebçe, divê cîhan guh bide hawara 8 hezar Barzaniyên enfalkirî û 12 hezar xortên bê serûşûn ên Kurdên Feylî, dengê şehîdan û kesukarên wan dibe "Belê ji bo serxwebûn" û di 25ê Îlonê de li dergehê wîjdana hemû cîhanê dide.”

Serok Barzanî peyama xwe bi van gotinan bi dawî tîne: “Di salvegera şoreşa mezin a Îlonê de, em silav ji bo giyanê pakê hemû şehîdên rêya azadiya gelê me re dişînîn. Silav li Pêşmergeyên qehremanên Kurdistanê. Silav li gelê berxwedêr ê Kurdistanê.”




Nûçeyên din

Hikûmeta Kurdistanê bersiva Ebadî da

THURSDAY, 23 NOVEMBER 2017 21:11:54

Hewlêr-KDP.info- Hikûmeta Herêma Kurdistanê bersiva daxuyaniya roja Sêşemiyê ya Serokwezîrê Iraqê Heyder Ebadî da û ragihand, bi piştgirêdana bi biryara Dadgeha Federalî ya Iraqê ya di 20-11-2017ê de, divê hemû ew rêkar û encam û bandorên nerewa yên li dijî Herêma Kurdistanê werin hilweşandin ku tenê di berteka referandum de ji aliyê hikûmeta federal û parlamentoya Iraqê ve li ser Herêma Kurdistanê hatine sepandin.

 
Parlamentoya Kurdistanê biryara Dadgeha Fedralî ya Iraqê qebûl nake

THURSDAY, 23 NOVEMBER 2017 19:11:48

Hewlêr-KDP.info- Cîgirê Serokê Parlamentoya Kurdistanê Ceifer Êmînkî ragihand ku ew biryara Dadgeha Federalî ya Iraqê qebûl nakin, ji ber ku kar û deselatê wê dadgehê tenê ravekirina destûra Iraqê ye û nikare biryarê bide referanduma Başûrê Kurdistanê destûrî ye yan na.

Çavkaniyeke agahdar: Şandeke siyasî ji Şîeyan hatiye ser Çiyayê Şingalê

THURSDAY, 23 NOVEMBER 2017 18:11:22

Şingal-KDP.info- Çavkaniyeke agahdar ji ser Çiyayê Şingalê ragihand ku duhî şandeke siyasî ji Şîeyan serdana çiyayê Şingalê kiriye û armanca wê serdanê siyasî bûye.

Wezîrê Derve yê Brîtanya nameyek ji Nêçîrvan Barzanî re şand

WEDNESDAY, 22 NOVEMBER 2017 20:11:36

Hewlêr-KDP.info- Wezîrê Derve yê Brîtanya Boris Johnson ji Serokwezîrê Herêma Kurdistanê Nêçîrvan Barzanî re name şand û tê de ragihand, ku hewleke ciddî ji bo çareserkirina nakokiyên Hewlêr-Bexdayê li ser bingeha Destûra Iraqê heye.

 
Parlamentereke Kurd: Divê madeya 140 cîbicî bibe û piştre danûstandinê destpê bikin

WEDNESDAY, 22 NOVEMBER 2017 18:11:33

Hewlêr-KDP.info- Piryara Dadgeha Fedralî ya Iraqê û daxuyaniya Serok Barzanî li ser wê biryarê, hinek pisporên yasayî û siyasî han dane ku behsa komek mercên Kurdistanî ji bo danûstandinên di navbera Hewlêr û Bexdayê de bikin û bêjin divê gilî li Heyder Ebadî bê kirin.



 
© 2017 Kurdistan Democratic Party, KDP