Kurdî  ■  كوردی  ■  عربي
THU, 23 NOV 2017 23:19 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Berwarî: Kes nikare Silêmaniyê ji pirsên niştimanî dûr bike
| KDP.info


Hewlêr-KDP.info- Şirovekarê siyasî Ebdulselam Berwarî dibêje, kes nikare Silêmaniyê ji pirsên niştimanî dûr bike û baykotkirina xelkê wî bajêrî ji kombûna li dijî referandumê re, dihat çaverêkirin.

Ebdulselam Berwarî ji malpera KDP.info re ragihand: “Tişta ku duhî li Silêmaniyê çêbû dihat çaverêkirin û xelkê Silêmaniyê helwesta Na ji serxwebûna Kurdistanê re şermezar dikin û nizanin dê çawa kesek karibe dengê xwe li dijî serxwebûnê bide û bixwaze ligel dewletekê bijî ku heta bi nanê xelkê Kurdistanê qut kiriye.”

Berwarî wiha got: “Li Silêmaniyê hinek alî dixwazin xelkê ji rê bibin lê derbarê pirsa referandum û serxwebûna Kurdistanê xelkê Silêmaniyê bersiva wan kesan dan û piştrast kirin ku kes nikare Silêmaniyê ji pirsên niştimanî dûr bike û kes nikare bi hesên xelkê bilîzin.”

Wî şirovekarê siyasî wiha domand: “Dijayetiya azadî û serxwebûnê ji ti miletekî nayê çaverêkirin û ew kesên ku duhî li dijî referandumê kombûn lidar xistin, bêhiviyek di wan de diyar bû û nas kirin ku kes nikare helwesta xelkê Kurdistanê li hemberî referandum û serxwebûnê bughere.”




Nûçeyên din

Hikûmeta Kurdistanê bersiva Ebadî da

THURSDAY, 23 NOVEMBER 2017 21:11:54

Hewlêr-KDP.info- Hikûmeta Herêma Kurdistanê bersiva daxuyaniya roja Sêşemiyê ya Serokwezîrê Iraqê Heyder Ebadî da û ragihand, bi piştgirêdana bi biryara Dadgeha Federalî ya Iraqê ya di 20-11-2017ê de, divê hemû ew rêkar û encam û bandorên nerewa yên li dijî Herêma Kurdistanê werin hilweşandin ku tenê di berteka referandum de ji aliyê hikûmeta federal û parlamentoya Iraqê ve li ser Herêma Kurdistanê hatine sepandin.

 
Parlamentoya Kurdistanê biryara Dadgeha Fedralî ya Iraqê qebûl nake

THURSDAY, 23 NOVEMBER 2017 19:11:48

Hewlêr-KDP.info- Cîgirê Serokê Parlamentoya Kurdistanê Ceifer Êmînkî ragihand ku ew biryara Dadgeha Federalî ya Iraqê qebûl nakin, ji ber ku kar û deselatê wê dadgehê tenê ravekirina destûra Iraqê ye û nikare biryarê bide referanduma Başûrê Kurdistanê destûrî ye yan na.

Çavkaniyeke agahdar: Şandeke siyasî ji Şîeyan hatiye ser Çiyayê Şingalê

THURSDAY, 23 NOVEMBER 2017 18:11:22

Şingal-KDP.info- Çavkaniyeke agahdar ji ser Çiyayê Şingalê ragihand ku duhî şandeke siyasî ji Şîeyan serdana çiyayê Şingalê kiriye û armanca wê serdanê siyasî bûye.

Wezîrê Derve yê Brîtanya nameyek ji Nêçîrvan Barzanî re şand

WEDNESDAY, 22 NOVEMBER 2017 20:11:36

Hewlêr-KDP.info- Wezîrê Derve yê Brîtanya Boris Johnson ji Serokwezîrê Herêma Kurdistanê Nêçîrvan Barzanî re name şand û tê de ragihand, ku hewleke ciddî ji bo çareserkirina nakokiyên Hewlêr-Bexdayê li ser bingeha Destûra Iraqê heye.

 
Parlamentereke Kurd: Divê madeya 140 cîbicî bibe û piştre danûstandinê destpê bikin

WEDNESDAY, 22 NOVEMBER 2017 18:11:33

Hewlêr-KDP.info- Piryara Dadgeha Fedralî ya Iraqê û daxuyaniya Serok Barzanî li ser wê biryarê, hinek pisporên yasayî û siyasî han dane ku behsa komek mercên Kurdistanî ji bo danûstandinên di navbera Hewlêr û Bexdayê de bikin û bêjin divê gilî li Heyder Ebadî bê kirin.



 
© 2017 Kurdistan Democratic Party, KDP