Kurdî  ■  كوردی  ■  عربي
THU, 23 NOV 2017 23:21 Erbil, GMT +3
Partiya Demokrat a Kurdistanê
Nûbûn  .  Dadperwerî  .  Bihevrejiyan
 

Serok Barzanî: Gelê Kurdistanê biryara referandum û serxwebûnê daye
| KDP.info


Hewlêr-KDP.info- Serokê Herêma Kurdistanê Mesûd Barzanî ji bo rayagiştî peyamek weşand û got: “Her cûre daxuyanî û tevgerên, ku bêhna dijîtiya biratî û pêkvejiyanê jê bê, ti peywendiyekî bi bihayên bilindên gelê me û siyaseta Herêmê ve tûne û gelek dûre ji çanda pêkvejiyan û lêborînê ya gelê Kurdistanê.”

Serokê Herêma Kurdistanê îro (10-09-2017) bi peyamekê ji hemwelatiyên Kurdistanê daxwaz kir, ku di dema derbirîna îrade û mafên xwe de, bihayên bilindên gelê Kurdistanê û çanda biratî û pêkvejiyana dîrokî ya di navbera pêkhatên neteweyî û olî de li berçav bigrin.

Serok Barzanî got: “Gelê Kurdistanê ezmûnekî sed salî ya pir bi êş li gel hikûmetên Iraqî de derbas kiriye. Di vê sed salê de şîrîkatî nehat bi cîh kirin û gelê Kurdistanê rastê enfal û kîmyabaranê hat. Bi navê gihîştina aştiyê û dûrketina ji şer û giriftên zêdetir, gelê Kurdistanê biryar daye referandûmê bike û berbi serxwebûna xwe ve pêngavan bavêje.”

Serokê Herêma Kurdistanê Mesûd Barzanî tekez kir, ku ev pêngav mafekî xwezayî û rewa ya gelê Kurdistane ye û nakok nîne li gel ti bingeheke esmanî û mirovî.

Serokê Herêma Kurdistanê diyar kir: “Bi cîhkirina vê mafê bi ti awayî nayê wateya dijîtiya ti pêkhateyekî neteweyî û olî yê gelê Iraqê. Belku ev yek danîna bingeheke bi hêz e ji bo rêgirtina li têkdana peywendiya dîrokî ya di navbera gelê Kurdistan û gelê Iraqê de.”

Di berdewama peyama xwe de Serok Barzanî destnîşan kir: “Her cûre daxuyanî û tevgerên, ku bêhna dijîtiya biratî û pêkvejiyanê jê bê, ti peywendiyekî bi bihayên bilindên gelê me û siyaseta Herêmê ve tûne û gelek dûre ji çanda pêkvejiyan û lêborînê ya gelê Kurdistanê.”

Serok Barzanî di peyama xwe de wiha got: “Ji wê dema, ku em berbi serxwebûnê pêngavan davêjin heta niha, misogere ku tevgerên sîtemkar ên rejîmên berê yê Iraqê yên li dijî gelê Kurdistanê, li gel pêwendiya biratî ya gelê Kurdistanê û gelê Iraqê nayên tevlîhevkirin. Referandûm jî bi ti awayekî kar nake ser berdewamiya dostayetî û birayetiya di navbera gelê Kurdistanê û gelê Iraqê, belku kûrtir û bi hêztir dike. Em dizanin ku gelên Iraqê jî ji destê rejîmên dîktator bûne qurbanî û li gel gelê Kurdistanê li yek enî û sengerê da bûne.”

Serok Barzanî di dawiya peyama xwe de da xuyakirin: “Em ji hemwelatiyên Kurdistanê daxwaz dikin, ku di dema derbirîna îrade û mafên xwe de, bihayên bilind ên gelê me û çanda biratî û pêkvejiyana dîrokî ya di navbera pêkhateyên neteweyî û olî li berçav bigrin. Xuşk û birayên me yên li Iraqê divê bizanin, ku gelê Kurdistanê sedema têkdana yekparçeyî û şîrîkatî û jiyana hevbeş a li Iraqê nebûye, belku rejîmên sîtemkar û hikûmetên Iraqê û siyaseta înkarkirinê, sedema sereke ya têkdana pêkveyî û yekperçeyiyê bûn.”




Nûçeyên din

Hikûmeta Kurdistanê bersiva Ebadî da

THURSDAY, 23 NOVEMBER 2017 21:11:54

Hewlêr-KDP.info- Hikûmeta Herêma Kurdistanê bersiva daxuyaniya roja Sêşemiyê ya Serokwezîrê Iraqê Heyder Ebadî da û ragihand, bi piştgirêdana bi biryara Dadgeha Federalî ya Iraqê ya di 20-11-2017ê de, divê hemû ew rêkar û encam û bandorên nerewa yên li dijî Herêma Kurdistanê werin hilweşandin ku tenê di berteka referandum de ji aliyê hikûmeta federal û parlamentoya Iraqê ve li ser Herêma Kurdistanê hatine sepandin.

 
Parlamentoya Kurdistanê biryara Dadgeha Fedralî ya Iraqê qebûl nake

THURSDAY, 23 NOVEMBER 2017 19:11:48

Hewlêr-KDP.info- Cîgirê Serokê Parlamentoya Kurdistanê Ceifer Êmînkî ragihand ku ew biryara Dadgeha Federalî ya Iraqê qebûl nakin, ji ber ku kar û deselatê wê dadgehê tenê ravekirina destûra Iraqê ye û nikare biryarê bide referanduma Başûrê Kurdistanê destûrî ye yan na.

Çavkaniyeke agahdar: Şandeke siyasî ji Şîeyan hatiye ser Çiyayê Şingalê

THURSDAY, 23 NOVEMBER 2017 18:11:22

Şingal-KDP.info- Çavkaniyeke agahdar ji ser Çiyayê Şingalê ragihand ku duhî şandeke siyasî ji Şîeyan serdana çiyayê Şingalê kiriye û armanca wê serdanê siyasî bûye.

Wezîrê Derve yê Brîtanya nameyek ji Nêçîrvan Barzanî re şand

WEDNESDAY, 22 NOVEMBER 2017 20:11:36

Hewlêr-KDP.info- Wezîrê Derve yê Brîtanya Boris Johnson ji Serokwezîrê Herêma Kurdistanê Nêçîrvan Barzanî re name şand û tê de ragihand, ku hewleke ciddî ji bo çareserkirina nakokiyên Hewlêr-Bexdayê li ser bingeha Destûra Iraqê heye.

 
Parlamentereke Kurd: Divê madeya 140 cîbicî bibe û piştre danûstandinê destpê bikin

WEDNESDAY, 22 NOVEMBER 2017 18:11:33

Hewlêr-KDP.info- Piryara Dadgeha Fedralî ya Iraqê û daxuyaniya Serok Barzanî li ser wê biryarê, hinek pisporên yasayî û siyasî han dane ku behsa komek mercên Kurdistanî ji bo danûstandinên di navbera Hewlêr û Bexdayê de bikin û bêjin divê gilî li Heyder Ebadî bê kirin.



 
© 2017 Kurdistan Democratic Party, KDP